अरेंज मॅरेज, अजुन एक किस्सा - ताटातलं वाटीत.. !

आदर्श ,
सासू सासरे,(इथे मुलगा आणि मुलगी दोघांचे आई वडील आले)
नवरा बायको
बॉस कर्मचारी .
अशा जोड्या जगात अस्तित्वात च नाहीत.
आपण वेगळ्याच कुठल्या तरी ग्रहावर राहतो आणि अगदी गुणवान आहोत .
असे समजून प्रतेक जन प्रतिक्रिया देत असतात.

गोष्ट म्हणुन ठिक आहे पणं रियल लाईफ मधे रिस्की आहे. आज मुलगा आई वडिलांसाठी खोटं बोलतोयं उद्या अजुन कश्यासाठी तरी बोलेलं. आज त्याचे बोअलणे तिच्या फेवर मधे आहे म्हणुन ठिक आहे पण उद्या तसे असेलच असे नाही...

सगळ्यांना खूश ठेवण्यासाठी सगळ्यांशी खोटं बोलणार्‍यांसारखी घातक माणसं नव्हेत दुसरी! व्हाइट लाइज आर स्टिल लाइज! >>

एकेकाळी माझे विचार असेच होते. पण जमिनीच्या व्यवहारांमुळे ग्रामीण भागाशी संपर्क येत गेला. आठ वाजताची वेळ दिली असेल तर मी आठ वाजता हजर होई. लोक हळूहळू अकरा पर्यंत येत, माझी चिडचिड व्हायची. पण सोबतच्या लोकांनी शांत रहायला शिकवले.
व्यवहारात थोडंसं जरी कुणी खोटं सांगितलं कि मी लगेच तेच धरून बसायचो. पण सोबतच्या लोकांनी कुठले बोलणे कानाआड टाकायचे, कुठले गांभीर्याने घ्यायचे हे शिकवले.
माझ्यासारख्या माणसाला तिथे काट्यावर काटा म्हणतात.
म्हणजे दिलेल्या वेळी घड्याळाचा काटा काट्यावर आला आणि समोरची पार्टी आलेली नसेल कि अस्वस्थ होणारा.
ग्रामीण भागात माणसे लवकर बदलत नाहीत. संकुचित विचार असतात. पण भलं होत असेल आणि समजावून सांगितले तर मान्य करतात. अशा मंडळींना बदलवत बसण्यापेक्षा व्यवहार होण्यासाठी थोडे खोटे बोलून व्यवहार पार पाडणे यात कुणाला काही चूक वाटत नाही. खोटे बोलणे आणि फसवणे यात फरक आहे. एकदा व्यवहार ठरला कि मग कल्पना दिली जाते. समजूत काढली जाते.

एसडी बर्मन मृत्यूशय्येवर असताना त्यांना एक गाणे आताच रेकॉर्ड व्हावे असे वाटत होते. रेकॉर्डिंग एक कि दोन दिवसांनी होते. किशोरकुमार आणि आरडी यांनी गाणे रेकॉर्ड झाले असे खोटेच सांगितले. एसडींना आपले म्हणणे ऐकल्याचे समाधान वाटले. मग त्यांनी ते ऐकायला मागितले. तोपर्यंत एक दिवस उलटून गेला. गाणे व्यवस्थित रेकॉर्ड झाले. त्यांना ऐकवले गेले. त्यांनी समाधानाने मान हलवली आणि मी सांगितले तसेच किशोरने गायले असे म्हटले. रात्री एसडी गेल्याची बातमी मिळाली.

हे सुद्धा खोटेच बोलणे. उद्देश वाईट नव्हता. त्यांना फसवले असे म्हणता येईल का ?

तुम्ही गेलेल्या एरिया मधली ग्रामीण माणसे होपलेस होती. तुमचं काम असल्याने दगडाखाली हात अडकल्याने तुम्हाला सर्व क्युट मानून घ्यावं लागलं.मान्य.
पण जोवर लग्न होत नाही तोवर या मॅनिप्युलेटेड हुंडा ऑफर वाल्या मुलीचा हात दगडाखाली नाहीये.तिला असले विअर्ड लोक स्वतःचं नुकसान करून घेऊन क्युट मानण्याची जबरदस्ती नाही.(लग्नात तडजोडी दोन्ही पक्ष करतातच.पण त्या अश्या एका पार्टीला खुश दाखवण्या साठी नसाव्या.या आईबाबांना 5 वेगवेगळ्या मुलींच्या बापाने तोंडावर सांगितलं असतं हुंडा देणार नाही, तर पुढच्या वेळी 'ठीक आहे, फक्त लग्न करून द्या, बाकी आम्ही बघतो' म्हणाले असते.आपण पायंडा पाडून यांना 'काहीही मागितलं तरी मान्य होईल' अशी सवय लावतोय.)

