'अग्नी-५'च्या निमित्ताने

अरे व्वा..........मी सुध्दा लिहिणार होतो पण वेळच नाही मिळाला ..

जाहिरात झाली नाही ना !! हे कारण होते.
आजकाल लोकांनी काय आवडून घ्यायचे, कशाचा गौरव करायचा, कशाचे कौतुक करायचे, हे प्रसार माध्यमे ठरवतात.
मला ही बातमी महत्वाची वाटली, पण ती विस्ताराने कुठल्याही वर्तमानपत्रात वाचायला मिळाली नाही.

'अग्नी-५'चं यश पाहून किती लोकांनी आनंदोत्सव साजरा केला?
>>> मी नक्की साजरा केला.. कॉलेजमध्ये असताना शेवटच्या वर्षी अग्नी-२ चे मॉडेल बनवले होते. मस्त आठ्वणी आणि अनुभव आहेत ते..

या अस्त्राचा उपयोग(वापर) भारतासारखा देश कधी करेल का? देशावर एकादा हल्ला झाल्यावर, हल्लाकर्त्या देशावर हल्ला करायला ताकीद, निषेध, निंदा यासारखी अस्त्रे या देशाच्या मंत्र्यां-संत्र्याकडे असताना या ५०००+(आंतरखंडीय) क्षेपणास्त्राची गरजच काय भारताला. शिवाय स्वातंत्र्यप्राप्ती नंतर स्वतंत्र भारताला सैन्याची गरजच काय असे विचारणार्‍या एक महान महात्माजीच्या अंहीसावादी देशाने इतके संहारक अस्त्र बाळगणे हा त्या अहींसावादाचा अपमानच नाही का? आणी यांची अंतर्गत सुरक्षाव्यवस्थाच इतकी ढिसाळ आहे की बाहेरून कुणाला लढाई करण्याची गरजच नाहिये. इथं खुद्दं आपल्याच संरक्षण खात्याचे दारूगोळा भरलेली ट्रक नाहिशी होतायेत, बंदुकी, बॉम्बही होत असतीलच. (परवाच खुद्द कृपाशंकरच्या घरात बेकादेशीर जिवंत ११० काडतुसं सापडली म्हणे!). एखादा कट्टर नक्षलवादी सोडाच, या व्यवस्थेला कंटाळून असंतोषानी खदखदलेला तरूण आज केंद्रिय मंत्र्याला झापड मारतोय उद्या संसदेवरच बाँबही फेकेल!

हा पैसा पायाभुत सुविधा उभारण्यासाठी वापरता आला नसता का?

साध्या कॉमनवेल्थ गेम्सचा घोटाळा शेकडो कोटी झाला. इथं तर मग गोपनियतेच्या पडद्याआडून हजारो कोटींचा घोटाळा होत असेल, आणि कधी उजेडातही येणार नाही.

अग्नी-५ ची चाचाणी यशस्वी झाली... चांगली घटना आहे त्याचा आनंद साजरा करतांना लष्करा बाबत येणार्‍या बातम्यांबद्दल चिंता व्यक्त करायची ?

याच काळात सैन्य/ पायदळा कडे दारुगोळा नाही, सामग्री अत्यंत जुनकट आहे, अशा अनेक बातम्या बाहेर आलेल्या आहेत. अनेक हजारो कोटींचे कंत्राटांचेह भिजत घोंगडे पडलेले आहे. मिळालेल्या पैशांचे % तर नौदलापेक्षा कमी आहे. नक्की आकडे महत्वाचे नाहीत. सर्वांत चिंतेची बाब म्हणजे जानेवारी मधे सैन्याची एक तुकडी दिल्ली कडे पुर्व सुचना न देता निघाली आहे अशी बातमी पसरवणे. नंतर सरकारनेच म्हणायचे असे काही नव्हते, त्यांचा नित्याचाच सराव चाललेला होता. येथे मला जाणते नोकरशाही लष्कराची थट्टा करते आहे असे जाणवते.... तुमचे वैर एका व्यक्तीशी (सैन्य प्रमुखाशी) आहे पण तुम्ही एका संस्थेला जेरिस नाही धरु शकत...

संरक्षण मंत्री अँटोनी, संसदेत देशाची दिशाभुल करणारी धादांत खोटी उत्तरे देतो. १५ महिन्यांपुर्वी, लष्करप्रमुखांनी १४ कोटीच्या भ्रष्टाचाराची माहिती दिली होती.... पण हे मंत्री झोपले होते काय? त्यांचे संसदेत उत्तर होते, मी प्रमुखांना चौकशीचे आदेश दिले होते, त्यांनी चौकशी करण्यास नकार दिला. अरे मग ते संरक्षण मंत्री आहेस, तु त्याच वेळी त्यांच्यावर कारवाई का नाही केली ? आज एप्रिल २०१२ मधे पाळे मुळे खणुन काढायचे आश्वासन देत आहेस ?

हजारो कोटींच्या व्यावहारांत काही % मिळाले, नाही मिळाले तर कुर बुर सुरु आहे का ? हे व अशे अनेक प्रश्न मला अनुत्तरित करतात.

श्रीकांतकाका

विषय पोहोचला इतकंच म्हणतो.
मात्र वाचत असतानाच सत्ते पे सत्ता सिनेमात अमिताभचे भाऊ बार मधे जाऊन दूध मागतात त्याची आठवण झाली....