कॉलेज

फेसबुक फ्रेंड

पुढची व्यक्ती कोण असेल
याची जरी खात्री नसते
तरी आत्मीयता जपणारी
फेसबुक वरील मैत्री असते

अनोळखीच्या ओळखीचीही
कधी आपुलकी वाटू लागते
अन् अनोळखींच्या भेटीची
मनी उत्सुकता दाटू लागते

माणसं जोडण्याचा दुवा म्हणून
सोशियल मिडीया घेतला जातो
तर भावनीकतेचा आधार घेऊन
कधी-कधी गंडाही घातला जातो

विशाल मस्के
सौताडा, पाटोदा, बीड.
मो. ९७३०५७३७८३

रसिकांकडून होत असलेली वाढती मागणी लक्षात घेऊन सदरील कविता ऑडीओसह पुनर्प्रसारित करण्यात येत आहे,...

सखे,तु व्हाटस्अप वरती भेट,...

तुझ्या-माझ्या मधला,दुवा होऊ दे इंटरनेट
सखे,तु व्हाटस्अपवरती भेट,... |||धृ||
तुझे अबोल बोलके डोळे
अन् लाजरी-लाजरी नजर
डोळे मिटवण्या आधीच
होतेय डोळ्यांपूढे हजर
माझ्या ह्रदयात तुझ्या,प्रेमाचं गं बेट
सखे,तु व्हाट्सअप वरती भेट,...||१||
तुझे सळसळणारे केस
अन् डूलडूलणारे कान
गोल-गोबरे गाल अन्
भिरभिर फिरती मान
सतवताहेत गं मला,अर्धचावले ओठ
सखे,तु व्हाटस्अपवरती भेट,...||२||
या ओसाड माझ्या मनी
तु फुलव प्रेमाचा मळा
मनसोक्त पाहू दे मला

भविष्य विद्यार्थ्यांचे

जिथे पोषक आहार मिळावा
तिथे विष प्रहार होतो आहे
विद्यार्थ्यांना विषबाधा होणे
हा प्रकार समोर येतो आहे

जेवनातुन विषबाधा होणे
असे प्रकारच घडू नयेत
ज्यांच्या हाती भविष्य आहे
त्यांचे भविष्य बिघडू नयेत

विशाल मस्के
सौताडा, पाटोदा, बीड.
मो. ९७३०५७३७८३

व्हाटस्अप वरून सदरील वात्रटिका इमेज स्वरूपात मिळविण्यासाठी व्हाटस्अप नंबर :- 9730573783

लेखन काढले आहे. लेखन काढले आहे. लेखन काढले आहे. लेखन काढले आहे.

इमानदारी

बोगसबाजीच्या आधारानं
वाढत असतात गद्दार
कसा होईल सांगा इथे
इमानदारीचा उद्दार,...?

या गद्दारांच्या वागण्यातुन
नीयतीही तडकली आहे
अन् कित्तेकांची इमानदारी
बेइमानीतच अडकली आहे

विशाल मस्के
सौताडा, पाटोदा, बीड.
मो.९७३०५७३७८३

शिक्षण

शाळा आणि कॉलेजकडून
संधीचा फायदा साधला जातो
अतिरिक्त शुल्काचा बोजा
विद्यार्थ्यांच्यावर लादला जातो

विद्यार्थ्यांचे भांडवल करणे
उपद्रवी लक्षण होऊ लागले
शिक्षणात बाजार करता-करता
बाजारात शिक्षण जाऊ लागले

विशाल मस्के
सौताडा, पाटोदा, बीड.
मो.९७३०५७३७८३

विद्यार्थी

दिवसें-दिवस शिक्षणातही
अमुलाग्र बदल होऊ लागले
शिक्षणाकडे जात असताना
शिक्षण दारात येऊ लागले

ओझे पेलताना दप्तराचे
जोमा-जोमाने नटू लागले
अन् दप्तराच्या भव्यतेपुढे
विद्यार्थी खुजे वाटू लागले

विशाल मस्के
सौताडा, पाटोदा, बीड.
मो.९७३०५७३७८३

गोडी शिक्षणाची,...

आता शाळाबाह्य विद्यार्थ्यांचीही
शाळेत टोळी बसायला पाहिजे
मात्र शिक्षण घेण्यासाठी सुध्दा
मनी आवड असायला पाहिजे

आता शिक्षणाची महती इथे
घरा-घरात कळायला हवी
अन् शिक्षणाची गोडी सदैव
शिक्षणातुनच मिळायला हवी

विशाल मस्के
सौताडा, पाटोदा, बीड.
मो.९७३०५७३७८३

हे लक्षात असु द्या,...

कुणी सत्य म्हणत असतात
कुणी असत्य म्हणत असतात
आपली छाप टिकवण्यासाठी
दोन्ही वारे झुण-झुणत असतात

मात्र आरोप-प्रत्यारोप करताना
औकातीत औकात असाव्यात
अन् अवमानाच्या हद्दी सुध्दा
नैतिकतेच्याच आत असाव्यात

विशाल मस्के
सौताडा, पाटोदा, बीड.
मो.९७३०५७३७८३

कधी-कधी,...!

विचारपुर्वक बोलायच्या गोष्टी
विचारपुर्वक ना बोलल्या जातात
मात्र बोलुन झालेल्या गोष्टींवर
सुटकेच्या उचक्या ढाळल्या जातात

आपल्या बोलण्याच्या परिणामांचा
आपल्यावरतीच तर भार असतो
मात्र कधी आपल्या वक्तव्यावरून
आपलाच पलटवार असतो,...!

विशाल मस्के
सौताडा, पाटोदा, बीड.
मो.९७३०५७३७८३