धागालेखिका: ही चर्चा तुमच्या काल्पनिक कथेनिमित्ताने होतेय ही चांगली गोष्ट.

पण हे खोटं बोलण्या बद्दल चालू नसून दोन पक्षांपैकी एका पक्षाच्या आईबाबांना दुसऱ्या पक्षाचं मानसिक नुकसान करून ऍट एनी कॉस्ट खुश करण्यातल्या ग्रे एरिया बद्दल चालू आहे ना?

तुम्ही गेलेल्या एरिया मधली ग्रामीण माणसे होपलेस होती >> एखाद्या भागाबद्दल नाहीये ते. अगदी पुण्याला, मुंबईला खेटून असलेल्या भागाबाबतही आहे. वेल्हा, मांजरी, खडकवासला, वाघोली, केसनंद, वडगाव मावळ, शिंदे अशी अनेक गावं. या सगळ्याच गावातली माणसे होपलेस असतील तर आपण आपल्या कोषातच रहायचे का ? ते व्यवहार्य आहे का ? फिक्स्ड पगाराची नोकरी असेल तर शक्य आहे.

पण रघू, होपलेस माणसांबरोबर जिथे डील करावं लागेल तिथे आपण करतोच ना.कोषात न राहता.शी ट हॅपन्स म्हणून.
इथे लाल झेंडे (रेड फ्लॅग) दिसतायत, जे डील जुळेल ते किमान 35 वर्षांचं आहे, डील ला हो नको म्हणण्याचा पर्याय अजून आपल्या जवळ आहे, तिथे मुद्दामून कोषातून बाहेर पडायला संकटं निर्माण करून घ्यायची?
उद्या 'आईबाबा कर्मठ आहेत, आमच्या घरी पिढ्या न पिढ्या बायकोला मारण्याची पद्धत आहे.मी व्हिडिओ कॉल करून त्यांच्या समोर तुला एकच थोबाडीत मारतो.ते चालवून घे.नंतर पुढच्या कॉल मध्ये आपण फक्त तुला वळ उठल्याचा मेकअप करून त्यांना दाखवत जाऊ.' अजूनही 'ओके'?

मला का आवडणार नाही
इथे चर्चा मी, तुम्ही, भारत, अमेरिका यावर चालू नाहीच आहे.मुलीच्या आजूबाजूला 100% मुलं अशीच आहेत, ती सगळी हुंडा मागतायत, अश्या एखाद्या मुलाबरोबर डील हा तिच्याकडे लग्न व्हायला एकमेव उपाय आहे म्हणा, सगळे मुद्दे मागे घेते.

मला तरी त्या मुलाने त्याच्या दृष्टीने काढलेले solution ठीक वाटले.
आता एक खोटं बोलतोय आणि नंतर अशा प्रकारे खोटं बोलला तर, तशा प्रकारे खोट बोलला तर वगैरे तर्क काढण्यात काय अर्थ आहे.
खोटं न सांगता झालेल्या अरेंज किंवा लव्ह मॅरेज मध्ये नंतर सगळं आलबेल असत का??

दोन्ही केसेस मध्ये सगळ्या ( खोट बोलणं/ खोट न बोलण) या शक्यता असणारच ना.

अनुजी, खोटं बोलणं आणि फसवणे यातला फरक (उद्देश) लक्षात न घेता सरसकट होपलेस ठरवणे यात आपली टॉलरन्स लेव्हल किती आहे हे महत्वाचे आहे. खेडेगावातली माणसं शिकलेली नसतात. पण व्यवस्थित रित्या पटवून दिल्यास ते मत बदलत नाहीत असे नाही. जे काही संकुचित विचार असतात ते ही त्यांनी स्वतःचे स्विकारलेले नसतात. सगळे बोलतात करतात म्हणून आपणही इतकेच असते.

वेळ महत्वाची असते. वेळेला थोडं समजुतीने घेण्यासाठी करावं लागतं. एकदा त्याची मानसिकता बदलायची झाली कि मग सांगायचे. ग्रामीण भागात, राजकारणात कधीच तत्वासाठी अडून बसून वाद घालून चालत नाही. लवचिकता आणि लाडीगोडीने समोरच्याला वळणावर आणावे लागते. एकदम होपलेस असे लेबल लावून चालत नाही.

ईतके प्रतिसाद बघून समजले कथेवर वैचारीक लफडा चालू आहे.

हे जर अरेंज मॅरेज असेल तर मुलगी बावळट आहे. तिने फालतूची रिस्क घेतली आहे.

