हर शाम...उनके नाम!
काल मैत्रीण भेटली, हट्टून बसली - म्हणे माझ्यावरही एक कविता कर!
मी क्षणभर गोंधळलो, विचारात पडलो -
"चालत्या-बोलत्या कवितेवर कसली कविता करायची?" असं काहीसं साहित्यिक वगैरे पुटपुटलो...
एकवेळ गर्लफ्रेंडची समजूत काढणं सोपे आहे,
हे इतरांच्या अनुभवावरून माहित होतं..
पण हिची समजूत कशी काढायची?
आणि त्याहीपेक्षा महत्त्वाचं म्हणजे -
या मैत्रीला वय नाही, त्यामुळे चढ-उतारांचं भय नाही.
इथे आहे फक्त नितळता आणि निखळता..
ती कशी मोजायची?
पण म्हटलं - ’बघुया शोधून आतमध्ये, काही सापडतंय का?’
मग शिलकीत साठलेलं एक एक सापडायला लागलं...
मग आठवले चहाचे कप, फाटक्या नोटा,
बोलण्यातले हट्ट, अर्धवट गप्पा,
हरवलेलं गिफ़्ट, विसरलेले बर्थडे,
चुकलेले रस्ते, संपलेलं पेट्रोल,
भर दुपार, गोंधळ फार!
मिस न करताही उगाच मिस कॉल्स,
आणि कुठलीही स्कीम नसताना एका तासातले ६० मेसेजेस् - मग त्यावरून भांडण!
पण नाकावरचा राग नाकावरच रहायचा,
कितीही भांडलो तरी एकमेकांवरच निघायचा...
कदाचित मैत्री व्याख्येच्या बंधनात तेव्हा अडकली नव्हती
"स्वत:ची स्पेस" नावाची पोकळी आयुष्यात तोपर्यंत शिरली नव्हती..
बरेचदा संध्याकाळ अंगावरून मोरपीसासारखी निघून जायची...
खिसे रिकामे पण मनं भरलेली असायची...
हां.. त्या आषाढवयात एकमेकांना एकमेकांबद्दल
कधीतरी काही वेगळं वाटलंही होतं - पण तेवढ्यापुरतंच.
त्या आषाढातलं ते वादळ सहज पेलल्यामुळे
नातं श्रावणासारखं टवटवीत झालं होतं...
आठवल्या मग खूपशा पुसलेल्या रेघा - वहीमधल्या, पाटीवरच्या, वाळुवरच्य़ा...
ती हातावरची रेघ मात्र पुसून हवी तिथे नाही काढता आली कधी...
यालाच नियती म्हणतात हे तेव्हा गावीही नव्हतं...
आणि आता नातं तर व्याख्येपलीकडे पोहोचलेलं.
भाग्याचा स्पर्श, सहवासाचं कोंदण,
ओंजळभर तहान, ढगभरून दान!
अजून काय हवं?
शेवटी आठवला - तिचं लग्न ठरल्यावर सगळ्यांत आधी मला आलेला फोन.
फोनवर तिच्यापेक्षा मीच जास्त एक्साईट झालो होतो..
आणि फोन ठेवताना दोघांच्या तोंडून एकदम आलेलं वाक्य -
"तो? आजसे हर शाम, उनके नाम, हं?"...
मग खूप वर्षांनंतर काल भेटली ती! आणि हट्टून बसली -
म्हणे, माझ्यावरही एक कविता कर!
- नचिकेत जोशी
नचिकेत, या कवितेतील कवितेनेच
नचिकेत,
या कवितेतील कवितेनेच नचिकेतला 'आनंदयात्री' बनवलेले दिसतेय.
काहीही असुदे, पण कविता मनाला भिडणारी आहे.
नचिकेत राव रडवलंत तुम्ही
नचिकेत राव रडवलंत तुम्ही आम्हाला ..................................वाSह!!! ( आSह!!!!)
अरे! माझी एक खूप आवडती कविता
अरे!
माझी एक खूप आवडती कविता वर काढल्याबद्दल पजो - विशेष धन्यवाद!
प्रद्युम्न, एवढी आवडली? थँक्स!
वैभव, किंकर,
फारच सुरेख रे नचिकेत........
