पुढार्‍या,तू मंञी होणार !

Submitted by विदेश on 30 January, 2011 - 10:02

(चाल: विठ्ठला, तू वेडा कुंभार -)

‘भ्रष्टाचारा ’वरती करसी भाषणबाजी फार
पुढार्‍या,तू मंञी होणार !

माती,वाळू,सिमेंट,चूना
तूच पुरवसी खडी विटांना
इमारती त्या उभारतांना
तुझ्या ’आदर्शां ’च्या गणतीला
नसे अंत ना पार !

सभासभांचे रूप आगळे
प्रत्येकीचे जथे वेगळे
तुझ्याविना ते काढती गळे
हाती कुणाच्या दिसती नोटा
कुणी पिऊन हुश्शार !

तूच भेसळीतून जोडसी
घोटाळ्यांतुन एकी तोडसी
कुरघोडयांतुन पक्ष फोडसी
देसी पेटया- लाच पुरवसी
पक्ष पुढे बेजार !!

गुलमोहर: 
कविता
शेअर करा

छान.

Submitted by एम.कर्णिक on 28 December, 2011 - 03:51

<<<तूच भेसळीतून जोडसी
घोटाळ्यांतुन एकी तोडसी>>>
"तुच घडविसी, तूच फोडीसी" अशा प्रकारे आलं असतं तर पूर्ण जमून आली असती. चांगला प्रयत्न. Happy

Submitted by हर्षल_चव्हाण on 30 December, 2011 - 04:34