झाडाला केलेले खुंटी कलम

अरेव्वा... जागुडे! तुझ्याकडे खुंटीकलम जगलं म्हणजे. छान फुटवे आलेत. आधीची पानं तशीच राहुन नविन पानं फुटली का?
मी एकदा घरच्या गुलाबाला 'डोळे भरण्याचा' असफल प्रयत्न केला होता.

जागूबाय, खूप छान माहिती !
कलम करायला योग्य सीझन कोणता? पावसाळा का?
कारण इतर दिवसात हवा बरीच कोरडी असते.

मस्त एक्स्प्लेन केलं आहेस फोटोंद्वारे

जागू छानच माहिती दिलिस

जागू, फोटोद्वारे छान समजावून सांगितलस.
लहानपणी वडील अशी कलमं करायचे, आणि आम्हाला माहिती द्यायचे. तीच आठवण झाली.

खुप दिवसांनी, आमची माती, आमची माणसं हा माझा अत्यंत आवडता कार्यक्रम बघितल्यासारखे वाटले.
( आता बाकिचे कलमाचे प्रकार पण येतीलच ! )

वा मस्तच, माझ्या सासरी जास्त करून भेट कलम करतात, मी नाही प्रत्यक्ष बघितले अजून, आता जाऊन असेच फोटो काढले पाहिजे.

मस्त फोटो आणि माहिती जागु , मी पण दहावीच्या सुटीत असताना कलम करायला शिकलो होतो, मजा यायची.
येवढं मोठं झाड तोडण्यापेक्षा , लहान रोपट्यांवर कलम केले तरी ४-५ वर्षात बर्‍यापैकी कलम वाढतं.

जागूताई, तुमची माहीती मस्तच असते. एक भोभाप्र आहे. जर कलमं वाढायला लागल्यावर जुनं झाड तोडून टाकावं लागत असेल तर रोपटी थेट मातीत का लावू नयेत? जुन्या झाडाचा सामुग्रीसंभार (इन्फ्रास्ट्रक्चर) आयता वापरायला मिळावा म्हणून कलम करतात का?
आ.न.,
-गा.पै.

छान माहिती. धन्यवाद जागू.

गापै , रोपटं लावल्यानंतर त्याचं पुर्ण झाड बनुन आंबे यायला जवळपास १५-२० (?) वर्ष लागतात. पण कलम केल्यावर ४-५ वर्षात आंबे येऊ शकतात आणि तुम्हाला पाहीजे त्या वाणाचे. पण तुम्ही म्हणता तसं लहान रोपट्यांवर सुद्धा कलम करता येत.

धन्यवाद श्री!
आ.न.,
-गा.पै.

जागू मस्त माहिती दिलीस. तुला गुलाबाचे कलम कसे करायचे माहित आहे का? त्याची माहिती देशील का?

मस्त माहिती, जागू.
लहानपणी गुलाबाचं कलम करताना पाहिलं होतं ते अंधुकसं आठवलं. तेंव्हा कलम केलेल्यांनी माती ऐवजी (किंवा बरोबर) शेण वापरलं होतं असं अंधुकसं आठवतय (आणि पूर्ण कलम प्रक्रियेत एवढंच आठवतंय :फिदी:). दोन वेगवेगळ्या रंगाचं गुलाबाचं फूल येण्याकरता वापरतातना ते कलम?

शाळेतल्या पुस्तकानंतर पहिल्यांदाच हा विषय.

सगळं कसं बैजवार आणि फोटोसकट दिल्यामुळे खूप आवडलं हे कथन....

बाकी इतर कलमांचीही अशी माहिती दिलीस तर आवडेलच ....

जगू, एकदम मस्त माहिती.

गापै, कलमी आंब्याची (विशेषतः हापूस) फांदी लाऊन पण झाड येते. पण त्याला धरणारी फळे स्वादाला फारफार तर हापूसच्या जवळ जाऊ शकतात (किती प्रमाणात ते काहीच सांगता येत नाही) पण हापूसचा अस्सल स्वाद त्यांना कधीच येऊ शकत नाही. त्यासाठी कलमच करावे लागते.

बाकीच्या झाडांच्या बाबतीत श्रीने सांगितलय तसे लवकर आणि चांगल्या दर्जाची फळे मिळण्याकरता कलम करतात.

कधी कधी कापून टाकलेले मूळ झाड पुन्हा पालवते. मग त्या फांदीची फळे आणि कलम केलेल्या फांदीची फळे वेगवेगळ्या स्वादाची / रंगाची / आकाराची असतात.

मस्त माहिती जागू !
मुळ झाडं तोडून टाकायचां म्हणजे ती फांदी मोठी झाली की जमिनीत लावायची का ?

जागू,
एअर प्रोपागेशन करून अमेरीकेत कलमं करायची पद्ध्त आहे(मला माहीती नाही भारतात करतात की नाही). पण त्याच झाडावर कलम केलेले मूळ झाडापासून वेगळं करून पुन्हा दुसरीकडे लावतात पण सुरुवात सेमच वाटली थोडीफार.

आताच तुझ्या प्रतिसादाता वाचले की त्याला जोड कलम म्हणतात. अनंताचे मस्त होते. बरोबर.

मस्त माहीती आहे पण खुंटी कलमाची.

जागू फोटो वेळेवेळी काढून एक छानच धडा तयार झाला आहे .

खूप छान माहिती .............जागु

मस्त फोटो आणि माहिती जागु , तुमचे ब्लोच्क वाचून खूप माहिती मिळते.

मस्त एक्स्प्लेन केलं आहेस फोटोंद्वारे>>>>> अगदी अगदी!

मस्त!
एका मैत्रिणीने गुलाबचं कलम केलेलं. तिने फांदी कडेला तासटून कलम करायच्या रोपाच्या फांदीवर खाच करून दोराने घट्ट बांधले होते. खाचेच्या जागेवर तसेच कलमाच्या टोकाशीपण माती ओली करून लावली होती. छान धुमारे फुटले होते त्यातून.

खुप छान आणि उपयुक्त माहिती आपण दिली. आपले खुप धन्यवाद . यात एकच माहिती आपण दिली असती तर अजून चांगले झाले असते ;ते म्हणजे हे कलम केले ती वेळ , म्हणजे हंगाम आणि महिना. जर आपणास कळवता आले तर आवश्य कळवा . मी हा प्रयोग माझ्या शेतात करत आहे. पुन्हा एकदा धन्यवाद .
gopalvdy@outlook.com

कलम तज्ज्ञांना माझा एक प्रश्न
बाभळीच्या झाडावर आपण फळ झाडाचं कलम करू शकतो का, कारण बाभळीच्या झाडाला खतपाणी काहीच लागत नाही. आणि ही झाडे खूप वाढतात.