आठवांची पखाल आहे मी

नाक मुरडून ही सुखे गेली
काय इतका बकाल आहे मी

होत नाही अश्या परिक्षेचा
लागलेला निकाल आहे मी

उंबर्‍यावर तुला रडू आले
वेदनांचा महाल आहे मी

जन्म कोड्यात टाकुनी म्हणतो
एक साधा सवाल आहे मी

हे सगळेच्या सगळे शेर अप्रतिम !

खुप आवडले.

धन्यवाद !

एकदा वेळ काढुनी भेटू
काय सांगू... धमाल आहे मी

होत नाही अश्या परिक्षेचा
लागलेला निकाल आहे मी >>> व्वा व्वा !!
आवडलीच गझल !:)

गर्भश्रीमंत 'बेफिकीर' असो
पण गरीबास ढाल आहे मी>>> हे खुप्प आवडलं..

खूपच छान जमलीय गजल.

सगळेच शेर भिडले मनाला.

गझल आवडली.

एकदा वेळ काढुनी भेटू
काय सांगू... धमाल आहे मी

उंबर्‍यावर तुला रडू आले
वेदनांचा महाल आहे मी

हे शेर फारच आवडले, वेदनांचा महाल - सिग्नेचर शेर!

सगळे शेर छानच काही भन्नाट आहेत
गझल आवडली
धन्यवाद

बेफिकीर,

आवडली! पण काय बोलावं ते सुचत नाही. शेवटी एव्हढंच म्हणेन :

वरी दिसे आरस्पानी परंतु
अंतरीची उलघाल आहे मी

आ.न.,
-गा.पै.

कुठला कोट करणार ?? सगळेच शेर आवडले ..अप्रतिम !

सुंदर....आवडली

khuup Chaan!

मला सगळेच्या सगळे शेर आवदले

सॉरी पण पखाल म्हणजे काय? तो कळाला नाही (तरी जो अर्थ लागला त्यावरून आवडला)

सुंदर, आवडली. 'धमाल' भन्नाट.

उंबर्‍यावर तुला रडू आले
वेदनांचा महाल आहे मी

भले शाब्बास!

'कच्ची दिवार हूँ ठोकर ना लगाना मुझको'

रिया., पखाल म्हणचे पाणी वाहून न्यायची चामड्याची मोठी पिशवी. गाढव, खेचर इत्यादिंच्या पाठीवर डाव्याउजव्या बाजूने एकेक अशा दोन पखाली वाहून नेण्याची पद्धत पूर्वीच्या काळी असे.
आ.न.,
-गा.पै.

चोरुनी भेटते मला अजुनी
आणि म्हणते खुशाल आहे मी >>>>>> वा!! 'ति' ची आठवण झाली....

नाना.:स्मित:

खूप आवडली.:स्मित:

देत भोज्या गहाळतो मृत्यू
जीवनाची कमाल आहे मी

हासिल-ए-गझल...

गझल आवडलीच.

भोज्या बद्दल फेस्बुक्वर बोललोच आहे की कम्प्लीटली समजला नही म्हणून ......पण आता जरा अधिक क्लीअर होत आहे बहुधा मला समजला आहे
हा शेर खरेच हासिले गजल
तुम्ही स्वतः अक्षरशः जगून पाहिलेला.... साक्षात्काराचा शेर आहे हा ...काय जिगर्बाज शेर आहे वाह !!!!!!!
हटके

सा. न. स्वीकारा !!

_______/\________

गा.पै.शी सहमत..अंतरीची उलघाल आहे गझलेत. शब्द सगळेच अगदी चपखल..

अच्छा!
धन्स!

सगळेच शेर छानेत

पण

उंबर्‍यावर तुला रडू आले
वेदनांचा महाल आहे मी

हा विषेश आवडला.

वा!

मस्त गझल! धमाल, बकाल आणि महाल शेर फार आवडले!!

जर कुठे पाहिलेत तर कळवा
की कुठे आजकाल आहे मी

बघ जरा पांघरून हृदयावर
एक उबदार शाल आहे मी

या कुणीही... हवी तिथे मिरवा
एक विझली मशाल आहे मी

>> हे तिन्ही खूप आवडले.

खासकरून 'आजकाल'. व्वाह्ह !!

छान आहे. आवडली.

एकदा वेळ काढुनी भेटू
काय सांगू... धमाल आहे मी

जर कुठे पाहिलेत तर कळवा
की कुठे आजकाल आहे मी

................ खल्लास..

कमाल!!!!

__/\__

एकदा वेळ काढुनी भेटू
काय सांगू... धमाल आहे मी

व्वा व्वा.

जर कुठे पाहिलेत तर कळवा
की कुठे आजकाल आहे मी

हम वहां है जहां से चे स्मरण झाले.
धन्यवाद.

चोरुनी भेटते मला अजुनी
आणि म्हणते खुशाल आहे मी >>>>>.
क्या बात है ! सुरेख गझल !!