झी-मराठी : येऊ कशी तशी मी नांदायला

एक भा प्र आहे माझा..... नुसते घराचे पेपर्स घेउन आणि एखाद्या फुटकळ स्टँप पेपर वर सही करुन एखाद्याचे घर आपल्या नावावर करता येते का ? >>> हे घराचे प्रॉपर्टी पेपर्स म्हणजे हिंदी मराठी सिरिअल्सचा जीव की प्राण आहे. त्याच्यावर सही घेण्यासाठी व्हिलन लोक पूर्ण सिरिअलभर धडपडत असतात व यशस्वीही होतात. पण अर्थातच सर्वगुणसंपन्न हिरोईन त्यातून त्यांना सोडवतेच.

...

.....

लेखक दिग्दर्शक यांना घर विक्री खरेदी याविषयी बेसिक माहिती नाही असं दिसतंय, तशी अनेक गोष्टींंची नाहीये, असो.
ती स्वीटु खुळचटासारखी हसते तेव्हा तोंडाचं बोळकं झालेल्या म्हातारीसारखी दिसते असं वाटतं.
बाकी ओम्याचं प्रकरण पाहून प्रेम आंधळंच नाही तर मुकं, बहिरं आणि मंदसुद्धा असतं याची खात्री पटली.

ओम्या स्टाईल म्हणून तोंड न उघडता बोलतो ते पण विचित्र वाटतं.

ती स्वीटु खुळचटासारखी हसते तेव्हा तोंडाचं बोळकं झालेल्या म्हातारीसारखी दिसते असं वाटतं.>>
बाकी ओम्याचं प्रकरण पाहून प्रेम आंधळंच नाही तर मुकं, बहिरं आणि मंदसुद्धा असतं याची खात्री पटली.>>

ही सेरिअल पण संपणार आहे अशी आज बातमी वाचली लोकसत्तेत. झीच्या या सिरियल्स ना अपेक्षित टी.आर.पी. मिळत नाही म्हणुन अग्गंबाई सूनबाई, लाय भारी कारभारी देखिल बंद करणार आहेत. देवमाणुस तर अशीही संपतच आहे.

मी एकदाही ही सीरियल पहिली नाही पण इथे डीजे यांच्या कमेंट्स वाचायला धमाल यायची. आताच मीम पहिल की साळवी बेघर झालेत म्हणे, रस्त्यावर आलेत
म्हणून वाचायला आलोय तर काहीच नाही
येऊ द्या ना काहीतरी भन्नाट

मी तर सुचवेन की तुम्अही स्वतः बघा ही सिरीयल.
आम्हीच का सहन करायचं

नको, डीजे यांनी केलेलं नली चे वर्णन पाहून कुतूहलाने युट्युब वर बघायला गेलो की खरोखरच तशी आहे का
ते पिंजरलेले केस आणि लाल नाक बघून खात्री पटली की डीजे अजिबात अतिशयोक्ती करत नाहीत

रजिस्ट्रार ऑफिस मधे सह्या न करताच तायडा ने अखेर घर स्वत: च्या नावावर केलं....

तायडा ने साळव्यांना रस्त्यावर आणलं आहे.त्यांचं सगळं सामान गुंडांकरवी फेकलं.
साळवी वेड्यासारखे भटकत आहेत....अनेक दिवसांनी नली ची शकु अचानक उपटली आहे..ती सगळ्यांना घरी यायचा आग्रह करते आहे. नलीच्या पिंजारलेल्या केसांचा आत्तापर्यंतचा सगळ्यात भयानक आवतार काल दिसला...
आणि या सगळ्या भानगडीत चिन्या दवाखान्यात आहे हे विसरले आहेत सिरीअल वाले....
मालविकाने घर ढापलं हे कळलं तरी शकु थंडच...एखादी आई असती तर घरी जाउन मुलीच्या कानाखाली लगावली असती...पण ही शकु आहे...नुसतं "अगं तायडे असं नको करुस गं" ( टिपिकल टीपरे च्या टोन मधे वाचा )..असं गुळुमुळु बोलत बसणार.
आता पुढच्या भागात तायडा स्वीटु ला तीच घराची फाइल परत देउन घर घे पण ओम्या चा पिच्छा सोड असं म्हणतेय...

