पेट्रा : "one of the 40 places you have to see before you die"....!!!

*************************************************
*************************************************

"पेट्रा" हे नाव मी आखातात ( मिडल ईस्ट) यायच्यापुर्वी फक्त "इंडीयाना जोन्स" सारख्या सिनेमातून पाहीलं-ऐकलं होतं. जॉर्डन , लगतचा अफ्रिका अन या सगळ्याचा पश्चिमेबरोबरच्या नातेसंबधाबद्दलचा इतिहास हा माझ्या खुप माहीतीचा विषय नव्हताही अपवाद फक्त "लॉरेंन्स ऑफ अरेबिया"या महान चित्रपटाचा ( यातला ओमर शेरीफचा रोल सगळ्यात प्रथम दिलीपकुमारला ऑफर झाला होता..नंतर ओमर शेरीफन त्याच सिनं केल...)- यातनं बरीच जुजबी माहीती डोक्यात गेलेली. नंतर वाचनात जे आलं ते पेट्राबद्दलची उत्सुकता वाढवणारच होतं. बीबीसीने तर "म्रुत्यु येण्यापुर्वी ज्या ४० जागा माणसानं पाह्यला हव्यात"-Petra was chosen by the BBC as one of "the 40 places you have to see before you die") - त्यात पेट्राला समाविष्ठ केलय. युनेस्कोने तर पेट्राला "one of the most precious cultural properties of man's cultural heritage" असा खिताब बहालही करुन टाकलाय !

योगायोगानं दुबईत आल्याबरोबर सगळ्यात पहील्यांदा जायला मिळालं ते पेट्रालाच.जॉर्डनला काही कामानिमीत्तानं जाणं झाल अन तेही अगदी "डेड सी"लाच! या डेड सी वरनं तीन तासाच्या अंतरावर पेट्रा लपलय ! जॉर्डनची राजधानी अम्मानहुन "डेड सी" साधारण दिड्-दोन तासाच्या अंतरावर. आम्ही दुबईहुन अम्मन - जॉर्डनला उतरलो अन अम्मान विमानतळावरुन सरळ डेड सी ला प्रयाण केलं. डेड सी - "मृत समुद्र"हे तसं एरव्ही अगदी रुक्ष वाटाव अस ठिकाण. पण येशूच्या रेफरंसमुळे ख्रिस्ती बांधवांकरतां अस्तिशय महत्वाच ठरलेल हे ठिकाण आहे. आम्ही उतरलो होतो ते हे तिथलं अतिशय सुंदर "मुव्ह अन पिक" हॉटेल.

मला इथलं बरच काही आवडलय्...जेवण, अरेबीक पद्धतीच्या बसक्या बंगल्या... अन येस्स इथनं बघितलेला सुर्यास्त हा माझ्या आजपर्यतच्या आयुष्यातला सगळ्यात अविस्मर्णीय देखावा !!!

"डेड सी "ला येशू ख्रिस्त बापटाईज झाला यापलीकडे मला या जागेच्या धार्मिक महत्वाविषयी माहीती नाही. पण या एका गोष्टीमुळे ही जागा ख्रिश्चनांसाठी अतिशय महत्वाची मानली जाते. डेड सीला जिथे येशुला बापटाईज केलं होतं अस मानलं जातं त्या जागेचा हा फोटो... मी दैववादी नाही ... अन धार्मिक तर नाहीच नाही... पण हा असला सुर्यास्त कुणा नास्तीकालाही मोहवुन टाकणारा आहे..

इथेच आमची दोन दिवसांची कॉन्फरंस होती ती आटोपल्यावर आमचा "पेट्रा" काबीज करायचा विचार पक्का झाला. बघता बघता सगळेच यायला तयार झाले ...त्यातल्या त्यात "गोरे" अगदी एका पायावर आघाडीला !

पेट्रा शोधुन काढल ते एका गोर्‍या साहेबानंच... एका स्विस प्रवाश्याला/भटक्याला हे १८१२ त सापडलं.. या चित्रात जो डोंगर दिसतोय त्यात पेट्रा दडलय हे कोणालाच खर वाटणार नाही !

आता आम्ही या छुप्या शहरापर्यंत जवळजवळ पोहोच्लोच होतो.....

