दिवाळी अंक - २०२३

अभिनंदन गुरुदिनि !!

<< ऐसी अक्शरे. ह्यावेळी त्यान्ची सन्कल्पना "आफ्रिका खन्ड" आहे.
लेख माहितीपूर्ण आहेत.
https://aisiakshare.com/diwali23_tracker
त्यतील M-Pesa हा एक माझा लेख.
Submitted by छन्दिफन्दि>>
M-pesa लेख माहितीपूर्ण आहे. या विषयी कधी वाचनात/ऐकण्यात आलं नव्हतं

Submitted by छन्दिफन्दि>>
M-pesa लेख माहितीपूर्ण आहे.>>
वाचल्या बद्दल धन्यवाद!

हे हे दाढे बाई कसली डॉक्टर आहे?! मराठीच्या चुका

बोंद्रे बाई का ल्हितात. ते ही माधुरी बद्दल. खरे तर नेन्याने लिहायला हवे. घरी आज्जिबात काम करत नाही. स्वयंपाक येत नाही. टाइप काहीतरी डिटेल. पण तो पार्टी मध्ये फोटॉ देण्यात धन्य मानतो स्वतःच दे आर रेगुलर एन आर आय कपल.

हंस नवल प्र्रोफ रीडिन्ग एकदम भारी आहे.

ऐसी अक्षरेचा दिवाळी अंक खरंच छान आहे. टिंबक्टु चा लेख मस्त आहे. एक झायरे वर आहे तो ही छान आहे. नक्की वाचा.

रेको बद्दल धन्यवाद.

'लोकसेवक' या पेण येथून प्रकाशित होणाऱ्या दिवाळी अंकात माझे 'राजकारणा'वरील शब्दकोडे समाविष्ट झाले आहे.

बऱ्याच वर्षांपूर्वी 'माहेर' दिवाळी अंकात बहुतेक शोभा बोंद्रे यांनीच माधुरी दीक्षितवर लेख लिहिला होता. तेव्हा मुखपृष्ठावरही माधुरी होती. त्याच अंकात बहुतेक ऑप्रा विंफ्री शोबद्दल एक लेख होता. सहज आठवलं वरचे प्रतिसाद वाचून.
मृदुला दाढे-जोशी याचे लोकसत्तेतले दोन लेख वाचलेत हिंदी गाण्यांच्या रसग्रहणाचेच. (दिल ढूंढता है आणि रुके रुके से कदम) ते खूप आवडले होते.
त्या कसल्या डॉक्टर आहेत याचा इथे काय संबंध ते समजलं नाही!

'लव अंकुश' या डोंबिवली येथून प्रकाशित होणाऱ्या दिवाळी अंकात माझे 'चित्रपट' विषयक शब्दकोडे प्रसिद्ध झाले आहे

गुरुदिनि ,

नवीन कोणत्या अंकाबद्दल लिहिलंय म्हणून बघायला यावं तर सारखे आपले तुमचे शब्दकोड्यांच्या बद्दलचे प्रतिसाद.
एकूण किती अंकांमधे तुमची शब्दकोडी आली आहेत
एकदाच काय ती यादी लिहाल तर बरे होईल.
आणि त्याहीपेक्षा दिवाळी अंकांमधे कुठे काय वाचण्यासारखं वाटतंय, वाचल्यावर कसं वाटलं याबद्दलही लिहाल का ?
लिहाच !

हर्पेण प्लस वन. काल ऐसीचा अंक वाचायला सुरु केला तर हपिसातले इंटरनेत गेले. आता आज उरलेला वाचणार.

आफ्रिका खंड विषय त्यामुळे ऐसी वाचला नाही. थोडं तरी प्रदेश गमन असेल तर कळेल. इजिप्तबद्दल उत्सुकता होती पूर्वीपासून. यूट्यूबवरचे खूप विडिओ पाहिलेत. (हिस्ट्री चानेलचे.) तसं काही हवं.