काय राव यांचं....लोकांनी उगीच मर मर अभ्यास करुन परीक्षा देउन रजीस्ट्रार व्हायलाच नको आता...नुसते पेपर दिले घेतले की झाले घराचे व्यवहार...स्टँप ड्युटी नाही, रजिस्ट्रेशन फी नाही, वकिल वगैरे काही नाही......उगीच वकिलांच्या पण पोटावर पाय...

स्वीटू नाही जाणार एवढ्यात आपल्याला सोडून.. अजून आपल्याला भरपूर सहन करायचे आहे..आणि DJ तुम्हाला पिसांचा बंगला बांधायचा आहे..
नवीन ४ सीरिअल्स येणार आहेत त्यांचे स्लॉट ठरलेले आहेत.
१. ७.०० वाजता बाजिंदे असे काहीतरी आहे ( नायक नायिका भुतासारखे पांढरे ड्रेस घालून पिवळ्या गोंड्याचा जीव घेतायत )
२. ८.३० वाजता तुझी माझी रेशीमगाठ ९.०० वाजता
३. तुझ्या माझ्या संसाराला आणि काय हवे आणि
४. १०.३० वाजता ती परत आली आहे..

@ आशुचँप : धन्स
@स्मिता श्रिपाद : भारी अपडेट्स. मी मिस केलं हे सर्व. पण आता सहनशक्तीच्या बाहेर गेलंय सर्व
@श्रवू : आता काही कारणास्तव टीव्ही पासून पुर्णत: दूर आहे... आकाशवाणीशी दोस्ती झाली आहे.. आणि खरं सांगू का आकाशवाणी ऐकल्याने डोकं शांत रहातंय..

पिवळ्या गोंड्याचा जीव घेताहेत
तुझ्या माझ्या कुठली मालिका, कोण कलाकार आहेत. मी प्रोमो नाही बघितला. बाजींदे फालतू असेल असे वाटते. रेशीमगाठ श्रेयससाठी थोडीफार बघेन पण प्रार्थनाचे नाव ऐकून भ्रमनिरासच झालाय. ती परत आली आहे विनोदी वाटते.

तुझ्या माझ्याचा प्रोमो बघितला. हिरवीण ओळखीची नाही. ही मालिका आज बघितली. दादा रात्री जागेवर नाहीत तर पहिले कोणीही बाथरूम चेक करेल ना. मला फिस्सकन हसूच आले. खोटे खोटे झोपलेले सगळे पटापटा जागे झाले आणि बाहेर धावत सुटले. शोधायची खटपट केली न केली तर नशीब (प्रेक्षकांचे) लगेच सापडले. आता दादा साळवी वेडे झाले तर त्यांच्या उपचाराचा खर्च कसा आणि कोण करणार. स्वीटू प्रत्यक्ष आयुष्यात आहे तशीच तरी दाखवायची म्हणजे ओम तिच्या प्रेमात पडतो यावर जरा तरी विश्वास बसला असता.
दादा साळवी आणि ईतर चला हवा येऊ द्यामध्ये आले होते. फ्रेंडशिप डे निमित्त होते कदाचित. साबळे म्हणाला ओमला की तुमच्या दोघांची सध्या सगळीकडे हवा आहे कोणत्या जगात जगतात हे लोक की पर डे साठी काहीही बोलायचं, त्यांच्या घरचे तरी ती मालिका बघत असतील का

बॉस ने सांगितले म्हणून कोणी काय असं कोणालाही मारून टाकतात काय ? देवमाणूस कमी होता म्हणून कि काय आता इथे पण खून वैगैरे दाखवायला लागले.. >>>>>>>> मालविका ने सान्गितल मारायला? देवमाणूस निदान सत्यकथा तरी आहे.

बादवे, चिन्या कसा आहे? बरा आहे का?

आता दादा साळवी वेडे झाले तर त्यांच्या उपचाराचा खर्च कसा आणि कोण करणार>> आता घर गहाण टाकलंय.. उपचारांच्या खर्चासाठी आता एकेका साळाव्याला तायडाकडे गहाण टाकून उपचाराचा खर्च करायला हवा. तिच्या शिवाय या दळभद्री साळव्यांना पैसे देणारे अन त्या बदल्यात यथेच्छ पिळणारे या जगती दुसरे कोणीही नाही.

