हा आमचा घरचा बाप्पा-

नैवेद्य

गणपती बाप्पा मोरया!!

हा आमच्या घरचा गणपती.

माझ्या सासरी गणपती नसतात. पण लग्न झाल्यापासून मी दरवर्षी पूर्ण दहा दिवसांचा गणपती बसवते. कारण श्रीगणेशावरील श्रद्धा. माझ्या बाबांचं नाव बाप्पाच्या नावांपैकी एक असल्याने की काय देवाशी एक वेगळेच नाते आहे असे वाटते. ऑफिस असेल तर रोज सकाळ/संध्याकाळचा प्रसाद/आरती वगैरे करायला जर्राशी पळापळ होते. पण मग सकाळच्या आरतीला एखादे फळ आणि संध्याकाळच्या आरतीला घरी केलेला प्रसाद असे असते. अगदी पहिल्या वर्षी गणपती बसवला तेव्हा घरच्या गौरी-गणपतींच्या आठवणीने मी आरती म्हणायचे सोडून रडतच बसले. आणि अगदी आजपर्यंत प्रत्येकवेळी गणपती बसवला की डोळे पाणावल्याशिवाय राहत नाहीत यंदा आमच्या बालगणेशाच्या भितीने सजावट काहीच केली नाही. मागच्या वर्षीच त्याच्यापासून बाप्पाला वाचवता वाचवता नाकी नऊ आले होते. तरी एके दिवशी 'बा काऊ' (बाप्पाला खाऊ- हे मीच शिकवले होते) म्हणून खेळण्यातली कोंबडी देवाला अर्पण बाप्पांनी अर्थातच हा "अगळा वेगळा नैवैद्य" गोड मानुन घेतला असणार

गणपती बाप्पा मोरया !!!

आम्ही दीड दिवसाचा गणपती बसवतो. लहान चांदीची मूर्ती आहे त्याचीच पूजा करतो. यावर्षी एका मैत्रिणीच्या कृपेने मला दुर्वा मिळाल्या मस्त वाटले पूजा करताना. आज रविवार असल्याने सजावट, आरत्या, प्रसाद, नैवेद्य सगळ्याचीच रेलचेल आहे.

गणपतीचा फोटो नाही पण नैवेद्याचे पंचखाद्य आणि उकदीचे मोदक -

आज मित्रांबरोबर जॉर्जिया टेक युनिव्हर्सिटी मधे गेलो होतो गणपतीला.
सुमारे ५०/६० मराठी मुलं/मुली आणि बाकीचं पब्लिक पण होतं. अगदी व्यवस्थित, साग्रसंगीत सगळं होतं. गणपतीची आरास, पुजा, आरत्या, रांगोळी, एव्हडया सगळ्यांना पुरेल एव्हडं जेवण त्यात वरण भात, मसाले भात, पंचामृत, कोशिंबीर, पापड, खिर, प्रसादाला शिरा/ तळलेले / उकडीचे मोदक, अथर्वशिर्षाची आवर्तनं...!
सगळे जणं एकदम कडक traditional कपड्यांमधे.. आणि VIT, PICT, COEP इथली प्रचंड जनता असल्याने एकदम पुण्यात आल्यासारखे वाटत होतं. ! त्या बिल्डींग मधे बहूतेक सगळे विद्यार्थिच असल्याने एका घरात पुजा आणि बाकी ठिकाणी जेवणाची व्यवस्था होती. सगळे जण रात्रभर जागून तयारी करत होते. Limited resources मधे एव्हडा स्वैपाक आणि इतकं सगळं नीट करणं खरच लई भारी.. !! गेले २/३ दिवस चाललेली मायबोली गणेशोत्सवाची तयारी आणि आजचा सकाळचा जीटेक गणपती त्यामूळे ह्यावर्षी जरा छान वाटतय... गणपतीचं वातावरण जाणवतय.

हे पहा १/२ फोटो..

गणपती बाप्पा

आणि हा प्रसाद

सगळ्यांचेच गणपती मस्त आहेत.. एकदम प्रसन्न वाटलं सकाळी सकळी बाप्पाचे आणि प्रसादाचे फोटो पाहुन

आदमा,सहीच रे.. विद्यार्थी असुन हे सगळं त्यांनी जमवुन आणलं त्याचं विशेष कौतुक.....

फ दादा... नेहमीप्रमाणेच जबरी...

झ्क्कास आहेत सगल्यान्चे
गन्पती बाप्पा
ग्न्प्ती बाप्पा मोर्या!!!!!!!!!!!!!!

सुंदरच!
फ, मूर्ती आणि पूजा सुरेख!

सुंदर मुर्ती आहेत एकेक !लालू, संपदा तुमचे प्रसाद पाहुन तर तोंडाला पाणी सुटलं !
फ मुर्ती मस्त बनविली आहे. पण गणपतीला थोडेतरी पोट हवे होते नं !

धन्यवाद.
फ, परशुरामाच्या रुपातली मूर्ती आहे ना? सुरेखच.
वा! अमृता, मस्तच. बरं झालं सुरुवात केलीस.
सर्वांचा उत्साह, विशेषतः त्या विद्यार्थ्यांचा, बघून छान वाटलं.

|| श्री||

मला गणपतीला मुंबईला जायची इच्छा स्वाईन फ्लु चक्कर मध्ये ह्यावर्षीही पुर्ण झाली नाही. आई पप्पा पण ह्या गोंधळात अगदी तीन दिवसापुर्वी गेले मुंबईला मला सोडून. खूप वाईट वाटले, शुक्रवारी रडले पण. आई आधी म्हणायची थोडी जबाबदारी असते, पण काहीच त्रास वाटला नाही. घरी आमच्या ७ दिवस दर वर्षी गणपती असतो. आई पप्पा खास भारतातच जावून साजरा करतात, मी इथे आठवणीने रडायची मला जाता यायचे नाही काहीना काही कारणाने. १० वर्षे मुंबईतला गणपती खूप मिस करायची. रडत बसायची. रविवारी सकाळी मनाशी ठरवून मुर्ती आणलीच शेवटी. मग अगदी सर्व सामानाची बहीणीला विचारून, अर्धी चातुर्मास वाचून तयारीला सुरुवात. काहीच तयारी न्हवती,अगदी कुठे बसवायचे, टेबल पण म्हवते. मुर्तीला पाहूनच एकदम प्रेमात पडले असे झाले. घ्यावीच असे वाटले. तो पर्यन्त करावे का नाही ह्या विचारात गाडी चालवत होते. पण मनात इच्छा खूप असल्याने गणरायाचे आगमन झालेच. एकदम रेखीव मुर्ती मिळाली, प्राण प्रतिप्रतिष्ठा करून ह्यावरर्षी मी माझ्या घरी गणपती बसवला आवडीने. खूप मनाला छान वाटतेय. रव्याची उकड करून मस्त मोदक केले. तांदूळाच्या उकड पेक्षा जरा भारी आहेत करायला. सुट्टी ठोकून प्रसाद करायचाय आजचा. असो.

गणपती बप्पा मोरया!

आमचे बाप्पा. मंगलमूर्ती मोरया.

अमृता, सुरेख बनवला आहेस गणपती.

सगळ्यांचे गणपती सुरेख आहेत... अम्रुता गणपति कसा बनवलास्?छान आहे,रांगोळीसुद्धा अगदि कल्पक आहे..