जर मुलगा तिच्या लव्ह अ‍ॅट फर्स्ट साईट प्रेमात असेल तर तिने त्याला सरळ सांगावे,
"भावा, तुझे खरेच माझ्यावर प्रेम असेल आणि तुझे आईवडील चूक आहेत हे तुला माहीत असेल तर आताच क्लीअर स्टँड घे आणि मी हुंडा न घेता या मुलीशीच लग्न करणार हे त्यांना सांग"

ज्या नात्याचा पायाच खोटेपणावर टिकला आहे ते कसे टिकणार?

संसारात ढवळाढवळ करायला सासूसासरे शेजारच्या बेडरूममध्येच झोपणारे हवेत याची काही गरज नाही. गावावरूनही छळून तुमचे मानसिक स्वास्थ्य ढवळून काढता येतेच.

आणि जो नवरा आताच ओळखपाळख नसलेल्या मुलीला तडजोड करायला सांगतोय तो लग्नानंतर आपल्या बायकोला हक्काने तडजोडच करायला सांगणार ईतके बेसिक आहे हे.

उगाच हुंड्याचे पैसे भरतोय या ऑफरने हुरळून जाण्यात काही अर्थ नाही. मी तर म्हणतो त्यापेक्षा सन्मानाने हुंडा भरून नवरा विकत घ्यावा

अजून एक मुद्दा काही प्रतिसादात आला म्हणून लिहीतोय

हुंडा घेणे ही जी एक लोभी वृत्ती आहे तिचा आणि शिक्षणाचा किंवा गावाकडे राहण्याचा फारसा संबंध नाही.

माझ्या अनुभवांनुसार आमच्या गावात नाही कोणी हुंडा घेत. मग ते शिक्षित असो वा अशिक्षित.
पण शहरातले शिकलेले लोकंही अश्या अपेक्षा ठेवताना पाहिले आहे.

@ मी अनु, आबा, छन्दिफन्दि

धागालेखकाने जो किस्सा मेन्शन केला आहे त्यात पण मुलाने मुलीला विश्वासात घेतलेले आहे. गावात लग्न जोरात करणे, हुंडा घेणे या गोष्टी चढाओढीने होतात. माझ्या मुलाला तुझ्यापेक्षा जास्त हुंडा मिळाला हे प्रतिष्ठेचं लक्षण सुद्धा असू शकतं. सगळेच लोभापोटी हुंडा मागतात असे पण नाही. या केस मधे यातले काय लागू आहे ते माहिती नाही. पण मुलाला हुंडा नकोय हे पुरेसं नाही का ? मुलीसाठी हा मुलगा स्वत्: हुंड्याचा बंदोबस्त करतोय, तिच्या घरच्यांना फटका नको हे बघतोय. हे काहीही महत्वाचे नाही का ?

मुलीने पण हा विचार केलाच असेल. नांदायचेय मुलासोबत, त्याच्या वडलांसोबत नाही. शिवाय जर प्रतिष्ठेसाठी हुंडा घेतला असेल तर लग्न लागून गेलं. समवयस्क लोकात एव्हढा हुंडा मिळाला म्हणून पाठ थोपडून घेतली असेल आणि पाच सहा वर्षांनी सत्य समजलं तरी खूप फरक पडणार नाही. गावात अशा गोष्टी घडत राहतात.

मुलगी पळून गेली तरी महिना दोन महीने खानदान कि इज्जत, तू मला मेली, मी तुला मेलो हे सगळं होतं. फार तर वर्ष सहा महीन्यात मुलीचं जावयासहीत व्यवस्थित घरी जाणं येणं सुरू होतं. सगळेच संबंध तोडतात, मारून टाकतात असे नाही.
आपण आपला कोष बनवला कि मग उर्वरीत जगासंबंधी एकदम टोकाची मतं बनतात.

माझी सुरूवातीची मतं ही कामानिमित्त संबंध वाढत गेले तशी बदलत गेली.

"पण व्यवस्थित रित्या पटवून दिल्यास ते मत बदलत नाहीत असे नाही. जे काही संकुचित विचार असतात ते ही त्यांनी स्वतःचे स्विकारलेले नसतात. सगळे बोलतात करतात म्हणून आपणही इतकेच असते." हे सर्व कॉम्प्रो मुलीने लग्न किंवा एंगेजमेंट ची कमिटमेंटही दिलेली नसताना का स्वीकारावे?हा एकच शेवटचा मुलगा उपलब्ध आहे का?

होपलेस शब्द अती आहे, तो मी मागे घेते.

हा एकच शेवटचा मुलगा उपलब्ध आहे का? >>> तो वेगळा इश्यू आहे. त्यावर मी बोलत नाही. कुणाला काय आवडावे हे आपण कसे ठरवणार ? पण त्याच्यातला प्रामाणिकपणा आवडला असेल तर हरकत काय आहे ? जिथे समंजस मुलांची वानवा असेल तिथे त्या मुलीने जर हा विचार केला तर तिला पुढे इतका समजून घेणारा मुलगा मिळेलच हे तरी कसे सांगता येईल ? तिच्यावर सुद्धा प्रेशर असेलच.

