पु.ल.देशपांडे अकादमीमध्ये असलेलं "उत्सव" चायनीज फूडसाठी मस्त आहे. तिथे लस्सी, डोसा, उत्तपम वगैरे पण मस्त मिळतात. फक्त हे रेस्टॉरंट प्युअर व्हेज आहे. एकदा जाऊन नक्कि पहा. विकेन्ड्ला जाम गर्दी असते मात्र.

फिनिक्समधे नूडल बार मधला चायनीज बफे ट्राय केला मागच्या विकेन्डला. अपेटायझर्स मस्तच होते, मेन कोर्समधल्या चिकनच्या डिशेस चांगल्या होत्या पण फिशची डिश चांगली नव्हती. हनी नूडल्स व्हॅनिला आईसक्रीम सोबत आणि चॉकेलेट मूज मस्तच्.....विकडेजला ३१५ आणि विकेन्ड्ला ३५०...पैसा वसूल

स्वप्ना, ह्या पूरेपूर कोल्हापूरची ब्रँच विलेपार्ले पूर्वेला पण आहे. छान आहे चव. मस्त ठेचा, भाकरी, सोलकढी, चिकन, मटणाचा पांढरा रस्सा वगैरे मेनूमध्ये आहे.

अरे व्वा छान मेजवानी सुरू आहे...
सेनाभवन मागिल सिंधुदुर्गमधे चुकनही जाऊ नका...

सिंधुदुर्गमधे चुकनही जाऊ नका>> अगदी... वैताग आला होता.गोमांतक वगैरे सोडुन तिकडे गेलो होतो.

पुरेपुर कोल्हापुर मधून घरी जेवण मागवलं होतं. किमतीच्या मानाने Quantity आणि Quality दोन्हीच्या बाबतीत वाईट निराशा झाली. चिकन मसाला २ फुल मागवले होते तरी ४ लोकांना कमी पडलं. इतर हॉटेलात २ जणांना म्हणून येतं ते जेवण आमच्या घरी ३ लोकांना पुरतं. चिकनला अजिबात चव नव्हती आणि तिखटाचा पूर्ण डबा ओतला होता. आमच्या घरी तिखट खातात पण ह्या चिकनला अजिबात स्वाद नव्हता.

तीच गोष्ट पुलावची. २ प्लेट मागवला. आम्ही खरं तर खूप कमी भात खातो - इतर हॉटेलात मागवलेला एक प्लेट राईस आम्हा ४ लोकांना पुरतो. पण इथे Quantity खूप कमी होती. आणि वाईट बेचव.

कदाचित थाळी खाणार्‍यांना वेगळा अनुभव येईल. पण हेच पदार्थ थाळीच्या मेनूवरही आहेत. आम्ही तरी पुन्हा खाणार नाही ह्यापेक्षा सायबिणी गोमांतक १०० पट छान आहे.

सिंधुदुर्ग - टाळलेले बरे. ओव्हरहाईप्ड. अवाच्यासवा किंमत आणि चव एकदम सो सो.
फ्रेश कॅच - अतिउत्कृष्ट. तिथले बिबिन्का खायला मिळाले तर सोडू नका. केवळ स्वर्गीय.
काकोरी बिर्याणी हाऊस - कोणी फुकट खायला घातले तरी जाऊ नका. टाईम्स ऑफ इंडियात वाचले म्हणून तातडीने जाऊन भरपूर ऑर्डर देऊन जेवण घरी आणले आणि कोणीही संपवू शकले नाही. अजिबात चव नाही.
सायबिणी गोमांतक - काही ठराविक प्रकार छान. व्हॅल्यू फॉर मनी. खिमा, तिसर्‍या सुकं वगैरे छान.
जय हिंद (लो. परेल) - हे परळ बस डेपोच्या जयहिंद पेक्षा स्वच्छ आणि चांगले आहे. प्रॉन्स अदजानिया मस्तच. खूपच छोटं आहे पण हे.
नुडल्स बार - बुफे स्प्रेड खरचं चांगला असतो. स्वप्ना_राज म्हणालीये तसं खरच पैसे वसूल.
चायना व्हॅली - यांची व्हेज रेड थाय करी केवळ मारडाला.
पुरेपूर कोल्हापूर - इथे जाऊन पुरेपूर पस्तवाल.

महेश लंच होम ची शाखा या भागात केव्हा निघेल याची वाट बघतेय. त्याच बरोबर भारत एक्सलन्सी वाल्याने जरा मनावर घेऊन इथेपण दुकान खोलले ना, तर मग काय मज्जाच मज्जा!

पुरेपूर कोल्हापूर - इथे जाऊन पुरेपूर पस्तवाल. >>>

परळला आचार्य दोंदे मार्गावार वाडिया हॉस्पिटलच्या समोर 'रुची' पालट करायला हरकत नाही... तसेच राजा सातवे एडवर्ड स्मारक (KEM) समोरील 'आदिती', 'ग्रिष्मा' आणि शेजारीच नविन 'वेज ऑलवेज'

इंद्रधनुष्य, मला व्हेज ऑलवेज नाही आवडलं. खूपच तेलकट वाटतात त्यांचे पदार्थ.

पूर्वी, वरळी नाक्याला 'विवा पश्चिम' होते ते बंद झाले. पहिले खूपच छान जेवण मिळायचे. नंतर नंतर अतिशयच बेकार जेवण असायचे. भानुशालींनी दर्जा सुधारण्याऐवजी बंदच केले.

Under the banyan tree - हे एक छानसे आणि छोटेसे रेस्टॉरन्ट समर पार्क च्या गल्लीत होते. (जरा किमती जास्त असल्यामुळे असेल) ते बंद झाले. इथल्या continental preperations मस्त असायच्या. माझ्या मुलीला तर इथले waffles खूपच आवडायचे.

जय हिन्द आता दादर ला पण चालू झाले आहे

सगळेजण आस्वाद, सुजाता, प्रकाश विसररलात वाटत.

आस्वादचे मराठी पदार्थ केवळ अप्रतिम!

इडली पॅलेस ला मी फार्फार पूर्वी गेले होते. काही विशेष वाटले नाहीच पण अस्वच्छता खूपच वाटली. शिवाय जवळच मद्रास कॅफे, म्हैसूर कॅफे असे दिग्गज असताना पुन्हा इपॅत जाण्याचे झाले नाही. काही मिसलं पण नाही.

भारत बोर्डींग म्हणजे आत्ताचे फिशलँड ना रे? तीथले साउथ ईंडीयन स्टाईल प्रॉन्स चीली फ्राय माझे आवडते

सी फूड साठी मी 'होटेल फाउनटन' सुचविन फ्लोरा फाउनटन/ हुतातमा चोक जवळ. अर्थात ते प्रभादेवी हुन थोडे लाब झाले.

धन्स.