मराठी चित्रपटातील दुहेरी / विविध भूमिका

अर्चना जोगळेकर, नितिश भारद्वाज आणि अशोक सराफ यांचा एक चित्रपट होता. त्यात अशोक सराफ यांचा डबल रोल होता. यात अर्चना नर्तिका असते आणि नितिश इंस्पेक्टर असतो. अर्चनाच्या हातुन अशोक सराफचा खून होतो अशी काहितरी कथा होती.

अनपेक्षित...

एक अशोक सराफ प्रसिद्ध व्यक्ती असतो आणि दुसरा त्याचा अनौरस मुलगा, जो बापाप्रमाणे कपडे घालून त्याच्या नावावर ऐषाराम करत असतो... अर्चनाच्या हातून त्याचा खून होतो...

प्रिया अरुण तिळे... मी चित्रपट पाहिला आहे... नाव आठवत नाही...

मोसंबी नारंगी असला कुठला पिक्चर होता का? त्यात कोण डबल रोल मध्ये होते?

एका महेश कोठारेच्या चित्रपटात लक्ष्मिकांत बेर्डे यांनी दोन भुमिका केल्या होत्या... एक बाटलीतल्या भुताची आणि दुसरी नायकाची... मला वाटते प्राजक्ता कुलकर्णी नायिका होती. मी हा चित्रपट पुर्ण पाहिला नसल्याने कथानक आठवत नाही.

अमिता,
त्याच नाव "दे दणा दण" होत बहुतेक. त्यामध्ये महेश कोठारे, अश्विनी भावे यांच्या पण भुमिका होत्या.
यामध्ये लक्ष्मिकांत बेर्डे आणि महेश कोठारेचा अजुन एक मित्र होता त्याच नाव मला माहित नाही.
कथानक साधारण अस होत:
महेश, लक्ष्मिकांत आणि त्यांचा मित्र हे चोर असतात, काही दिवस जेलची हवा खाऊन आल्यावर ते सामान्य जीवन जगायच ठरवून एका गावात येतात. अश्विनी भावे हीची या गावात पोलिस इन्स्पेक्टर म्हणून नियुक्ती झालेली असते. त्या गावावर कवट्या महांकळ या खलनायकची दहशत असते. हे तिघे अश्विनी भावेच्या मदतीने त्याचा शेवट करतात. हे साधारण कथानक आहे.
यात बाटलीतले भूत लक्ष्मिकांतची कायम मदत करत असते.
प्राजक्ता कुलकर्णी ही लक्ष्मिकांत बेर्डेची नायिका होती.

तुम्ही रिमिक्स केलेत...

दे दणादण : लक्ष्याच्या अंगात भरपूर ताकत येत असते अचानक, पण लाल रंग बघितला की ताकत गायब होत असते..

बाटलीतला भूतवाला पिक्चर वेगळा आहे.... नाव बहुतेक धडाकेबाज असावे....

कवट्या महाकाळ : बहुतेक थरथराट असणार...

जागोमोहनप्यारे,
असेल कदाचित.
आता तुम्हीच बघा ना, सगळ्या चित्रपटांच्या कथानकात किती समानता आहे ते.

जामोप्या नी पण रीमिक्स केलं...
थरथराट- टकलू हैवान
धडाकेबाज - कवट्या महाकाळ

दे दणादण ची स्टोरी घेऊन कोठारेनी विनय आनंद आणि नंदिनी सिंग वाला 'लो मै आ गया' काढला होता...
अर्थात नव्या हिंदी दे दना दन पेक्षा हा मराठी कितीतरी चांगला होता...

होय.. बरोबर आहे अ‍ॅन्की....

चित्रपट - कलम ३०२. यात अशोक सराफ वेगवेगळ्या ७ भुमिकांमधे आहेत. त्या चित्रपटाची जहिरात 'अशोक सराफ सप्तरंगी भुमिकेत' अशीच यायची. खरं पाहिलं तर जहिरातीसाठी हे लिहिलं होतं. प्रत्यक्षात पाहिलं तर सगळं मिळुन १५-२० मिनिटांचंही काम नव्हतं अख्ख्या चित्रपटात. बोअर सिनेमा होता हा ( ऐश्वर्या & अविनाश नारकर).

मोसंबी नारंगीत सुषमा शिरोमणी यांचाच डब्बल रोल आहे का?

सांग धावत्या जळा :

http://www.youtube.com/watch?v=j65xAv1eXGU&feature=related

सांग धावत्या जळा, तुझ्यापरी ओढ उरी
सांग कुणाची मला ?

