या आधी,
गाण्यातला तात्या - १ - वृक्षवल्ली आम्हा..
गाण्यातला तात्या - २ - व्हायलीन ब्रदर्सची बंदिश सिंफनी..
गाण्यातला तात्या - ३ - माझे मन तुझे झाले..
घाल घाल पिंगा.. (येथे ऐका)
सुमन कल्याणपुरांचा अत्यंत सुरेल, थेट काळजाला भिडणारा आवाज..
घाल घाल पिंगा वार्‍या माझ्या परसात
माहेरी जा, सुवासाची कर बरसात..
भादव्यातच जेमतेम वर्ष झालेल्या सासरी सखा तरी कोण मिळणार? त्यामुळे वार्‍यालाच सखा मानलं आहे आणि त्याच्याशी संवाद साधला आहे..
'सुखी आहे पोर' सांग आईच्या कानात..
अतिशय म्हणजे अतिशय हळवी ओळ! इतका सुंदर रिषभ आणि गंधार फार क्वचितच पाहायला मिळतो. 'रे सख्या वार्‍या, माझ्या माहेरी गेलास तर घरात इतर काही मंडळी असतील, वडीलधारी मंडळीही असतील.. त्यांच्यासमोर काही बोलू नकोस.. तसाच थेट माजघरात जा. तिथं माझी आई असेल.. माझं इकडचं सुख हळूच, हलकेच तिच्या कानात सांग.. खूप सुखावेल रे ती..! लगेच तुला खरवस किंवा बेसनाचा लाडू खायला देईल! खूप छान करते रे माझी आई बेसनाचे लाडू! 
परसात पारिजातकाचा सडा पडे,
कधी फुलं वेचायला नेशील तू गडे?
धाकटा दीर असावा तसा संवाद आहे हा वार्‍याशी.. 'अरे माझं माहेरही खूप समृद्ध आहे रे.. तेथल्या परसातला पारिजातक मी इथं बसून पाहते आहे.. मला हवी आहेत रे ती सारी फुलं!
कपिलेच्या दुधावर मऊ दाट साय
माया माझ्यावर दाट जशी तुझी माय..
इथे शब्द संपतात..!
मराठी भावसंगीतातलं एक अतिशय सुरेख गाणं..नव्यानेच सासरी गेलेल्या मुलीचं यापरीस हळवं मनोगत ते कोणतं?!
-- तात्या अभ्यंकर.
ती प्राजक्ताची फुलं काय सुंदर
ती प्राजक्ताची फुलं काय सुंदर दिसतायत.
मस्त आहे हे गाणं!Just love
मस्त आहे हे गाणं!Just love it!
काय अप्रतिम गाणं आहे हे!
काय अप्रतिम गाणं आहे हे! शाळेत हीच कविता ही होती बहुतेक. सुंदर लेख तात्या.
अतिशय सुंदर गाणे. ऐकतानाच
अतिशय सुंदर गाणे. ऐकतानाच इतके शांत व्हायला होते...
शाळेत हीच कविता होती...
सुंदर गाणे... यमनकल्याणचे सूर
सुंदर गाणे... यमनकल्याणचे सूर ...
सर्व रसिक प्रतिसादकर्त्यांचे
सर्व रसिक प्रतिसादकर्त्यांचे आभार..
तात्या.
मस्त... सुंदर !!.. मी ऐकले
मस्त... सुंदर !!..
मी ऐकले नव्हते हे गाणे आधी.. धन्यवाद तात्या
आतिशय सुंदर कविता, गाणे.
आतिशय सुंदर कविता, गाणे.
तात्या तुमचे विश्लेषण मला आवडले.
अतिशय सुंदर कविता आणि
अतिशय सुंदर कविता आणि त्याचबरोबर सुमन कल्याणपूर यांचा आवाज.
<<'रे सख्या वार्‍या, माझ्या
<<'रे सख्या वार्‍या, माझ्या माहेरी गेलास तर घरात इतर काही मंडळी असतील, वडीलधारी मंडळीही असतील.. त्यांच्यासमोर काही बोलू नकोस.. तसाच थेट माजघरात जा. तिथं माझी आई असेल.. माझं इकडचं सुख हळूच, हलकेच तिच्या कानात सांग.. खूप सुखावेल रे ती..! लगेच तुला खरवस किंवा बेसनाचा लाडू खायला देईल! खूप छान करते रे माझी आई बेसनाचे लाडू!>>
जबर्‍याच!
मस्त लेख माझ्या आवडत्या
मस्त लेख
माझ्या आवडत्या गाण्यांपैकी एक 
एक रिक्वेस्ट "देव जरी मज कधी भेटला.....म्हणेन प्रभु रे माझे सारे जीवन देई मम बाळाला.." वर पण लिहाल का असाच एक लेख.
@कविता, कधीतरी नक्की प्रयत्न
@कविता,
कधीतरी नक्की प्रयत्न करेन..
मनापासून आभार..
तात्या.