या बसच्या रांगा बघुन तुम्हाला कल्पना येईल इथे काय रेलेचेल असेल्य त्याची ... हे बघितल्यावर अगदी पहीली गोष्ट मनाला चाटून गेली ती ही की... माझ्या देशात अजिंठा-वेरुळलाही असच महात्म्य नशिबी येवो !!!!

इथे पोहोचल्यावर मग खरी सफर सुरु झाली....इथनं उतरुन सगळा पायी प्रवास... तसे गरज पडल्यास उंट /घोडे भाड्यानीपण मिळतात !

आता यानंतर जे काही बघायला मिळालं तो नि:संशय आतापर्यंतच्या माझ्या भटकंतीतला अतिशय सुंदर अनुभव ठरलाय अन म्हणुनच हा लेखन प्रपंच ....

हे ख्रिस्तपुर्व सहाव्या शतकातलं शहर.... इथल्या अप्रतीम वास्तुरचनेमुळे अन इथल्या जलव्यवस्थापनाच्या पधतीसाठी जगभर प्रसिद्ध झालय ! खालच्या चित्रात तुन्ही नीट चित्राच्या कडेला बघितलत तर पाणी जाण्यासाठी एक नहर/नाली सारखा आकाराच बांधकाम दिसतय्...त्यातन पाणी सगळीकडे पोहोचवलं जाय्यच अस इथली लोकं सांगतात...

या चित्रातले रस्ते बघा अजुनही तितकेच मजबून वाटाताहेत...

इथे आपण एका सलग डोगराच्या सान्निध्यात चालत राहातोय असा भास सतत होत राहातो ...आजुबाजुला त्या गुहेसारख्या दिसणार्‍या जागा दिसत रहातात ...जी त्याकाळी घरं होती... पण या चित्रात जे दिसतय ते अलीबाबाच्या गुहेच्या दरवाज्यासारखं आहे.... श्वास रोखुन धरायला लावणारं आहे.... तुम्ही बघाच...

तुम्ही या डोंगराच्या कपारीतून चालत असतात अन अचानक अस काही भव्य दिव्य एकदम समोर येईल अशी कुठलीही कलपना नसतांना आपण अचानक या रोमन चमत्कारासमोर येऊन उभे राहातो...

इथनं मग सुरु होतो त्या मायावी जागेचा खरा अध्याय! इथनं पुढे जे बघायला मिळतं ते "अदभुत" या सदरात मोडणारच आहे !!!

अधे-मधे थांबुन काफी-चहाची दुकानही आहेत... हॅव अ लुक ...

हे इथलं त्या कालातलं स्टेडीयम... सगळ्याच रोमन ऐतिहासीक शहरात असली स्टेडीयम्स असतातच... मनोरंजनाची ती एकमेव सोय असावी ... इथेही ते आहेच...

ही "अपार्टमेंटस" बघा... इथलं वास्तुशास्त्र खरच अनोखं असाव..

पेट्राबद्दल लिहायसारखं खुप काही आहे पण पेट्राला काही ओळीत शब्दबद्ध करणारी अप्रतीम कविता आहे - "a rose-red city half as old as time" म्हणणारी... ही कविताही खुप मस्त आहे ... अतिशय आवडल्यामुळे इथे देतोय... अन त्याच बरोबर मीही थांबतोय.... वेळ मिळाला तर अम्मानचे काही फोटो अन वर्णन टाकीन पुन्हा... पण तोपर्यंत... यु एंजॉय मायबोली ...!!!

“ It seems no work of Man's creative hand,
by labour wrought as wavering fancy planned;

But from the rock as if by magic grown,
eternal, silent, beautiful, alone!

Not virgin-white like that old Doric shrine,
where erst Athena held her rites divine;

Not saintly-grey, like many a minster fane,
that crowns the hill and consecrates the plain;

But rose-red as if the blush of dawn,
that first beheld them were not yet withdrawn;

The hues of youth upon a brow of woe,
which Man deemed old two thousand years ago,

match me such marvel save in Eastern clime,
a rose-red city half as old as time. ”
( Newdigate Prize-winning poem by John William Burgon).

***************************************************
***************************************************