मी अधूनमधून घेतो. इथे सिंगापुरात तर खूप जण ग्रीन-टी पितात. ज्याच्या त्याच्या क्यूबिकल मधे पाहिले तर ग्रीन-टीचे पाकिटं दिसतात.

ग्रीन-टी चे फायदे मी ऐकून आहे पण जी लोक ग्रीन-टी पितात इथे त्यांच्याकडे पाहून ते खूप सुदृढ वगैरे आहे असे मला तरी कधी वाटलेले नाही.

हा चहा पिला की म्हणे वजन उतरायला मदत होते. म्हणून बरेच जण हा चहा पितात. थोडा कडवट लागतो. मला या चहापेक्षा जास्मिन चहा जास्त आवडतो.

मी पण अपोलो फार्मसीची B +ve ब्रांडची पाकिटं आणलीत. पण २दाच प्यायला कारण जाम कडू काढा लागतो. फायदे बरेच आहेत असं वाटतं पण चवीचं काय करायचं? पुढे २-३ तास माझ्या तोंडावर कडू चव राहिली होती.

शर्मिला, बरं झालं मध घालायला सांगितलास ते !

एक एक घोट अगदी सावकाश लिहिण्याची वगैरे कामं करत असताना प्यायचा. फ्रेश नक्की वाटतं. कॉम्प्लेक्शन विजिबली क्लिअर होतं लगेच. मेटॅबॉलिझम सुद्धा निश्चित सुधारतं. >>>>> अरे वा ! (अजून रेग्युलर हा चहा न पिताच कल्पनेत रंगलेली मुंगेरीलाल बाहुली)

खूप स्ट्राँग केला तर कडवट लागतो. एक कप पाणी, एक छोटा चमचा ग्रीन टी उकळून घेऊन त्यात लिंबु पिळून प्या, कडू अज्जिबात लागत नाही उलट सुरेख चव लागते त्याची.

ओक्के. अगं मी गोड व्यवस्थित खाते. तळलेल्या पदार्चांची मुळातच आवड नाहिये. त्यामुळे थोडा मध अजिबात माझ्या वजनावर परिणाम करणार नाही. पण तू म्हणतेस तसं सुरुवातीला घालेन व नंतर एकंदरच गोड कमी करेन.

मने, अपोलो फार्मसीच्या दुकानात मिळतो. बाकीच्या केमिस्ट्सकडेही मिळेल.

दक्षे, मी लिंबू पिळूनही माझं तोंड वाकडं झालं होतं

अरे देवा ! मध कॅन्सल

पण चिन्मय, माझं गरम गाराचे नखरे नाहियेत. मग हिरवा चहा आधी तयार करुन गार करुन थोडा मध घातला तर अ‍ॅऑ जाणार नाहीत ना? तसं असेल तर मी गारच पिईन.

पण गरम पाण्यातून मध आणी लिम्बू घेतल्यावर वजन कमी होते असे म्हणतात.नक्की कोणते बरोबर?

जपान मधे असताना अगणित वेळा हिरवा चहा प्यायला आहे.
क्लाएंट मिटींग ला गेलो की एका चिनिमातीच्या वाडग्यात असा चहा आणून द्यायचे.
थंडीच्या दिवसात गरम, आणि उन्हाळ्यात गार चहा.
सुरूवातीला मला चव आवडली नव्हती ...
वेगवेगळ्या जातीच्या झाडांची पाने गोळा करून त्याचा काढा बनवल्यासारखे वाटायचे.
उरोन चहा (oolong tea) नावाचा एक चहा मला फार आवडायचा.
लाकडाचा भुस्सा पाण्यात टाकून खुप उकळवून दिल्यावर लागेल तशी चव असते.
आणि हा चहा चॉकलेटी रंगाचा असतो.
कालांतराने हिरवा चहा पण आवडू लागला.
जपान मधल्या हिरव्या चहाची माहिती खालील दुव्यावर मिळेल.
http://en.wikipedia.org/wiki/Green_tea#Japanese_green_teas

ओह, हे गरम पाणी आणि मधाचं माहितच नव्हतं. अ‍ॅक्चुअली दोन तीन दिवसांतच टेस्ट होते डेव्हलप ग्रीन टीची. ताज्या पुदिनाची पानं किंवा तुळशीची पानं असंही सोबत घातलं तर एक वेगळी चव येते. मी कधी कधी घालते. किंवा थाईम हर्ब सुद्धा घालते. ते चालत असेल नां?