होपलेस शब्द अती आहे, तो मी मागे घेते. >>> __/\__

सामाजिक स्थिती जशी बदलत जाते तसे प्रथा बन बदलतात.
तीस एक वर्ष पूर्वी हुंडा घेतल्या शिवाय मुली न शी बहुसंख्य लोक लग्न करत नव्हती.
कायदे आले हुंडा बंदी सारखे पण सामाजिक प्रश्न कायद्याने सुटत नसतात ..

आता मुली न ची संख्या कमी झाली आहे.मुलगा च हवा म्हणून गर्भपात,एक किंवा दोन च मुल ह्या मुळे मुली कमी झाल्या आहेत.
आता मुलीचं च मिळत नाहीत लग्नासाठी त्या मुळे हुंडा हा प्रकार बंद च झाला आहे.
आता उशिरा लग्न 40 नंतर मुल, तिघांचेच कुटुंब, असे प्रकार चालू आहेत
फाजील व्यक्ती स्वतंत्र हा विचित्र प्रकार आहेच जोडीला.
त्याचे बरे वाईट परिणाम पुढील दहा वीस वर्षात दिसून येतील च .
मुल आणि वृध्द लोक ह्यांच्या वर खूप वाईट परिणाम आज च्या सामाजिक बदलेल्या स्थिती च नक्कीच होणार आहे.
मुला न मध्ये हिंसक भावना निर्माण होण्याची दाट शक्यता आहे..
पुढारलेल्या देशात तशी प्रकरण दिसत च आहेत.
ह्या सर्व बदलेल्या स्थिती च

समाजावर काय वाईट किंवा चांगला परिणाम होईल ते काळ च ठरवेल च
लग्नात फालतू गोष्टी वर आवड म्हणून खर्च करायचा हे श्रीमंत मुलींच्या कुटुंबात जोरात हा प्रकार चालू आहे ती प्रथा हुंडा प्रथे पेक्षा पण वाईट आहे..
ज्याच्या कडे पैसे नाहीत त्यांच्या वर पण कर्ज काढून लग्नात फालतू भरपूर खर्च करण्याचा मानसिक दबाव असतो..

लग्नातील खर्च पूर्ण पने wastage of money आहे.
पण register लग्न करणे किंवा देवळात वैदिक पद्धतीने लग्न करणे ..
हा पर्याय अगदी नगण्य लोक निवडत आहेत

सेम किस्सा फेसबुक वर वाचला ,ईरा
ब्लाॅगिंग वर प्रेरणा कुलकर्णी यांचा त्या तुम्हीच का

हे सर्व कॉम्प्रो मुलीने लग्न किंवा एंगेजमेंट ची कमिटमेंटही दिलेली नसताना का स्वीकारावे?हा एकच शेवटचा मुलगा उपलब्ध आहे का?>>>+१
माझे मत मी_अनु सारखेच. तिचे मन गुंतले वगैरे होते असे नाही, तिने फार विचार पण केलेला नसतो. मग हा जुगार खेळायची गरज नाही.
उलट हा रेड फ्लॅग आहे, वडिलांना नाराज नको करायला म्हणून अजून काय काय तडजोडी करायला लागतील सांगता येत नाही. तो मुलगा असेलही चांगला पण अजूनही त्याला त्याच्या आयुष्याचा चार्ज घेता आलेला नाहीये. अजूनही वडील इन चार्ज आहेत!
नांदायचेय मुलासोबत, त्याच्या वडलांसोबत नाही >>>> हे आपल्या समाजात असे नसते. कुटुंबाशी लग्न करावे लागते!
रघू आचार्य यांची उदाहरणे इथे लागू होत नाहीत असे वाटते. नोकरीनिमित्त डील करावे लागणे वेगळे आणि इथे गरज नसताना खड्ड्यात उडी मारणे वेगळे. मुलीचे आधीच त्याच्यात मन गुंतले असेल तर मग ठीक होते.

मी_अनु ला अनुमोदन !!

“ नोकरीनिमित्त डील करावे लागणे वेगळे आणि इथे गरज नसताना खड्ड्यात उडी मारणे वेगळे. मुलीचे आधीच त्याच्यात मन गुंतले असेल तर मग ठीक होते.” - सहमत! शोले मोड ऑनः ‘शायद, ज़मीं और शादींमें यहीं फ़र्क़ हैं’ ज्या नात्यात बाथरूम आणि बेडरूम शेअर करावी लागते त्या नात्याचा पाया असत्य/फसवाफसवीच्या तडजोडीवर घालू नये असं माझं मत आहे.