सकाळी सकाळी उठून दाढी करताना..

मूळ धाग्यातली माहिती आणि प्रतिक्रियां मधली चर्चा दोन्ही उपयुक्त ! धागा निघाला तेव्हाच प्रतिक्रिया द्यायची होती, ती राहून गेली. थोडे स्वानुभवाचे बोल.
डिसपोजेबल ट्वीन ब्लेड्स आणि पारंपारिक फावडं दोन्ही वापरुन झाली. फावड्याचा फायदा म्हणजे, कल्ले आणि मिशांना हवा तो शेप देणे फार सोयीचे असतं, तेच ट्वीन ब्लेड्स मुळे अवघड पडतं. फावडं आणि ट्वीन ब्लेड दोन्हीमधे वापरताना थोडा फरक करणं गालाच्या तब्येतीसाठी चांगलं असतं. फावडं फार नाजूक हाताने वापरावं लागतं नाहीतर दिवस भर गालफाडं जळजळत राहतात. ट्वीन ब्लेड्स मधे तो एक फायदा असतो, जरा दाब देऊन वापरलं तरंच खरंतर दाढी नीट होते, आणि त्यात जळजळायची-कापायची शक्यता सुद्धा कमी असते.
प्रथम गरम पाण्याने चेहरा धुवून त्यावर क्रीमचे ठिपके लावून ब्रश ने थोबाड फेसवून घेणे. मग एक सरळ हात (म्हणजे कल्ल्यांच्या खालून खालच्या दिशेने गळ्यापर्यंत ) , मग परत एकदा आडवा हात (म्हणजे कानापासून मिशीकडे). झालं.. मग थंड पाण्याने थोबाड खंगाळून घेणे, फॉलोड बाय, डायल्यूटेड डेटॉल, फॉलोड बाय आंघोळ.. असं एक दिवसाआड करणे. उलटा हात मारणे शक्यतो टाळतो. इलेक्ट्रिक शेवर पण वापरुन झाले, पण त्यात कंपल्सरी उलटा हातच मारावा लागत असल्याने अगदीच कधीतरी, सुट्टीच्या दिवशी वगैरे बिन पाण्याची दाढी करायची हुक्की आली, तर वापरणं होतं.

इलेक्ट्रिक शेवरचे फक्त head (ज्यात blades बसवलेली असतात) मिळते का?
माझ्या Havells shaver चे head तुटले आहे.

हा पूर्ण भाग (प्लास्टिकच्या भागासाहित) हवा आहे. केवळ आतील ३ ब्लेड्स नाही.
online / offline कोणताही पर्याय चालेल.