प्राजक्ता भसाळे - हो ती मैत्रिण आहे माझी, इथेच आहे ती, DC मध्ये!!!

कदाचित चेहरा बघितला कि ओळखु शकेन मी तुला.
तुमच्या वर्गाच कौतुक आम्हाला ऐकवायच्या बाई आम्हाला - बहुतेक काकतकर - तुमच्या पेक्षा लहान असुनहि भरपुर समंजस आहेत म्हणुन !!!

''अगं कुंदकळ्यांनो'', ''अगं हिरकण्यांनो'' मला ते कायम नाटकी वाटायचं.

नाटकी असो किंवा कसे, कुंदकळी आणि हिरकणी इतक्या नाजूक, गोड नावाने आख्ख्या दंगेखोर, आवाजाच्या कमाल डेसिबल्स गाठणार्‍या वर्गाला उद्देशून संबोधिणे म्हणजे जरा डेरिंगबाजच!

बरं, पूर्वा, तुम्हालाही कार्यानुभव / शिवण वगैरेंत काळे कापडी हत्ती कापूस ठसठसून भरुन बनविणे, त्यांना सजविणे वगैरे होते का गं? स्ट्रॉची बाहुली, बुजगावणं (तेही ऑथेंटिकच हवं... व्यवस्थित मडकं रंगवून वगैरे!!!!), क्रोशाची पर्स वगैरे प्रकार होते का?

नीधपला तर हे सर्व कलाप्रकार असणारच आहेत. नी, तुमच्या बॅचच्या अनेकजणी आमच्या वर्गात ''तो हत्ती उधार देऊ शकाल का,'' म्हणून विचारायला यायच्या! आणि आपल्या शिक्षिकाही इतक्या चाणाक्ष की बरोब्बर कोणी हत्ती स्वतः बनवलाय, आणि कोणी उधार आणलाय ते अचूक ओळखायच्या!

हत्ती पडलाय अजून आमच्या घरी.. ह्या वर्षी मुलीच्या भोंडल्याला वापरणार....

@ अरुंधती : तुला अजो फारच प्रिय होत्या वाटत... sorry तुला जर वाईट वाटला असेल तर....

@रागरागश्री : फार प्रिय असं काही नाही गं! पण त्यांचं शिकवणं आवडायचं.
पूर्वा, जगताप-जगाला ताप
शिवणाने माझाही दम काढला पार शाळेत असताना. आधी ढेरे बाई, मग रावतू बाईंसारख्या कमी कडक शिक्षिका मिळाल्या म्हणून बरे! नाहीतर मी शिवणात नापासच झाले असते!

टायपिंग कोणाकोणाला होतं? त्या तिसर्‍या मजल्यावरच्या, पर्यवेक्षिकांच्या ऑफिसच्या वर असलेल्या लाकडी जिन्याने जायला लागणार्‍या अंधार्‍या खोलीत जुन्या टाइपरायटर्स ( बहुतेक लाँगवूड, रेमिंग्टन कंपनी) ना बडवायला किती ते श्रम करायला लागत!

अगं, टायपिंग माझ्या बॅचला सर्व मुलींना सक्तीचे होते. कोणत्या टाइपरायटरची कोणती कळ/ की बरोबर उमटत नाही हे त्या शिक्षकांना चांगले माहित होते, आणि त्याप्रमाणे ते टाइप केलेले कागद तपासत!!

