दुसरा मात्र मुलगाच हवा?

हो हे मी मध्यंतरी वाचलं होतं. भयानक आहे हे सारं. आणि यात शिकलेले, उच्च वर्तुळात वावरणारे असेही असतात.

ठमे १०००:८३४ हा रेशो हेच तर दर्शवतो.
अशाच सगळ्या मुली संपवल्या तर मुलगे जन्माला घालायला कोण मिळणार यांना काय माहित???

आज सकाळीच एका पेपरात एक वाचकपत्रही वाचले याच विषयावर.

मुलगा हवाच ही मानसिकता सगळ्यांची आहे, शिकलेले-अशिक्षीत, स्त्री-पुरूष, शहरी-ग्रामिण.. कुठेही जा. मुलगाच हवा. एखाद्या घरात दोन्ही मुलगेच असले किंवा कुटूंबात मुलांचे प्रमाण जास्त असले तर ती बाब अभिमानाने सांगितली जाते. दोन्ही मुलीच असतील तरी पालकांना काही फरक पडत नसला तरी इतरांना वाईट वाटते, एक तरी मुलगा पाहिजे होता किंवा आज्काल मुली आणि मुले दोन्ही सारखेच यापैकी एकतरी उद्गार आवर्जुन काढला जातो, पालकांना मुलगामुलगी फरक पडत नसेल तर दुसरा उद्गार आणि फरक पडत असेल तर पहिला उद्गार. दोन्ही मुले असलेल्या ठिकाणी मात्र कोणीही एकतरी मुलगी हवी होती असे म्हणत नाही.

यावर उपाय काय मला तरी माहित नाही. आपण मुले ही आपली म्हातारपणाची गुंतवणुक, मुलांनी आईवडलांना म्हातारपणी सांभाळले पाहिजे, त्यांचे ते कर्तव्य आहे इ.इ. मानसिकता सोडली. आपली म्हातारपणाची व्यवस्था आपली आपणच केली तर याला थोडाफार आळा बसु शकेल. बाकी फॅमिली नाव पुढे चालवणे इ.इ. कल्पना मागासलेल्या आहेत हे लोकांना पटणे कठिण.

कायदे करुन थोडाफार आळा बसु शकेल. कोल्हापुरच्या जिल्हाधिका-यांनी एका ठिकाणी लिहिल्याप्रमाणे जानेवारी २०१० नंतर त्या जिल्ह्यात जन्मलेले कुठल्याही मुलाची जन्मपुर्व लिंगभेदचाचणी झालेली नसणार. पण ज्यांना शक्य आहे आणि पैश्याचे पाठबळ आहे ते जगाच्या पाठिवर कुठेही जातील आणि आपली सोय लावतील...

अतिशय भयंकर आहे हे. सर्वात जास्त राग येतो तो असली कामं करनार्‍या डॉक्टरांचा.त्यांनी मनावर घेतलं तर गोष्ट पुढे सरकणारच नाहि
आणि पहिली मुलगी असल्यावर कुटुंब पुर्ण होण्यासाठी मुलगा हवा हा युक्तीवाद तर अतिशय हास्यास्पद.तेच जर पहिला मुलगा असेल तर दुसर्‍या वेळी काहिहि चालतं.
हे सर्व थांबवण्यासाठी आपण काहि करु शकतो का?

स्त्रीला कमी लेखण्याची मानसिकता कुठवर जाते माहितेय? जेव्हा मी आणि (अजून झाला नव्हत अशा) नवर्‍यानं कोर्टमॅरेज करायचं ठरवलं तेव्हा फॉर्म भरताना नवर्‍याने माझं नाव पहिले घातलं होतं. तर त्या क्लार्कनी (जी बाई होती) यावर ऑब्जेक्शन घेतलं. कारण काय तर नवरा माझ्याशी लग्न करणार आहे. म्हणजे काय? आम्ही खुप वाद घातला आणि ते तसंच ठेवायला लावलं.

हे सगळ थांबवण्यासाठी काही उपाययोजना सरकारकडून झाल्या पाहिजेत.
दोन वर्षा पुर्वी आम्ही रोटरी क्लब तर्फे एक कार्यक्रम केला होता. फक्त एक किंवा दोन मुली असलेल्या दांपत्यांचा सत्कार केला होता. पण केवळ सत्कारासाठी कोणी ही परिस्थिती बदलणार नाहीत. हा हुंडा प्रकार मुलांकडूनच घेण्याची प्रथा पाडायला हवी आता

माझ्या साबांचे कौतुक वाटते... त्यांनी मुलगी झाल्यावर सगळ्या नातेवाईकात केशर वाटलं होतं आणि मुलगी झाल्याचे कळल्यावर त्यांचा आनंद अजून विसरता येत नाही.

ठमादेवी!

सगळचं भयानक आहे. देवानं दिलेलं मूल आपण का पाडावं? मग होऊच देऊ नये. पण मुलगाच असला पाहिजे हा आग्रह भयानक आहे. मला तर वाटते की मुलीच आईवडिलांना जास्त चांगले सांभाळतात.

अतिशय भयानक प्रकार आहे.

वाचून हतबल असल्यासारखं झालं...

शिकल्यासवरल्या लोकांना अजून एज्युकेट व्ह्यायची गरज आहे..
आमच्या इकडचीच केस.. दोन ओळखीच्या भारतीय महिलांनी( आणी नवरा,सासू,सासरे इ.इ. नी) आधीच्या दोन दोन गोंडस पोरी( वय वर्षं १२ आणी १०) असतांना काहीकाही उपाय करून एकेक मुलगा मिळवलाय.. त्यापैकी एकीचा मुलगा मेंटली थोडा वीक पण आहे ..
चायना आणी इन्डोनेशियाला पण हे मुलाचं वेड पाहण्यात आलं.. या बायकासुद्धा काहीही उपाय करून घ्यायला तयार असतात..