ज्या स्पीड ने घर गेलं त्याच स्पीड ने ते परत मिळणार आहे हो.......
मी जर वकील किंवा रजिस्ट्रेशन ऑफिस मधे कामाला असते तर या सिरीअल विरुद्ध तक्रार केली असती की लोकांची दिशाभुल करतात म्हणून

शकु ओम्याला सांगते आहे की तायडा ने सगळं केलं आहे.स्वीटु ला रस्त्यावर आणलं आहे तरी मूर्ख ओम्याला अजुन विश्वास बसत नाहिये. अजुनही मालविका च्या नाटकी रडण्यावर मठ्ठा सारखं तोंड करुन बघत बसलाय..."ढवळ्या शेजारी बांधला पवळा, वाण नाही तर गुण लागला" या न्यायाने साळव्या़ंकडे जाउन ओम्या पण मठ्ठ झालाय.

चिन्या ला पहिल्याच दिवशी कंपनी तर्फे मेडीक्लेम इन्शुरन्स चे पैसे मिळणार आहेत म्हणे आणि आज साळव्यांचा परत त्याच्या घरात गृहप्रवेश आहे असं प्रोमो मधे दिसतय...

साळव्या़ंकडे जाउन ओम्या पण मठ्ठ झालाय. >>>++++१११
आज साळव्यांचा परत त्याच्या घरात गृहप्रवेश आहे असं प्रोमो मधे दिसतय...>> ऊद्याच संपवतायत की काय..?? आज रात्री पासुन बघायला सुरुवात करेन... शेवट चुकायला नको.

काल मात्र खूप दिवसांतून धमाल झाली.साचलेल्या डबक्यातील पाण्याला अचानक थोडी वाट मिळावी अन ते कुबट वासाचं पाणी जरा झिरपून जावं तसा प्रकार घडला.

(मी काही हे बघत नव्ह्तो गेले २ महिने... इथल्या प्रतिक्रिया वाचून अन पुढे काय झालं असेल याचे आडाखे बांधून कालचा थोडा भाग पाहिल्यावर आता लिहितोय..)

तर माठ चिन्याचा रेल्वेतून पडून अ‍ॅक्सिडेंट झाल्यावर दादा साळव्यांनी १० लाखांसाठी तायडाकडे घर गहाण टाकलं. त्यामुळे त्यांना मानसिक धक्क बसला अन ते शुन्यात नजर लाऊन बसू लागले. त्यांना मख्ख चेहर्‍याने असं शुन्यात नजर लाऊन पहाणं त्यांना या वर्षीचा झी गौरव बेस्ट सपोर्टिंग अ‍ॅक्टर साठी नक्कीच नॉमिनेट करेल यात शंकाच नाही. तसं बघायला गेलं तर संपूर्ण साळवी अन खानविलकर कुटुंबीयच झी गौरव साठी तगडे उमेदवार आहेत असं एखाद्याला वाटु शकतं इतके लोक त्यांना दात ओठ खात बघत असतील.

१० लाखांसाठी वेड पांघरून पेडगावला गेलेल्या दादा साळव्यांना माठ चिन्याला इंस्युरंसचे पैसे मिळून घर पुन्हा ताब्यात आलं हे मात्र लक्षात आलं नाही इतकं ते भयानक मख्ख होऊन शुन्यात गेलेत. अगदी नलीच्या पिंजारलेल्या केसांचा, लाल-गुलाबी नाकाचा, लळणार्‍या ओठाचाही त्यांना विसर पडून ते शुन्यात गेलेत. नली सुद्धा खानविलकरांचा प्रस्ताव सर्वांसमक्ष धुडकावून लावते अन कानकोंडे झालेले खानविलकर व्हिल्यात येतात. त्यांचा व्हिला जुहुला आहे हे काल तायडा कडून कळालं. मग तायडा नलीला फोन करून दमात घेते अन नलीच्या डोळ्यांपुढं शुन्यात गेलेल्य बापाला चहा अन चपाती खाऊ घालणारी ष्विटू दिसते. झाल..! मग अचानक नलीला उपरती होते की ओम्याच भला जावई बनु शकतो.