कॉम्प्युटर नामक महाकाय प्रकार (तेव्हा राणीच्या देशातून कोणीतरी खास शाळेला देणगीदाखल पाठविलेला) होता... ते दोन अगडबंब ठोकळे होस्टेलातल्या तळमजल्यावरच्या एका खोलीत विराजमान झाले होते. माझा नंबर त्या वर्षी (चुकून) पहिल्या दहा क्रमांकात लागल्यामुळे मलाही त्या कॉम्प्युटर नामक राक्षसासमोर बसायची शिक्षा होती! गोरे बाई, आगटे बाई येऊन काहीबाही शिकवायच्या.... मला काय पण कळायचे नाही. त्यात एकदा चुकीची कमांड दिली गेली की काय झाले ते माहित नाही, पण त्या दोन धूडांमधील एक धूड बंद पडले. मग एकाच कॉम्प्युटरवर दहाजणींची मारामार.... श्या... माझा इंटरेस्ट पारच संपून गेला...!! ते जुने लोटस आणि फॉक्सप्रो असे काहीतरी प्रोग्रॅम्स होते तेव्हा... सरतेशेवटी ते धूडही बंद पडले.... मग कॉम्प्युटरच्या तासाला आम्ही शाळाभर उंडारायला मोकळ्या! (तो तेव्हा ऑफिशियली समाजसेवेचा तास असायचा... पण आमच्यासाठी कम्पूटरमामाचा तास!!)

तुमच्या बॅचला बहुतेक नवे कॉम्प्युटर्स शाळेत आलेले दिसताहेत.... आधीचे ते जुने कॉम्प्युटर्स अँटिक पीसेस म्हणून शाळेच्या कोणत्या कोपर्‍यात धूळ खात पडलेत की स्क्रॅपमध्ये निकालात निघालेत ते देव जाणे!

मी गीता, मी पण हुजुरपागेचि... हत्ती आठवला आणि हसु आले मी कम्पुटर ला होते, डोस सिस्टिम असायचि... आगटे बाई चि आठवण आली काकतकर बाई फ़ेसबुक वर आहेत. शाळे मधे बान्धकाम चालु आहे असे एकले.

"दुकान' बंद ; प्रवेशद्वार सुरू

पुणे - स्त्री-शक्तीने एकत्र येऊन केलेल्या आंदोलनामुळे "हुजूरपागा' नरमली असून, येत्या आठ दिवसांत लक्ष्मी रस्त्यावरील मुख्य प्रवेशद्वार खुले करण्यात येईल, असे आश्‍वासन शाळा प्रशासनातर्फे गुरुवारी देण्यात आले. यावर तातडीने स्त्री-शक्‍तीने "आश्‍वासन नको आम्हाला कृती हवी', अशी मागणी केल्यामुळे दुपारपासूनच प्रवेशद्वाराजागी बांधण्यात आलेली भिंत पाडण्याचे काम प्रशासनाने सुरू केले. येत्या आठ दिवसांत मुख्य प्रवेशद्वार पुन्हा सुरू होणार आहे.
http://www.esakal.com/esakal/20110923/5161850117925521112.htm

उद्या दुपारी ३ वाजता, २४ सप्टेंबर, शनिवार रोजी शाळेत माजी विद्यार्थिनींची या विषयासंदर्भातील महत्त्वाची मीटिंग! सर्व माजी विद्यार्थिनींनो, उद्या नक्की उपस्थित रहा! जय हिंद!!

आयला कसला वेडेपणा आहे.. बाकीची सगळी दारं छोट्या रस्त्यांवर उघडतात.. तिथे तर अजूनच गर्दी होईल... आणि नू.म.वि.च्या समोरचे दार वापरायचे ठरवले तर ते वापरताच येणार नाही.. अजूबाजूला दुकानं असल्यामुळे ते अगदीच छोटं झालय.. आणि दोन्ही शाळा जवळपास एकाच वेळेस सुटतात..म्हणजे तर बाजीराव रोड वर अभूतपूर्व गर्दी होईल.. तिचं काय करणार..

तिथेच पुढे अजून एक शाळा आहे.. तिला पण असंच लक्ष्मीरोड वरचं दार बंद करायला सांगितलं आहे की काय?

हो अकु, बोर्ड काढलेला दिसतो आहे एका चित्रात... कोणत्यातरी दुकानदाराने मजबूत पैसे दिले असतील त्याशिवाय हे असले प्रकार करणे शक्य नाही..