मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by दत्तात्रय साळुंके on 16 September, 2017 - 07:30
राखण
हिरवच लुगडं तिनं, चापुनचोपुन नेसलं
तंग हिरवीच चोळी, मना हिदोंळं बसलं
असं गोंधनं बाई, ताटी ज्वारीच्या गोंधलं
पळ्हाटीच्या पोटी, दिसा चांदण दाटलं
नवी नवरी हळद, अंग पिवळं अजून
तालेवाराची लेक, जाई मळा थिजून
असं रुपडं साजिरं, वारा झोंबाझोंबी करी
रानपाखराची उगा, मळयावर भिरभिरी
दांडातलं उनाड पाणी, रोजचचं सोकावलं
रुप मादक पहाया, झुकू , झुकू डोकावलं
सोनसळसळ अशी, बेहोषी पानोपानी
नार नवतीची उभार, कशी करावी राखणी
दत्तात्रय साळुंके
शब्दार्थ : -
गोंधनं = गोंदणे ( टॅटू )
गोंधलं = गोंदूण घेतले
नार = स्री
नवती = नव युवती
चापुनचोपुन = व्यवस्थित अंग झाकेल असे घट्ट
पळ्हाट = कपाशी
ताट = बुंध्यापासून कणसा पर्यंतचा भाग
दांड = शेताला पाणी घालणारा पाट
सोनसळसळ = पानांची सोनेरी उन्हातली सळसळ , सोन्यासारख्या पानांची सळसळ .
विषय:
शब्दखुणा:
Groups audience:
Group content visibility:
Use group defaults
शेअर करा
व्वा काका! सुंदर अप्रतिम...
व्वा काका! सुंदर अप्रतिम...
राहुलजी खूप , खूप धन्यवाद
राहुलजी खूप , खूप धन्यवाद उत्तम प्रतिसादासाठी, या पुढे शशांकजीचे अनुकरण करेल . काही शब्दार्थ येथे देत आहे . गोधनं हा शब्द ग्रामीण भागात गोंदणे ( टॅटू सारखे ) या अर्थी वापरतात. गोंधलं हे गोंदूण घेतले या अर्थी वापरतात . पळ्हाट = कपाशी .
धन्यवाद
धन्यवाद
सुंदर..अप्रतिम!
सुंदर..अप्रतिम!
वाह, अस्सल वर्हाडी वाणाची,
वाह, अस्सल वर्हाडी वाणाची, खणखणीत कविता.....
दत्तात्रयजी, अजून येऊदेत...
____/\___
शशांकजी , अक्षयजी उस्ताहवर्धक
शशांकजी , अक्षयजी उत्साहवर्धक प्रतिसादासाठी धन्यवाद!