नली लगेच अंबरनाथहून जुहुला खानविलकर व्हिल्यात पोचते अन तिला तिथं आलेली बघून शकू अन इतर खानविलकर्स (तायडा सोडून..!) फार आनंदित होतात. आल्यासरशी नली ती लग्नाला तयार आहे (ओम्या-ष्विटूच्या) असं सांगून पेढ्याचा बॉक्स उघडून सर्वांना आनंदाचा (अन तायडाला मानसिक) धक्का देते. ते ऐकुन भयाकलेली तायडा (तिचा ड्रेस मात्र नवीन हां एक्दम... पिवळा अन फुलपाखराच्या पंखासारख्या डिझाईनचा.. भारी दिसला तिल...!) नलीचा हात सर्वांसमक्ष धरून चेहर्‍यावर हास्य दाखवत नलीला घरी पोचवण्याची व्यवस्था करायला जाते असं इतर खानविलकर्सना सांगून (त्यांना पटतं बरं का तिचं..!) खाली नेते. मग व्हिल्याच्या गेटवर जो काही कलगीतुरा सुरु होतो त्याला शब्दांत उतरवता येणं कठीण. पण नली एकदम बदलली बरं. ती तायडाला पेढा भरवत असते पण तायडा तो पेढा जवळजवळ टाकुन देते पन नली तो सावरून हातात घेते तेव्हा तायडा तिच्या बोटांना लागलेलं पेढ्याचं तूप नलीच्या ब्लाऊजला पुसते . मग नली तिच्या पेटंट टरक्या नजरेने तायडाकडे बघत तिला ओपन चॅलेंज देत सांगते की तिची मुलगी याच व्हिल्यात येऊन तायडाचा माज कसा उतरवते ते बघ.!!

मग इकडे साळाव्यांच्या घरी नेहमीप्रमाणे दळभद्रीपणा सुरुच असतो. तेवढ्यात नली जुहुवरुन अंबरनाथच्या घरी पोचते. सगळे तिची विचारपुस करू लागतात. ती म्हणते श्विटूला आज बघायला पाहुणे येणारेत असं म्हणत ती ओम्याचा फोटो ष्विटूपुढे सरकवते पण त्याकडे न बघताच ष्विटू तिथुन उठुन चहा करायला आत जाते. तिथं डोळे गाळात ती चहा बनवू लागते अन इकडे इतर साळवी (हो..हो.. तेच ते... माठ चिन्या, महामाठ काका अन महामाठ काकी. शुन्यात गेलेले दादा साळवी सोडून) नलीच्या हातातील फोटो खेचुन घेतल्यावर तो ओम्याचा फोटो आहे हे बघून आनंदाने तयारीसाठी धावपळ करू लागतात.

साळव्यांची ही आनंदाची, समाधानाची धावपळ बघितली की त्यांच्या दळभद्रीपणाकडे आपल्या सारख्या पामरांची आपोआप डोळझाक होते अन आपण उद्याच्या भागाची आतुरतेने वाट बघू लागतो.

Dj अगदी चपखल शब्दात लिहिलंय..

ओम नि स्विटूच लग्न होणार म्हणजे संपली की काय मालिका ! ह्यांना बरे हवं तसं मिळतं

या सिरीअलच्या दिग्दर्शकांना एकदा त्यांच्या दृष्टीने जुहू आणि अंबरनाथ मधील अंतर किती आहे ते विचारले पाहिजे! नाही, अगदी ४ बिल्डींग पलीकडच्या मित्राकडे जाऊन यावे तसे एकमेकांकडे जात-येत असतात! शिवाय हे एकतर करोना पूर्व काळात तरी जगात आहेत किंवा ८-१० वर्षे पुढे तरी जगत आहेत, करोना अगदी पार देवी रोगाप्रमाणे समूळ नष्ट झालेला आहे!!! कोणीच मास्क लावताना दिसत नाही, ट्रेनही सुरु आहेत!!!