'मौज' वाचायला घेतलाय.
महेश एलकुंचवारांचं पत्र भारी आहे, पण खूप मोठं आहे सगळं वाचून झालं नाही. टप्प्याटप्प्याने वाचायला हवं.
'रहना नहीं देस बिराना है' हा वंदना अत्रे यांचा लेख अतिशय आवडला. अठराव्या-एकोणिसाव्या शतकातल्या भारतीय गायिका हा लेखाचा विषय आहे. त्या काळात 'तवायफ' म्हणून ओळखल्या जाणाऱ्या या स्त्रिया. गायन आणि नृत्यकलेत निपुण असलेल्या. धनाढ्य जमीनदार, संस्थानिक यांच्या आश्रयाला राहून त्या आपली कला सादर करत.
१९०२ साली ग्रामोफोन अँड टाईपरायटर लिमिटेड कंपनीच्या रेकॉर्डिंग तज्ज्ञाने, फ्रेडरिक गायस्बर्गने अनेक तवायफ स्त्रियांच्या तीन तीन मिनिटांच्या रेकॉर्ड्स काढल्या आणि त्या प्रचंड प्रमाणात खपल्या. (पुरुष गायक रेकॉर्डिंगच्या यंत्राला बिचकले. )
समाजाचा या कलावतींकडे बघण्याचा दृष्टिकोन दुटप्पी होता असं म्हणणंही understatement ठरावं. तवायफ, देवदासी अशा नावांनी ओळखल्या जाणाऱ्या या स्त्रियांचा वर्ग मुळात निर्माण झाला तो पुरुषांच्या मनोरंजनासाठी. नंतर त्यांच्याकडेच तुच्छतेने बघितलं जाऊ लागलं. स्वातंत्र्यलढ्यात भाग घेण्याची इच्छा त्यांनी जेव्हा व्यक्त केली तेव्हा त्यांच्याकडे सोयीस्कर दुर्लक्ष केलं गेलं, मात्र त्यांनी जमवलेले पैसे स्वीकारले गेले!
या गायिकांपैकी मलका जान आणि गौहर जान ही दोन नावं तेवढी ओळखीची होती.
'तुंबाडचे खोत' या कादंबरीत नरसू खोत मुंबईहून ग्रामोफोन आणि रेकॉर्ड्स आणतो. त्यात 'मलका जान' ची रेकॉर्ड असते. रेकॉर्ड संपताना 'मेरा नाम मलका जान' असं वाक्य असतं. ते वाक्य आणि एकूणच रेकॉर्ड हा प्रकार त्या परिसरात इतका प्रसिद्ध होतो की त्या 'मलका जान' शब्दाला वेगळाच अर्थ चिकटतो. 'अमुक अमुक झालं नाही तर नाव बदलीन' अशा अर्थाने लोक म्हणू लागतात, ' अमुक अमुक झालं नाही तर मलकाजान'
ती मलका जान, तिचं चित्र आणि रेकॉर्डच्या शेवटी 'माय नेम इज....' असं सांगण्याची पद्धत या लेखात सापडली!

सर्वांची दिवाळी अंक माहिती आणि फोटो मस्त आहेत.यावर्षी, मागच्या वर्षी एकही आणला नाही.वाचन खूप आवडतं, पण 'कशाला घरी अजून पसारा' असं होतं.लायब्ररीत जाणे येणे पेशन्स उरला नाही.

अमा,वैताग कळला आणि पोहचला पण.तरी तुम्ही या वैतागावर हिलेरियस लिहिलंय.आता उतारा म्हणून सुपरस्टोर किंवा धमाल किंवा वेलकम किंवा फ्रेंड्स किंवा बिग बँग थियरी बघा.दिवाळी अंकात कथा हलक्या फुलक्या किंवा माहितीपूर्ण सुद्धा चालतील.इतकं डिप्रेशन माहेर मध्ये एरवी बायकांना रडवून डोळे साफ करायला ठिके पण दिवाळी अंकात नक्कीच नको.(यावरून आठवलं: बेस्ट आवडलेला एक लहानपणी बाबांनी आणलेला चित्रलेखा दिवाळी अंक.त्यात रुद्राक्ष प्रकारांची सर्व माहिती, परफ्युमस बनवायच्या प्रोसेस ची आणि काही प्रसिद्ध ब्रँड्स ची माहिती, कथा होत्या.तुम्हाला खूप आवडला असता लेख.अजूनही कुठे जुन्या अर्काइव्ह मध्ये मिळाला तर हवाय. शिवाय संसारी साधू नावाची एक तद्दन बॉलिवूड कथा होती, कोणीतरी मरतो, मग चितेवरून उठतो, साधू बनून येतो वगैरे(दिवाना मध्ये ऋषी कपूर ला नॉर्मल दाढीवाला ऐवजी साधू दाढीवाला केलं तर बनेल तशी होती कथा.) चित्रलेखा वॉज अ जेम.

ऐसी अक्षरे मधील सई केस कर हयांचा साखरेचे उत्पादन व स्लेवरी वरील लेख पन सुरेख व माहिती पूर्ण आहे.

