मराठी संकेतस्थळांचा (व्यक्तीगत) अनुभव.

हल्लीच आम्ही काही मराठी संकेतस्थळावर काही महिने रोमात राहिलो. मराठी संकेतस्थळांचा इतिहास काही जाणकार लोकं इतर सायटींवर ददेतीलच पण ह्या स्थळांपैकी काहीवर आम्ही जे अनुभवले ते आम्ही इथे लिहीणार.

पहिले स्थळ मायबोली -- नको मायबोलीचा आढावा नंतर घेतो आता उसळपावाच्या तर्रीचा आस्वाद आधी घेवू मग साध वरण, तुप मिठ भात खाऊ.

मिसळवाव.

आता रोमात आणि उसळपावावर एकत्र कसे राहता येईल हा प्रश्न तुम्हास पडला असेल तर त्याचे आम्हास काही घेणेदेणे नाही.

मिसळ्पाव स्थळाची वैशीष्ट्ये.

१. उत्तम गुंडागर्दीचे ठिकान. - येथे राहील्यावर तुम्ही फोकलिच्या, गांx, बापxवला अश्या अनेक शिव्या तुम्हाला शिकायचा नसल्या तरी शिकावयास मिळतील. मालकच सारखे असे बडबडत असतात त्यामुळे काही सदस्य हे त्याचा वापर तुम्हावर करतील, तेंव्हा सावधान.

२. येथे काही सदस्यांचा खरडवहीत एकमेकांनी धमक्याकी दिल्या आहेत. "तुला मारिन, तुझे पाहून घेईन, पळता भुई थोडी करेन वैगरे. ( अहो काय झाले की आम्ही मिपावर रोजच्या प्रमाने रोमात राहयला गेलो तर तिथे एका नविन असलेल्या व स्वतःला इतिहास अभ्यासक म्हणवून घेणार्‍या सदस्याने (सदर सदस्य मायबोलीकर आहे). लेखनचौर्य हा लेख प्रसिध्द केला, तर आम्ही आमचा प्राण कानात आनुन ते ऐकत होतो. (पक्षी वाचत) तर तिथल्या एका माजलेल्या सदस्याने धमकी समजु नका तुम्हाला पळवून लावीन, असे त्या सदर लेखकाला सदस्याला लिहील. तो लेखक महाबेरकी असल्यामूळे व त्याचा लेख चोरी गेल्यामुळे त्या धमकी देणार्‍याला पुरुन (म्हणजे मातीत नाही हो) उरला. (थोडक्यात गुंडागर्दी करने आणी चालुवून घेणे हे या स्थळाचे वैशीष्ट्य. त्याच सदस्याने इतरही काही मेंबर्सला धमकी दिली असे त्यांचा खरडवहीतून वाचून आहोत.

३. ह्या स्थळावर कायमच आम्ही कसे चिखलातुन वाट काढत आहोत अशी न्युनगंडाची भावना सदस्यात रुजविली जाते. मग मनोगत, मायबोली वाले आम्हाला कसे पाण्यात पाहतात (आता चिखल पाण्यातच पाहिला जातो हे कोणीतरी तात्यारांवाना* सांगा हो) हे गळा काढून सांगीतले जाते. त्यामुळे इतर स्थळांची नावे कोणी लिहीली ही त्या सदस्याच्या नावाने गळा काढला जातो.

४. संभोगा विषयी मराठीत माहीती ह्या स्थळावर आजकाल रोज वाचायला मिळते. एकुनातच गल्लीच्या कट्यावर चार गुंड एकत्र येऊन पान थुंकत, शिव्या देत, वैषयीक गप्पा मारतात तसे हे स्थळ होऊ घातले आहे की काय अशी आम्हास भिती वाटते.

* हे तात्या आणि आम्ही वेगळे आहोत. आम्ही अद्याप कोणाचेही मालक झालेलो नाहीत. नाव पुर्ण देता येईल, पण प्रत्येक साईटीवाल्यांचे खरे नाव काय आहे, हे शोधाकार्य आम्ही तुमच्यावर सोपवतो. तुम्ही गेस करा आम्ही बरोबर की चूक ते आनंदाने सांगू.

मनोगत

१. इथे तुम्हाला शुध्दलेखन आलेच पाहिजे हा आग्रह असल्यामुळे आम्ही रोमातच राहिलो. इथे लिहीताना आम्हाला आत्यंतिक आनंदाचे भरते आले आहे व त्यामुळे कि बोर्डवर शब्द पटापटा उमटत आहेत.

२. टाबू असनारे विषय इथे चालत नाहीत.

३. हे स्थळ आंतरजालावर इतर मराठी स्थळांना जन्म घालते त्यामुळे सर्वजन ह्या स्थळाकडे "अतिपवित्र" म्हणून बघत असतात.

४. सकस लेखन असुनही म्हणावी तेवढी प्रगती होत नाहीये ह्या कडे शेटांनी लक्ष द्यावे.

५. इथे प्रतिसाद लगेच दिसत नाही. तो संपादित केला जातो. च्यायला, मग आम्ही तिथे का लिहावे?

मायबोली.

१. हे स्थळ 'अ' मध्ये असनार्‍या लोकांसाठी नसुन 'ब', 'क' वैगरेंसाठी आहे असे साहेबांनी आधीच लिहील्यामुळे आम्ही इकडेही रोमात राहिलो. कधी कधी लिहीले देखील. पण प्रतिक्रियाच दिल्या.

२. काही चांगल्या गोष्टी आम्हाला आढळल्या जसे वेगवेगळ्या गावांची कुजबुज, आयमिन बोलने हो, जसे पार्ले, पुणे. संवाद नावाचे सदर, असे इतर कुठेही नाही. येथील दिवाळी अंकही चांगले असतात.

३. गुलमोहराचा दर्जा दिवसेंदिवस घसरत चालला आहे. कुठल्याही फ दर्जाच्या कविता इथे येतात व त्यावरुन येथील काही सदस्य रणकंदन माजवतात. आजकाल हे रणकंदन वेगवेगळ्या बाफवर असते त्यामूळे आम्ही त्या बाफवरच पहिले जातो.

४. काही सदस्य हे स्वतःचेच स्थळ असल्याप्रमाने इतरांना उपदेश देत सुटतात. उपदेश देने हे लोकांना आवडत नाही, हे हल्लीच्या एका लेखावरुन सिद्ध झाले आहे. शुद्धलेखनाचा आग्रह आजकाल फारच वाढला आहे. ह्या स्थळाचेही मनोगत होईल हे मात्र मालकांनी गंभीररित्या घ्यावे.

आम्हास शुध्दलेखन आवडते, पण आम्हास शुध्द लिहीता येईल असे काही नाही. त्यामुळे आम्ही रोमात राहनेच पसंत करु. (कधी कधी मजा म्हणून खिल्ली उडवीली जाईल)

४. ह्या साईटीवर मात्र खरी लोकशाही आहे. इथे मॉडरेटर्स नावाचा प्रकार आता अस्तित्वात नाही असे वाटते. सदस्यांनी(च) निट लिहावे ह्यावर भर दिला असल्यामुळे लोकशाही नांदत आहे. पराजीत न होणार्‍या साहेबांचा त्यामूळे आम्हास आदर वाटतो.

एवढे लिहून आमचे बोटं सध्या दुखत आहेत, नंत्तर परत लिहीन्याचे कष्ट घेईन. सध्या थांबतो.

आम्ही हा लेख एका वेगळ्या स्थळावर आधी लिहीलेला आहे, ह्याची नोंद घ्यावी.