बाकी, सकाळी सकाळी अंबरनाथ ते जुहू आणि पुन्हा जुहू ते अंबरनाथ एवढा प्रवास करूनही नलू खूप फ्रेश दिसते! इतकी की आल्यावर पाण्याचा एक घोटही न घेता थेट कामाला लागते??? आता अंबरनाथवरून जुहूला जायचे म्हणजे अंबरनाथ ते दादर (सेन्ट्रल), दादरला ट्रेन बदलून पुन्हा दादर (वेस्टर्न) ते विलेपार्ले / अंधेरी पुन्हा तिथून बस / रिक्षा असा प्रवास मार्ग आहे. किंवा निदान ट्रेनने अंबरनाथ ते घाटकोपर, मेट्रोने घाटकोपर ते डी. एन. नगर मेट्रो स्टेशन आणि पुढे जुहूपर्यत बस / रिक्षा असातरी प्रवास करायला हवा! एवढा लांबचा आणि वारंवार प्रवास साधने बदलावी लागणारा प्रवास करण्याचा stamina चांगला आहे!!! की Ola / Uber करतात दर वेळेस???

मुंबईविषयी माहिती नसणाऱ्यांंच्या माहितीसाठी :
जुहू हे ठिकाण मुंबईत पश्चिमेला असून त्याला 'थेट' रेल्वे connectivity नाही. तर अंबरनाथ हे ठिकाण मुंबईच्या बाहेर असून मुंबईनंतर ठाणे, त्यानंतर कल्याण-डोंबिवली ही शहरे ओलांडल्यावर मग अंबरनाथ येते! जुहू ते अंबरनाथ हे रस्तेमार्गे अंतर ५५-६० किमी आहे.

नली ती लग्नाला तयार आहे (ओम्या-ष्विटूच्या)

@Shraddha आणि @सूलू_८२ :

ह्यांना बरे हवं तसं मिळतं>>

@ विक्षिप्त_मुलगा : डिटेलवार माहिती दिल्याबद्दल आम्ही मुंबैबाहेरील प्रेक्षक आभारी आहोत... तुम्ही मुंबैत आहात तर शिरेलच्या दिग्गुचे कान ओढुन दाखवा हा नकाशा.

वि मु

तेजश्री प्रधानची नवीन मालिका झीम वर सप्टेंबर मध्ये सुरु होत इहे.नाव माहित नाही.पण कोणी म्हणत आहे की 8 वाजता असणार आहे तर कोणी म्हणत आहे की चला हवा येऊ द्याला रिप्लेस करणार आहे. पण मला वाटत स्वीटूचीच मालिका संपेल ,म्हणूनच घाईघाईने लग्नाचा ट्रँक आणला आहे।
22 ऑगस्टला रविवारी 2 तासाचा स्पेशल लग्नसोहळा आहे.
म्हणजे बहुतेक या मालिकेलाच नारळ देतील.
तसही झीम ने 5 नवीन मालिका चालू करून कंबर कसलेली दिसत आहे स्टार प्रवाहच्या विरोधात.
काहीही करून गेलेली पोझिशन परत मिळवायची ,असा चंगच बांधला आहे.
5 घोड्यांवर सध्या पैसे लावलेले इहेत.
त्यापैकी एखाददुसर नक्कीच पुढे धावेल
श्रेयस ची नक्की चालेल, निदान त्या लहान गोड मायरासाठी नक्की लोक बघतील.
पण प्रवाहला तरीही नाही मात देता आली तर तोंडावर आपटतील.

तसही झीम ने 5 नवीन मालिका चालू करून कंबर कसलेली दिसत आहे स्टार प्रवाहच्या विरोधात.>>>>>>>>>>> त्या ५ सिरियल्सची नावे सान्गू शकाल का कुणी?

पाहिले न मी तुला सुद्दा सम्पतेय का?

हो.. सर्व मालिका संपत आहेत.
याच धाग्यावर वर स्क्रोल करा.. श्रवूंनी सर्व नावे अन् टाईम स्लॉट दिले आहेत.

ओके.

काय झालय हे नलीचं ? इतका बदल कसा काय बुवा ?
इतकी हुशार आणि समजुतदार कशी काय झाली अचानक बाई...
आता लग्नाचा ट्रॅक असेल असं दिसतय...
चला काहितरी पुढे सरकतय...