पण चिनूक्स बर्‍याचदा लोक सकाळी गरम पाण्यात मध लिंबू घालून पितात असं ऐकण्यात येतं. तेही चुकीचंच असणार मग.

हो, ट्वायनिंग्जचा चहा मिळतो. तो 'चहा' म्हणून प्यायला तर गुळचट, काढा, मांजरXXXX वगैरे सर्व विशेषणं त्याला बहाल कराल हे नक्की. पण औषध म्हणून, आणि होणारे फायदे बघता अर्धा कप सहज पिऊ शकतो. त्यावर पाहिजे तर आपला अमृततुल्य चहा प्यावा

अवांतर- १) माझ्या आधीच्या कंपनीतले एक संचालक चीनला गेले होते. आले ते ह्या चहाचे चाहते होऊनच. त्यानंतर दिवसभर स्वतःजवळ ग्रीनटीचा फ्लास्क बाळगायचे. कोणी भेटायला आले की हाच चहा, बोर्ड मीटींगमध्येही बाहेरच्या संचालकांनादेखील! अवांतर गप्पाही ह्याच चहाबद्दल करायचे. शेवटी एका वयस्कर संचालकाने विनंतीच केली त्यांना 'आम्हाला नको हा छळ' टाईप तेव्हा सुटका झाली

२) मध कोमट पाण्यातून घेतला तरी चालतो. पण कोमटच- जस्ट 'गार'चं गरम व्हायला लागलं की पाणी उतरवायचं. गरम पाण्यातून मध कधीही घेऊ नये. त्याचे लाँग टर्म ईफेक्ट्स फार वाईट होतात.

जास्तीत जास्त polyphenols मिळावेत म्हणून ही पद्धत आम्ही प्रयोगशाळेत वापरतो -

सुरुवातीला पाणी उकळून घ्यायचं, आणि या उकळत्या पाण्यात हिरवा चहा टाकायचा. मोजून २ मिनिटं चहा उकळू द्यायचा, मग गाळून ते चहाचं पाणी फेकून द्यायचं. आता हा चहाचा चोथा परत उकळत्या पाण्यात ५-७ मिनिटं ठेवायचा. या चहात सर्वाधिक प्रमाणात antioxidants असतात.

सुरुवातीला उकळलेल्या चहात सर्व aldehydes, ketones निघून जातात, आणि polyphenols तेवढे शिल्लक राहतात.

हिरव्या चहामुळे पित्ताचा त्रास होत असेल, तर आवळा, शेंगदाण्याची सालं किंवा रंगीत सालांची फळं (काळी द्राक्षं, blueberries इत्यादी) यांतही हीच polyphenols असतात.

म्हणजे दुसर्‍यांदा त्याच चोथ्यावर टाकलेल्या पाण्यात सर्वात जास्त अ‍ॅन्टीऑक्सिडन्ट्स असतात तर! मी पानं उकळून नाही घेत. नुसतं उकळतं पाणी घालून ठेवते मुरवत. मग ह्या पाण्यात उतरलेली किटोन्स, अल्डीहाईड्स वगैरे अपायकारक असतात कां? ते पाणी कंपल्सरी फेकूनच द्यावं कां?

<मग ह्या पाण्यात उतरलेली किटोन्स, अल्डीहाईड्स वगैरे अपायकारक असतात कां? ते पाणी कंपल्सरी फेकूनच द्यावं कां?>

यात अपायकारक असं काहीच नसतं. मात्र antioxidants खूप कमी असतात. चीनमध्येही हे सुरुवातीचं पाणी फेकून देतात कारण त्याला कडवट चव असते. आम्ही प्रयोगशाळेत फेकून देतो कारण त्यात antioxidants खूप कमी असतात.

बघ ना आरोग्याचा मार्ग महाग
आणि वडापाव पाच रुपयात.
किती हा फरक चहा चहात.
बनविणारे आपल्याला उकळतात.

ओके थॅन्क्स चिनूक्स. पण फक्त एकच सांग अजून. अ‍ॅक्चुअल तु म्हणतोस तसं २ मिनिट उकळवण्याच्या क्रियेत आणि नुसतं गरम पाणी ओतण्याच्या क्रियेत काही फरक पडू शकतो कां?