मोबाईल

घेतो घेतो करता करता घेतला मी मोबाईल
वाटलं बाकी गड्यांन सारखी मारु थोडी स्टाईल
कंपनी होती चांगली आणि हॅन्डसेट होता झकास
चेहर्या वरती आनंद पण खिसा मात्र भकास
रिंगटोन म्हणूण सेट केलं देवाचं मी गाणं
हल्लि रोज होत नाही मंदिरात आपलं जाणं
थोडं घाबरत हळुच डायल केला पहिला नंबर
पलिकडुन आवाज आला बोलतो गणेश प्लंबर
सॉरी रॉग नंबर म्हणून फोन केला कट
खुणवत होते सर्व हा किती बावळट
हळू हळू मोबाईल काय चीज आहे कळलं
खिश्या मधून कागद पेन त्यानी मात्र गाळलं