फारच सुरेख रे नचिकेत........ शब्द, मांडणी, आशय - सगळंच जमलंय..... वा जवाब नही......
वा. सुंदर रचना.
वा. सुंदर रचना.
जबरदस्त! क्या बात है!
जबरदस्त! क्या बात है!
धन्यवाद दोस्त्स!
धन्यवाद दोस्त्स!
मनाला स्पर्शून गेली....
मनाला स्पर्शून गेली....
त्या आषाढातलं ते वादळ सहज
त्या आषाढातलं ते वादळ सहज पेलल्यामुळे
नातं श्रावणासारखं टवटवीत झालं होतं...
क्लासिक!!
Best. . . Liked it lot
Best. . . Liked it lot
धन्यवाद दोस्तहो...
धन्यवाद दोस्तहो...
पुन्हा मजा आली
पुन्हा मजा आली
खरच खुप छान.
खरच खुप छान.
मी आधी प्रतिसाद दिलाय की नाही
मी आधी प्रतिसाद दिलाय की नाही आठवत नाहीये. आधी वाचली होती. आणि आता परत वाचूनही तितकीच आवडलीये.
हां.. आषाढवयात एकमेकांना
हां.. आषाढवयात एकमेकांना एकमेकांबद्दल
कधीतरी काही वेगळं वाटलंही होतं - पण तेवढ्यापुरतंच.
त्या आषाढातलं ते वादळ सहज पेलल्यामुळे
नातं श्रावणासारखं टवटवीत झालं होतं... >>> किती बोलकं लिहिलय हो ! अप्रतीम!
अरे....... ही कविता मी कशी
अरे....... ही कविता मी कशी काय मिसली......
भन्नाट ........ !!
एक कडक सॅल्यूट बॉस
मी आधी वाचलेली प्रतिसाद दिलाय
मी आधी वाचलेली
प्रतिसाद दिलाय की नाही कुणास ठाऊक पण आज पुन्हा आवडली.
अप्रतिम नचिकेत! जियो!
माझ्या निवडक १०त!
आवडली रे
आवडली रे
साधी सरळ रचना मनाला स्पर्शून
साधी सरळ रचना मनाला स्पर्शून गेली.
छान.
अरे वा आया अप्रतिम कविता
अरे वा आया अप्रतिम कविता __/\__
उत्खननाबद्दल धन्स रीया
उत्खननाबद्दल धन्स रीया
काय जबरदस्त आहे ? हुरहुर चक्क
काय जबरदस्त आहे ?
हुरहुर
चक्क हुरहुर
गतकाळात हरवलो
अन स्वतःशीस खिन्न हसलो
जियो!
जियो यार.. नच्या अशी मैत्री
जियो यार.. नच्या अशी मैत्री ज्यांनी केली नाही ते जगलेच नाहीत... १०त.
रेव्हूचे आभार ही कविता वर काढल्या बद्दल...!!!
मन अन दिवस प्रसन्न करणारी
मन अन दिवस प्रसन्न करणारी कविता.
सारखी वर येते ही
सारखी वर येते ही कविता
कितीदाही वाचायचीच नाही ठरवलं तरी परत परत वाचली जाते...
आणि मग................
आईशप्प्थ.......... एकदम
आईशप्प्थ.......... एकदम झक्कास
Badalun as disatay? Kay
Badalun as disatay? Kay badalal ahes?
ओह्हो... ही वर आली का!
ओह्हो... ही वर आली का!
रेव्यु, तुमचा प्रतिसाद का कोण जाणे, पण भिडला फार... धन्यवाद.. लोभ असू द्यावा...
रीया,
चिमुरी, मी काहीच बदललं नाहीये... अॅडमिननी बदललं असेल..
सत्यजित, फार मोठी भावनिक गोष्ट बोलला आहेस मित्रा...
धन्यवाद सर्वांचे!
फार फार सुंदर!! शब्द अपूरे
फार फार सुंदर!! शब्द अपूरे आहेत! थेट भिडली मनाला...
मी पण उत्सूक होतो, लग्नानंतर
मी पण उत्सूक होतो, लग्नानंतर काय बदललंय हे पहायला... पण तुझा प्रतिसाद पाहून निराशा झाली
Pages