तरी गीत गावे

Submitted by राजीव मासरूळकर on 20 August, 2012 - 12:35

@तरी गीत गावे@

रुसावे फुगावे
तरी गीत गावे

नभी मेघ येती
लपेटून कावे

फुलालाच नाही
सुगंधी सुगावे

जगा हासवाया
उरा अंथरावे

दहा मैल चारा
सहा हात दावे

खरा न्याय द्याया
पुरावे पुरावे

इथे श्वान झाले
सराईत छावे

सुखे वंचितांचे
स्वतः देव व्हावे

- राजीव मासरूळकर
मासरूळ ता जि बुलडाणा

Group content visibility: 
Public - accessible to all site users

दहा मैल चारा
सहा हात दावे>>>>>बेस्ट शेर

इतरही छानच

स्वागत............अभिनन्दन............... पुलेशु !!

-वैवकु

छान.