'गेले तप, आले तप
आले गेले टपटपाटप'
"हे काय ?"
" हितगुज दिवाळी अंकाच्या 'गेले तप, आले तप' या मध्यवर्ती संकल्पनेवर केलेली कविता."

"अस्सं होय ! अहो, पण ती कविता यमकवालीच पाहिजे असे नाही. "

अन् कविताच पाहिजे असे मुळीच नाही... या संकल्पनेवर लिहिलेल्या कविता, ललित, लेख, कथा अशा सर्वांचे स्वागत आहे ! खरे तर, कुठल्याही विषयावर लिहिलेल्या सर्व प्रकारच्या साहित्याचे हार्दिक स्वागत आहे. मग लिहून पाठवताय ना दिवाळी अंकाला ?

रविवार काही फार दूर नाही, सप्ताहांत सत्कारणी लावा !

मराठीत दिवाळी अंक प्रकाशित व्हायला लागले त्याला यंदा १०० वर्षं पूर्ण झाली. मायबोलीचा दिवाळी अंक हा आंतरजालावरचा पहिलाच म्हणून या प्रवासातला एक मानाचा मानकरी!

गेली ८ वर्षं सातत्याने मायबोलीने दर्जेदार दिवाळी अंकांची भेट वाचकांना दिलेली आहे. यंदाचा अंक त्याला अपवाद कसा असेल?

उत्सुकता वाटते आहे ना या वेळी काय वाचायला मिळेल त्याची?

*************************************************************

जगप्रसिध्द अशी पाच शहरं. प्रत्येकाला खास आपला असा चेहरा-मोहरा. प्रत्येकाची आपापली खासियत...
आधी वडिलांची नोकरी, नंतर माझी नोकरी आणि मुळातच असलेली भटकायची आवड यामुळे आत्तापर्यंत जगप्रसिध्द अशा अनेक शहरांना भेट देण्याचा योग आला. ही कहाणी आहे मनात घर करून गेलेल्या ५ शहरांची.

अ टेल ऑफ फाईव्ह सिटीज... सांगतायत पराग सहस्त्रबुद्धे (adm)

******************************************

हे नखरे नाहीत किंवा अतिस्वच्छता नाही. पंचतारांकित सोयींची अपेक्षाही नाही. किमान सुविधांची गरज आहे.
पूर्वीच्या बायका कसं करायच्या हा युक्तिवादही उपयोगाचा नाहीये. कारण, पूर्वीच्या बायका पण प्रवास करायच्या आणि हे सगळं सहन करायच्या. पण एकतर त्यांनी लाजेकाजेपोटी हे सहन केलं असेल आणि कदाचित आम्ही आज जितक्या फिरतो तितक्या त्या सगळ्या फिरत नसणार त्यामुळे ह्या समस्या तेव्हा काहीजणींच्याच असणार.

एका महत्त्वाच्या, पण दुर्दैवाने दुर्लक्षित विषयाला वाचा फोडली आहे अज्जुका यांनी

*********************************************

कधी ही डायरी- सखी-सोबती, जन्माची एकच साथीदार मिळाल्यासारखी. नवसाची. तर कधी जन्माची वैरी. अगदी हाडवैरी. अशी की पुन्हा तिच्याकडे फिरून पहावं वाटू नये. कधी दर दिवसाला उतावीळ होणारी अभिसारिका, तर कधी महिने-वर्षे वाट बघणारी समजूतदार, जोडीदार..

हे सगळं म्हणजे डायरी असेल का? की यातलं नक्की काय असेल?

- 'आज दिनांक' - डोकावू या साजिरा यांच्या रोजनिशीत.

********************************************************************

याशिवाय वैभव जोशी, प्रसाद शिरगांवकर, सत्यजीत, सामुराई यांच्या कविता, गज़ल, वात्रटिका, बालकविता..

फारेंड यांचं क्रिकेटप्रेम, संदीप चित्रेंचं अमिताभ-वेड, ट्यूलिपला खुणावणारा गुलज़ार यांचा चंद्र..

***************************************************************

हे आणि असं बरंच उत्तमोत्तम साहित्य वाचायला मिळण्याचं एकच ठिकाण..... मायबोली दिवाळी अंक २००८!!!