ओके हर्पेन ,
सर्व दिवाळी अंक वाचल्यावर नक्कीच लिहिणार,
बऱ्याच अंकांना लेख व कोडी पाठवली होती, आत्ता हळूहळू अंक येत आहेत

गुरुदिनी इथेच सर्व लिस्ट टाका व अपडेट करत रहा. दर वेळी नवा धागा काढायची गरज नाही. इथे तुम्हाला जास्त टीआर पी मिळेल.

मी किती वेळ विचार करतेय नुसती एक यादी टाकायला गुरूदिनाचा मुहूर्त का शोधायचा
मग वर पाहिलं तर आयडी चं नावच गुरुदिनी आहे.

माधुरी पुरंदरे - धाकट्या मामाच्या गोष्टी

वाचून संपवलं. खूप दिवसांनी इतकं छान आणि निर्मळ वाचायला मिळालं.
त्याचा वाचनाचा प्रवास, त्याचे सर, त्या काळातली घरच्यांची मानसिकता सगळच खूप छान लिहिलंय

https://aisiakshare.com/node/8857

माधुरी पुरंदरे - धाकट्या मामाच्या गोष्टी

वाचून संपवलं. खूप दिवसांनी इतकं छान आणि निर्मळ वाचायला मिळालं.
त्याचा वाचनाचा प्रवास, त्याचे सर, त्या काळातली घरच्यांची मानसिकता सगळच खूप छान लिहिलंय

https://aisiakshare.com/node/8857

मार्गदर्शनासाठी धन्यवाद - अश्विनीमामी

पुरंदरे मस्तच लिहितात,मिळवून वाचते.

माधुरी पुरंदरे एकदम सुरेख, हृदयस्पर्शी. थँक्स छंदीफंदी.

माधुरी पुरंदरे एकदम सुरेख, हृदयस्पर्शी. थँक्स छंदीफंदी.

नवीन Submitted by अन्जू on 16 December, 2023 - 17:>>> welcome

वावे आणि भरत , छान लिहिले आहे.
मी दिवाळी अंक वाचणं सोडून दिलं आहे पण तुम्ही सगळेच जे लिहिताय ते वाचायला छान वाटतं आहे.

धन्यवाद अस्मिता.

सकाळ साप्ताहिक दिवाळी अंक अतिशय आवडला. जवळजवळ सगळे लेख/कथा/मुलाखती वाचून झाल्या!
वहिदा रेहमान, पंकज त्रिपाठी यांच्या मुलाखती आहेत. दोन्ही आवडल्या. ख्रिस्तोफर नोलानवरचा सुहास किर्लोस्कर यांचा 'प्रेक्षकांना हुशार समजणारा दिग्दर्शक' हा लेखही आवडला. (मी त्याचा फक्त 'इंटरस्टेलार' बघितला आहे आणि तो खूप आवडतो. बाकीचे नक्की बघायला हवेत असं हा लेख वाचून वाटलं.)
ऑलिव्ह रिडले कासवांचं गेल्या काही वर्षांत झालेलं जतन आणि संवर्धन याबद्दल आरती कुलकर्णींचा लेखही छान आहे.
याबद्दल गेली काही वर्षे खूप ठिकाणी वाचलं, ऐकलं आहे. पण नवीन नवीन माहिती वाचायला आवडतेच.
बाळ फोंडके यांचा विवाहबाह्य संबंधांबद्दल सर्वांगीण ऊहापोह करणारा लेखही आवडला.
'किन्नरचा आशीर्वाद' ही लक्ष्मीकांत देशमुख यांची कथा हृदयस्पर्शी आहे. लेखकाने विषयाचा खूप जवळून अभ्यास केला असावा अस़ं जाणवलं.
गौतम पंगूंची 'व्हाईब्ज' ही कथा आवडली. त्यांच्या कथा छानच असतात.
इतर कथाही चांगल्या आहेत.
मृणालिनी चितळे यांचा मंगला नारळीकरांवरचा लेख चांगला आहे. तसं बरंचसं माहिती असलेलंच होतं, तरी आवडला. त्या नारळीकरांच्या जवळच्या नातेवाईक असल्याने घरगुती आत्मीयतेने लिहिला आहे.
गोव्यातल्या हवेल्यांवरचा लेख अजून वाचायचा राहिला आहे, तो इंटरेस्टिंग वाटत आहे.

'शिवतेज' या पुणे येथून प्रकाशित होणाऱ्या दिवाळी अंकात, अष्टपैलू क्रिकेटपटू 'दत्तू फडकर' यांच्यावरील 'दमदार फर्जंद' हा माझा लेख प्रसिद्ध झाला आहे.