माझे मातीचे प्रयोग

आपली मायबोलीकर मिनोतीकडुन प्रेरणा घेवुन मी पण कुंभारकामाच्या (Pottery) क्लासला नाव घातले.

त्यातलाच हा एक प्रयोग :). या भांड्याबद्दल थोडेसे, हा फ्लॉवर पॉट coil technique वापरुन (म्हणजेच हाताने मातीच्या जाड जाड लांब शेवया करुन मग त्या एकावर एक रचुन) बनवलेला आहे.

अश्विनी, दिनेश, तुम्ही दिलेल्या suggestions नंतर हे स्पुन होल्डरचे चित्र टाकतेय. एक उदाहरण म्हणुन की या coils चे कसे डीजाईन बनवता येते. हे भांडे चुकीचे रंगवले गेले म्हणुन मला खुप आवडले नाही. खर म्हणजे मी हे भांडे ३-४ रंगात रंगवले (होते). पण मी सगळ्यात शेवटी काळा रंग वापरला फिक्या रंगावर. या चुकीमुळे एक महत्वाची गोष्ट शिकले ते म्हणजे काळा रंग पारदर्शक नसतो .

Anyway यात (coil technique मध्ये) दोन्ही प्रकार करता येतील. एक म्हणजे प्लेन भांडे बनवुन मग त्यावर डीजाइन साठी अश्या वेगवेगळ्या आकाराच्या शेवया लावणे (जसे सुंभाचे किंवा लाटांचे डिजाइन)किंवा भांडे बनवत असतांनाच शेवयांना आकार देणे.

मी या क्षेत्रात फार म्हणजे फारच नवीन आहे त्यामुळे मातीचा अंदाज येत नाही. जोपर्यंत मातीचे गुणधर्म मला ओळखीचे होत नाहीत माझे प्रयोग खर्‍या अर्थाने यशस्वी होणार नाहीत. आम्हाला दिलेला गृहपाठ पण साधारण असाच असतो की ज्या मुळे आम्हाला मातीच्या वेगवेगळ्या गुणांची ओळख होईल. एवढ मात्र नक्की की मातीत खेळायला खुप मजा येते. हळु हळु डोक्यात कल्पना येत जातील तसे तसे प्रयोग करत जाईन त्याच वेळी तुम्ही दिलेल्या सुचना पण अमलात आणायचा प्रयत्न करेन.