एक तरी मैत्रीण असावी

Submitted by ShantanuG on 7 January, 2009 - 05:50
  • एक तरी मैत्रीण असावी
  • बाईकवर मागे बसावी
  • जुनी हीरो होंडा सुद्धा मग
  • करिझ्माहून झकास दिसावी !
  • एक तरी मैत्रीण असावी
  • चारचौघीत उठून दिसावी
  • बोलली नाही तरी निदान
  • समोर बघून गोड हसावी !
  • एक तरी मैत्रीण असावी
  • कधीतरी सोबत फिरावी
  • दोघांना एकत्र पाहून
  • गल्लीतल्या सगळ्या पोरांची जिरावी !
  • एक तरी मैत्रीण असावी
  • जिच्याशी निर्मळ संवाद असावा
  • कधीतरी छोट्या भांडणाचा
  • एखादाच अपवाद असावा..
  • एक तरी मैत्रीण असावी
  • आयुष्याच्या अनोळखी वळणावर
  • तुमच्या व्यथा वेदनांवर
  • तिने घालावी हळूच फुंकर..
  • एक तरी मैत्रीण असावी
  • जिच्या मैत्रीत विश्वास रुजावा
  • तुमचासुद्धा खांदा कधी
  • तिच्या दुःखाने भिजावा..
  • एक तरी मैत्रीण असावी
  • चांदणीसारखी मैत्रीच्या आकाशात
  • मित्रांचे दिवे मावळले म्हणजे
  • चालावं पुढे तिच्याच प्रकाशात..
गुलमोहर: 
काहीच्या काही कविता
शेअर करा

"Forwarded" असं कंसात तरी लिहा की राव... Happy

Submitted by योगी on 7 January, 2009 - 06:11

व्वा!!
छान आहे कविता. कोणाची आहे? Happy

Submitted by किरू on 7 January, 2009 - 06:14

चालावं पुढे तिच्याच प्रकाशात..
छान.
एक तरी मैत्रीण असावी
मैत्रीच्या धर्माला जागावी...

Submitted by अलका_काटदरे on 7 January, 2009 - 11:12