लुकलुकणारी नेत्र मासळी
तुझ्या जीवनी कशी हरपली
मोहुनिया तिला धराया, जीव लाविते गळा

हर्ष फुलांचे उधळित झेले
तुझे मनोगत कुठे चालले
या धरतीला कसा लागला, तुझ्या मनाचा लळा

पाणवठी या अशीच सखया
धीवरकन्या करता मृगया
कसा जाहला सांग प्रेमळा, राव शंतनु खुळा

गीत - पी. सावळाराम
संगीत - वसंत प्रभू
स्वर - लता मंगेशकर
चित्रपट - गृहदेवता (१९५७)

आठवतोय हा सिनेमा मला. आवडला होता मला त्यावेळी. रेखा मस्त दिसते त्यात.

दिलीप प्रभावळकरांच्या हसवाफसवीचा उल्लेखच नाही या धाग्यावर? नक्की किती ते माहित नाही, पण मल्टीपल भुमिका होत्या त्यांच्या त्या नाटकात.

रंजना आणि कुलदीप पवार यांचा एक सिनेमा होता. ( जाता येता पाहिला त्यामुळे नाव माहित नाही) त्यात रंजनाने सीता-गीता टाइप, चंट आणि लाजरी अशा दोन बहिणींच्या भुमिका केल्या होत्या. या सिनेमामधे ' पाहिले न मी तुला, तु मला न पाहिले" हे सुरेश वाडकरांचं मस्त गाणं होतं.

मनिमाऊ, त्यात रंजनाने एकच भूमिका केली होती. गुपचुप गुपचुप.
सिनेमात एक नाटक/लपवाछपवी घडते त्यासाठी रंजना रंगवीत असलेली तरुणी दोन दोन व्यक्ती असल्याचे नाटक वठवते.
गोलमालमध्ये अमोल पालेकर, दीना पाठक यांनी असेच खोटे खोटे डबल रोल केले होते.

गृहदेवताची स्टोरी अर्जुन रामपाल, काजोल, करीना यांच्या एका चित्रपटासाठी (फॅमिली?) ढापली ना?

अच्छा ! ती दुहेरी भुमिका नव्हती तर. रंजना चांगलं काम करायची. आता कुठे आहे?

तुम्हाला माहीत नाही ?
१९८७ साली मोटार अपघातात त्यांचे पाय कायमचे निकामी झाले. त्यानंतरही त्यांनी एका नाटकात व्हीलचेअरवरच्या तरुणीची भूमिका केली. २००० साली त्यंचे निधन झाले.

उप्स ! हे मला माहितच नव्हतं. त्यांना अपघात झालेला त्यानंतर एकदा टीवीवर पाहिलं होतं. त्या व्हीलचेअरवर होत्या.
पण जावुन १२ वर्षं झाली तरी मला माहित नाही. असे किती तरी कलाकार काळाच्या पडद्याआड जातात किंवा प्रसिद्धीच्या झोतातुन दुर एकाकी रहात असतात. आपण कसे विसरुन जातो त्यांना !
'कशाला उद्याची बात' वाल्या शांताबाई हुबळीकर गेल्यावरच आम्हाला कळलं कि त्या पर्वती जवळच्या महिलाश्रमात रहायच्या. त्याच्या बरोबर समोरच्या अपार्टमेंटमधे माझी मैत्रिण राहायची आणि तिच्याबरोबर पदार्थ विकत आणायला आम्ही किती वेळेला त्या महिलाश्रमात गेलो. आम्हाला त्यांना भेटायला नक्कीच आवडलं असतं पण माहित नसल्यांमुळे कधीच भेटलो नाही.

रंजना आणि कुलदीप पवार यांचा एक सिनेमा होता. ( जाता येता पाहिला त्यामुळे नाव माहित नाही) त्यात रंजनाने सीता-गीता टाइप, चंट आणि लाजरी अशा दोन बहिणींच्या भुमिका केल्या होत्या. या सिनेमामधे ' पाहिले न मी तुला, तु मला न पाहिले" हे सुरेश वाडकरांचं मस्त गाणं होतं. >>>> गुपचुप गुपचुप.

रंगपंचमी चित्रपटात, जयश्री गडकरची दुहेरी भुमिका आहे. एक हंसा वाडकरची मुलगी आणि एक रत्नमालाची मुलगी.
( आधी उल्लेख झालाय का ? )

लक्ष्मी म्हणत्यात मला (चित्रपटाचे साल आठवत नाही, बहुतेक २००८) - यात मिलिंद गवळीने दुहेरी भूमिका केली आहे. नायिका दीपाली सय्यद आहे. तिचा पहिला मृत पती आणि नंतर तिच्याशी लग्न करणारा तिच्या पतीसारखाच दिसणारा डॉक्टर अशी ती भूमिका आहे.