का? का? का?

Submitted by पाषाणभेद on 7 March, 2012 - 18:09

का? का? का?

पानांनाही कधी का येतो गंध
फुलासारखे हुंगून होण्या धुंद

पाण्याला कधी चढते निळाई
जंगलात का असते हिरवाई

रंग फुलांचे इतके का आगळे
पाहून असे का होते ते नकळे

डोंगरावर ते वृक्ष उभे का
सावली देण्या ते तेथे का

आकाशात ढग का जमून येती
आता येथे मग कोठे जाती

वारा भणाण उगा का वाहतो
"की, मी येथे आहे" असे सांगतो

हा मी एकटाच का कधीचा आलो
येथला नसूनही का येथलाच झालो

- पाभे

गुलमोहर: 
कविता
शेअर करा

chaan

Submitted by umeshutekar on 8 March, 2012 - 05:12

मस्त

Submitted by अनिल तापकीर on 8 March, 2012 - 06:51