अरे मी मुद्दामच ते सभासदांसाठी ठेवले होते म्हणजे ज्यांना खरोखरच Interest असेल त्यांना बघता येईल. पण आता असे वाटते की निदान हा लेख तरी सगळ्यांनी वाचावा. त्याप्रमाणे सुधारणा केली आहे.

ह्या लेखावरील काही प्रतिक्रिया लेख १ च्या शेवटी आहेत, कारण आधी मी सर्व एकाच लेखात लिहीत होतो पण तो लांबलचक होऊ लागला. आता अ‍ॅड्मिन साहेबांना त्या प्रतिक्रिया इकडे हलवायची विनंती केली आहे.

नितिनः शुभेच्छांबद्दल धन्यवाद

अपभ्रंश हा शब्द इथे चुकीचाच आहे ह्याची कल्पना आहे. फक्त अर्थाचे अवलोकन सहज व्हावे म्हणून तो शब्द वापरला आहे. सर्वसाधारणपणे बोलीभाषेवरच सर्व लोक भर देतात. त्यामुळे लिखीत खुणांच्या बदलासाठी असा काही शब्द असावा असे वाटत नाही.

ज्ञ हे अक्षर संस्कृत, हिंदी व मराठी ह्या तिन्ही भाषांमध्ये वापरले जाते, परंतु ते जोड अक्षर (जोडाक्षर) आहे हे मलाही पूर्वी माहित नव्हते. ते ज आणि ञ ह्यापासून बनलेले आहे.

तिच गोष्ट क्ष ह्या अक्षराबद्दल. मात्र त्याचा उच्चार आपण बर्‍यापैकी अचूक करतो. हे अक्षर क आणि ष ह्या मूळाक्षरांपासून बनलेले आहे.

हिन्दीमध्ये लिहिताना ज्ञान हा शब्द ग्यान असा लिहीत नाहीत (लिहीत असल्यास ती शुद्धलेखनाची चूक समजावी) मात्र त्याचा उच्चार ग्यान असा केला जातो तो वर उल्लेखलेल्या कारणामुळे.

दिनेश, हो खरा उच्चार मलाही नाही जमत त्याचे कारण ञ चा स्पष्ट उच्चार आपल्याला झेपत नाही.