माबोवरी आला | अत्यानंद झाला |.

माबोवरी आला | अत्यानंद झाला |
काव्याचा उमाळा | उसळला !!

मिळेना वेलांटी | मात्र्याची कोलांटी |
व्याकरणाची घंटी | वाजविली ||

शब्दामागे शब्द | उभा केले स्तब्ध |
फुटके प्रारब्ध | वाचकांचे ||

जिगाच्या रुपाने | दैत्यांची थैमाने |
वाद, घमासाने | सोकाविली ||

आप चा दणका | तोंड रका रका |
काव्याचा मणका | चुराडिला ||

वाचकांचा मेळा | कवितेशी आला |
कळ्ळोळ जाहला | माबोवरी ||

सैन्यामाजी विपू | शब्द शब्द मापू |
"या रे याला कापू | कवी म्हणे" ||

टोमण्यांच्या लाथा | टीका बुक्की खाता |
चोपली कविता | निर्दाळीली ||

दिली नाही साथ | एकानेही हात |
गेला काव्य वात | विरून गे ||

पेंगुळला कवी | अंधारला रवी |
घ्यायलाच हवी | निवृत्ती बा ||

म्हणोन सांगितो | मंत्र उच्चारतो |
मार्ग हा दावितो | नवागता ||

आभार मानावे | स्तुतीगीत गावे |
चांगला म्हणावे | अमितही ||

सर्वांचे आभारी | नसावेच तरी |
ठेऊनी ते उरी | चेकळावे ||

बोलला विशाल | बोलुदे खुशाल |
प्रगोनेही हाल | करावे का?||

डॉक्टरांची सुई | नेमकीच जाई |
शिरोनिया राही | मनामधे ||

बेफिकीर बोल्ला? | करा प्रतिहल्ला |
कुणीही का जल्ला | शिकवायचे! ||

सोबत मंद्याची | दोन्ही बाजू गोची |
दोन दगडाची | कथाच तो ||

त्राता एक हबा | तुझ्या मागे उभा |
कितीही तू डबा | लिही गड्या ||

शेवटी कळेल | कष्ट हे फळेल |
ओळ आठवेल | ही खालची ||

माबोवरी यावे | पघळ नसावे |
आवरते घ्यावे | हेची खरे ||
आवरते घ्यावे | हेची खरे ||

- ह बा