प्रतिसादाबद्दल धन्यवाद.

कल्पू व दिनेश, कळवलेल्या माहितीच्या आधारे यादीत सुधारणा केली आहे.

दिनेश, रेखा कामत यांनी केलेल्या दुहेरी भूमिकेबद्दल अधिक काही कळले तर जरूर कळवा.

निळू फुले यांनी आणखी एका चित्रपटात दुहेरी भूमिका केली होती. एक भूमिका गावातील पुढार्‍याची होती व दुसरी भूमिका पुढार्‍याचा जुळा भाऊ असलेल्या सज्जन माणसाची होती. चित्रपट कोणता ते लक्षात नाही.

दिनेश, त्या चित्रपटाचे कथानक आठवले. ते साधारणपणे असे आहे:

विवेक हा सिव्हिल इंजिनियर असतो. त्याचे रेखा कामतशी लग्न झालेले असते व त्याला लहान मुलगी असते. एका धरणाच्या कामावर त्याची नेमणूक होते व तो कामाच्या ठिकाणी राहायला जातो. तेथील मुख्य इंजिनियरची मुलगी दिसायला विवेकच्या पत्नीसारखीच असते (रेखा कामत यांची दुसरी भूमिका). ती विवेकच्या प्रेमात पडते. पण विवेक तिला आपण विवाहीत असल्याचे सांगतो. काही दिवसांनी विवेकची पत्नी व मुलगी त्याच्याबरोबर राहायला येतात. मुख्य इंजिनियरची मुलगी विवेकच्या मुलीचे लाड करते.
त्यासुमारास विवेकच्या पत्नीला आजार होतो. हा आजार असाध्य असल्याचे कळल्यानंतर विवेक व मुख्य इंजिनियरची मुलगी यांची जवळिक वाढावी असा प्रयत्न विवेकची पत्नी करते. त्यायोगे आपल्या मुलीला परत एकदा आईचे प्रेम मिळेल असा तिचा विचार असतो.

चित्रपटाचे नाव किंवा प्रदर्शनाचे साल मात्र अजून आठवत नाही.
कथानक सविस्तर लिहिले आहे, ते वाचून कोणाला चित्रपटाचे नाव व इतर माहिती असेल तर जरूर कळवा.

'चल रे लक्ष्या मुंबईला' या चित्रपटात लक्ष्मीकांत बेर्डेने 'लक्ष्या काणे' व 'स्मगलर भोजराज' या २ व्यक्तिरेखा सादर केल्या आहेत. 'स्मगलर भोजराज' या व्यक्तिरेखेसाठी रविंद्र बेर्डे यांनी आवाज दिला आहे.

mbhure, चित्रपटाचे नाव कळवल्याबद्दल धन्यवाद.
खूप दिवसांपासून डोक्यात घोळत असलेल्या विचारांना एक नाव मिळाले.

कळवलेल्या माहितीप्रमाणे यादीत सुधारणा केली आहे.

प्रतिसादाबद्दल धन्यवाद.

masha, कळवलेल्या माहितीप्रमाणे यादीत सुधारणा केली आहे.
'चोरावर मोर' या चित्रपटात बहुतेक रवींद्र महाजनी यांनी काम केले आहे, उषा चव्हाण व अशोक सराफ यांच्याबरोबर. उषा चव्हाण यांच्या Blog मध्ये असलेल्या 'चोरावर मोर' चित्रपटाच्या छायाचित्रांत रवींद्र महाजनी आहेत.

Satishbv, बरोबर. नक्की किती जोड्या होत्या हे माहित नाही पण जुळ्यांच्या या जोड्या सहलीसाठी (आवळे-जावळे सहल) मुंबईत आलेल्या असतात. त्यांच्या गाडीतून लक्ष्मीकांत बेर्डे प्रवास करतो. त्यावेळी 'ही मुंबई भलतीच डेंजर, इथे सगळंच शेम टू शेम...' हे चित्रपटाचे शीर्षकगीत चित्रीत केले आहे.

DhanuD, 'गैर' मध्ये संदीप कुळकर्णीची दुहेरी भूमिका आहे की नाही हे नक्की माहित नव्हते. कळवल्याबद्दल धन्यवाद. चित्रपट काही दिवसांपूर्वीच प्रदर्शित झाला असल्याने सर्वांचा रसभंग होऊ नये त्यामुळे यादीत सध्या सुधारणा करणे टाळले आहे.

मुग्धा, दिनेश आणि ami79, कळवलेल्या माहितीबद्दल धन्यवाद.
नाटकातील दुहेरी / विविध भूमिकांबद्दल कळवल्यामुळे ही माहितीही संकलित करण्यासाठी नाटक विभागात नवीन धागा सुरू केला आहे.
मराठी मालिकातील दुहेरी / विविध भूमिकांच्या संकलनासाठी उपग्रह वाहिनी विभागात नवीन धागा सुरू केला आहे.
मराठी नाटकातील आणि मालिकातील विविध भूमिकांबद्दलही कळवत रहा.

मुग्धा, सही रे सही नाटकात भरत जाधवने ४ भूमिका केल्या आहेत. स्वतःशी मोठ्या आवाजात बोलणारी 'गलगले' ही भूमिका याच नाटकात आहे. हीच व्यक्तिरेखा भरत जाधवने 'गलगले निघाले' या केदार शिंदेच्या चित्रपटातही साकारली आहे.

ami79, अरुण नलावडे व रसिका ओक यांचे नाटक म्हणजे 'गंमत जंमत'. यात बहुतेक सोनिया मुळेनेही काम केले होते.
विजय कदम व रसिका ओक यांचे नाटक पूर्वी प्रभात वाहिनीवर पाहिल्याचे आठवत आहे. नाव नेमके आठवत नाही. त्या नाटकाचे नेपथ्य बहुतेक रिकाम्या चौकटी वापरून केले होते.

रेखा रावने 'गडबड घोटाळा' (१९८६) या चित्रपटात दुहेरी भूमिका केलेली नाही. तिची दुहेरी भूमिका 'गोडी गुलाबी' (१९९१) या चित्रपटात आहे.
यादीत सुधारणा केली आहे.