रिमझिम पाऊस किती पडे

Submitted by सुरेखा कुलकर्णी on 22 August, 2011 - 12:04

रिमझिम पाऊस किती पडे
सोड कन्हैया वाट गडे ||

साडी जांभळी सारी भिजली,
चोळी जरीची चिंब जहाली,
शहारलेरे अंग गोजीरे पाउल माझा पुढे न पडे||

खुशाल हससी धरुनी पदरा,
का करिशी रे जीव घाबरा,
पाणवठ्यावर रोज सख्यांच्या नजरा असती दोघांकडे ||

हवा हवा तू वाटे मला,
मी तूपण भेद न उरला,
तरी जाउदे नकोस घालू राधेवरती रे साकडे ||

गुलमोहर: 
कविता
शब्दखुणा: 
गवळण
शेअर करा