मायबोली मास्टरशेफ - रायगड - याम ब्रेड

Submitted by रायगड on 9 September, 2016 - 01:41

तर मायबोली गणेशोत्सव २०१६ च्या मास्टरशेफ स्पर्धेकरीता सादर करत आहे - याम ब्रेड.

पाकृ करीता लागणारे मुख्य घटक म, य, ब, ल वरून हवे आहेत हे वाचल्यापासून डोक्यात याम घोळत होता. मग विचार करताना याम ब्रेड बनवावा का असं डोक्यात आलं. बनाना ब्रेड नेहेमी करते तर आता ट्वीस्ट म्हणून याम ब्रेड करून बघायचा ठरवलं. माझ्या पाकृ कौशल्याच्या मानाने बरा बनला. :)

तर मुख्य पदार्थ :

मैदा
याम - १ कंद
लोणी अथवा टर - ०.५ कप
दाम पावडर - १/४ कप

इतर पदार्थ :

बेकिंग पावडर - २ टी स्पून्स
ब्राऊन साखर - १ कप
दही - १ कप
व्हॅनिला इसेन्स - - १/४ टी स्पून

कृती :

१. ओव्हन ३५० deg F ला तापायला लावा.
२. भांड्यात बटर व साखर घेऊन ते फेटावे. मी स्टँड मिक्सर वापरला.

Click for the larger version.

३. एकीकडे मैदा, बदाम पावडर व बेकिंग पावडर चाळून घ्या.

Click for the larger version.

४. याम थोडा उकडून (पूर्ण शिजवायची गरज नाही), किसून घ्या.

Click for the larger version.

५. आता बटर व साखर मिश्रणात व्हॅनिला इसेन्स व दही घाला. फेटा.
६. आता किसलेला याम घाला व मिसळा.
७. मैदा व बदाम पावडरचे मिश्रण घाला.
८. सर्व नीट मिसळून घ्या.

Click for the larger version.

९. १३ * ९ च्या बेकिंग पॅनला आतून बटरचा हात लावा.
९. बेकिंग ट्रे मध्ये ओता व ओव्हन मध्ये बेक करायला ठेवा व ४० मिनीटे बेक करा.

Click for the larger version.

मस्त खरपुस सुगंध पसरलेला, गरमा-गरम तय्यार झालेला याम ब्रेड हादडा.

YamBreadFinal.jpg

टीप : यात मैदा हा मुख्य घटक घेतलाय. एरव्ही मी बनाना ब्रेड बनवताना कणिक वापरते. आणखीन खरपुस होतो.
न्युट्रीशन व्हॅल्यू वाढवायला मी बनाना ब्रेड मध्ये देखील बदाम पावडर टाकते. ती आयतीच इथे नियमात बसणारी निघाली.

अंडी घालून बनवता येईल. इथे शाकाहारी पाक्रु हवी असल्याने मी अंड्यांऐवजी दही वापरले.

विषय: 
Group content visibility: 
Public - accessible to all site users

धन्यवाद लोकहो!

नताशा, याम हे बटाटा, रताळं यांसारखं एक कंद आहे. आतून केशरी रंग असतो. नुसतं उकडून देखील छान लागतं.

माझ्याकडुन पहीला नंबर रायगड ला, एक तर 'म य ब ल' हे चारही घटक वापरले आहेत आणि यीस्ट न वापरता ब्रेड आहे. :)
ब्रेड तोंपासु दिसतोय. ऑल द बेस्ट

किचन वापरतेस तर म्हणजे कधीकधी.>>>:D

आशिका, रायगड दोघींच्या रेसिपी आल्या आता तुझीही एक रेसिपी येऊदे मामी

Pages