धाकल्या राजाची आठवण- काशीनाथ घाणेकर स्म्रुती दिन

मी त्यांची काही नाटके बघितलीत.
गुंतता हृदय हे (सोबत आशा काळे, आशालता )
आनंदी गोपाळ ( सोबत सुहास जोशी )
गारंबीचा बापू ( सोबत उषाकिरण )
अंधार माझा सोबती ( सोबत फैयाझ - हे नाटक वेट अनटील डार्क वर आधारीत होते. )
संभाजीच्या भुमिकेत मात्र नाही बघितले. स्टेजवर प्रभावी ठरणारा हा अभिनेता,
चित्रपटात मात्र शोभला नाही.
स्टेजवरचा अभिनय बराचसा आक्रस्ताळी, मेलोड्रामाटीक असायचा. पण त्या काळात
तो चालून जायचा. शिवाय अफाट लोकप्रियता होतीच. (माझ्या आजोळी त्या अफाट माणसाचे बरेच किस्से सांगितले जात. आजीचा मित्र होता तो.)

वरचे कुठलेच नाटक, बाकि कुठल्याच अभिनेत्याने केले नाही, यातच घाणेकरांचा
करिष्मा दिसतो. (नाही म्हणायला गारंबीच्या बापूचा रोल, किरण भोगले करणार,
अशी जाहिरात वाचली होती. पण ते बहुतेक नाही घडले.)

आजच सकाळी - रात्रीस खेळ चाले हा खेळ सावल्यांचा ..... हे गाण कानावर आल आणि आठवली ती
प्रंचंड इन्टेन्सीटी आणि ह्रुदयाचा ठाव घेणारी दाहक नजर .......

आणि हा लेख पाहीला, माझ्या कडे आठवणी काहीच नाहीत पण हा योगायोग मात्र लिहावासा वाटला.

स्मॄतीस अभिवादन

'मधु इथे अन चंद्र तिथे.... झुरती अंधारात
झुरती अंधारात ...... अजब ही मधुचंद्राची रात"
लहानपणी, दूरदर्शनवरती हा सिनेमा पाहीलेला होता. आणि काशीनाथ घाणेकर दिसायला एकदम आवडलेले होते.

माझ्या आईचा अतिशय आवडता अभिनेता...आई मितभाषी होती पण कधी त्यांचा विषय निघाला तर भरभरून बोलायची..तिने बरीच नाटक पाहिली होती त्यांची....