माझ्या वडिल व्यवसायाने सर्जन. व्यवसायाव्यतिरीक्त प्रचंड वाचन आणि अधुन मधुन लिखाण.
महाराष्ट्र टाईम्स, सुधारक इ. मधुन त्यांचे लेख येत असतात. त्यांची काही पुस्तके पण प्रकशित झाली आहेत.

पहिले पुस्तक हे वैद्यकीय शिक्षण घेणार्‍या विद्यार्थ्यांसाठी होते. (Surgery for Undergraduate Students)
दुसरे पुस्तक हे हैद्राबाद मुक्ती संग्रामाच्या आठवणी वर आधारीत होते, त्यांनी फक्त संपादित केले.
मागच्या वर्षी 'राष्ट्र आणि राष्ट्रवाद' हे पुस्तक प्रकाशित झाले आणि त्याला राज्यशासनाच्या २००९ च्या उत्कृष्ठ वाडग्मय निर्मितीचा पुरस्कार पण मिळाला. ह्या पुस्तका बद्दल नंतर कधीतरी लिहीन.

कालच त्यांचे नविन पुस्तक प्रसिद्ध झाले - उदगीरचा इतिहास.
उदगीर म्हटले की फक्त उदगीरची लढाई आठवते. पण अनेक वर्षे राहुन पण बहुसंख्य उदगीरकरांना उदगीरच्या इतिहासाबद्दल फारशी माहीती नाही. गेली काही वर्षे माझे वडिल ह्या विषयावर वाचन करत होते. त्यांना मिळालेल्या माहीतीचे रुपांतर त्यांनी पुस्तकात केले. तुम्ही उदगीरशी संबंधित असाल अथवा उदगीर/ इतिहास ह्या विषयाबद्दल जिज्ञासा असेल तर तुम्हाला हे पुस्तक नक्कीच आवडेल.