अशी केंद्रे निदर्शनास आणून दिल्यावर पुढे त्यांच्यावर काय कारवाई केली जाते?

अरे देवा! हे थायलंडचं माहित नव्हतं.... कसली ही लालसा! बाईच्या जीवाशी खेळ आणि न जन्मलेल्या भ्रूणाची हत्या! शक्य झालं तर पहिलंच अपत्य असं निवडून, मोजून, मापून, निरखून आयात करा म्हणावं..... म्हणजे घरोघरी मुलगेच मुलगे जन्म घेतील. घराण्यांना वारसही होतील, वंशाला दिवेही होतील. फक्त त्यांना वंशवृध्दी करायला बायका तेवढ्या शिल्लक असणार नाहीत. पण तंत्रज्ञान महान आहे.... त्यावरही उपाय निघेल! स्त्रीविना वंशवृध्दी करता आली तर तीही करतील. ह्या मानसिकतेचा अंत नाही!

दु:खद परिस्थिती. तुम्ही चांगला लेख लिहीला आहे.

मलाही दोन मुलीच आहेत. सासुबाईंचा दबाव असतानही माझ्या नवर्‍याने तिसर्‍या चान्सला नकार दिला व मुलींना पण पूर्ण स्वातंत्र दिले. आमच्या ओळखिच्या एका कुटुंबात मात्र मुलाच्या लग्नाच्या वेळी मुलीच असणार्‍या स्थळाचा विचार केला जात नव्ह्ता कारण मुलाच्या वडिलांचे असे मत होते की म्हातारे झाल्यावर मुलीला आपल्या आईवडिलांना सांभाळावे लागेल्.मला त्यांची ही मानसिकता बघून खूप चीड आली. पण इतर समाजातल्या लोकांपेक्षा आपण मराठी लोक आता ह्याचा बाउ करत नाही असे मला वाटते

ठमादेवी, तो लेख वाचतो. धन्यवाद.

पण इतर समाजातल्या लोकांपेक्षा आपण मराठी लोक आता ह्याचा बाउ करत नाही असे मला वाटते. <<< काही प्रमाणात हे खरं आहे. इतर बाबतीतही जेव्हा इतरांनी बोलतो तेव्हा मला हे जाणवतं.

हे भयंकर आहे. माझ्या नात्यातले १ डॉक्टर (मामेबहिणीचे पती) आणि माझी मामबहिण दोघे गायनॅक आहेत. डॉक्टर सर्रास लिंग भेद चाचणि करतात पैसे घेऊन. ह्या दांपत्याला पहिली मुलगी आहे, आणि जेंव्हा बहिणिला २र्यांदा दिवस गेले तेंव्हाहि त्यांनी बायकोची हिच चाचणी केली. मुलगी चे निदान झाले...बहिण अत्यानंदाने म्हणाली, बरं झालं, मला मुलगीच हवी..आणि अशा हावरट माणसाच्या पदरी कायम मुलिच पडाव्यात म्हणजे आपोआप मुलिची कदर करायला शिकेल.

शिकुन माणुस शहाणा होत असता तर अजुन काय हवं होतं?

अरे देवा!!! हा थायलॅण्ड प्रकार नवीनच आहे माझ्यासाठी... किती विचित्र गोष्टींचे पायंडे पडायला लागलेत... दुर्दैव म्हणजे ज्या कारणांसाठी लोकांना मुलगाच हवा असतो, ते कारण म्हणजे-वृद्धापकाळातला आधार- खरंच तो तरी लोकांना मिळतो का? हा भाग वेगळाच!!!!
वाईटच प्रकार आहे सगळा.

ठमादेवी, अभिनंदन आणि धन्यवाद इतका चांगला लेख लिहिल्याबद्दल.
ही सगळी परिस्थिती चीड आणणारी आणि विषण्ण करणारी आहे.
भान म्हणते ते बरोबर आहे.
<<सर्वात जास्त राग येतो तो असली कामं करनार्‍या डॉक्टरांचा.त्यांनी मनावर घेतलं तर गोष्ट पुढे सरकणारच नाहि >>
मला वाटतं, प्रत्येक डॉक्टरने जर सद्सद्विवेकबुद्धी ठेऊन मनाशी निश्चय केला की हे असलं घाणेरडं कृत्य माझ्या हातून होऊ देणार नाही, तर परिस्थिती काही प्रमाणात तरी बदलू शकेल.
( अर्थात आता मेडिकल टूरिझ्म वाढल्यामुळे लोक हे काम दुसरीकडे जाऊन करून घेतील. )

aashu29 काय पण माणूस आहे तो

>>शिकुन माणुस शहाणा होत असता तर अजुन काय हवं होतं?
सुशिक्षितपणा आणि सुसंस्कृतपणा यात बराच फरक असतो. सुशिक्षित होण्याच्या मार्गावर सुसंस्कृतपणा कुठेतरी हरवून बसतात हे लोक. अर्थात मुळात तो असला तर.

>>( अर्थात आता मेडिकल टूरिझ्म वाढल्यामुळे लोक हे काम दुसरीकडे जाऊन करून घेतील. अरेरे )

पण माझ्या माहितीत बर्‍याचशा लोकांनी दत्तक घेताना मुलींनी प्राधान्य दिले आहे.

मेडिकल टूरिझ्म

माणसाने प्रत्येक गोष्टीचा गैरफायदाच घ्यायचा असे ठरवलेय काय???? विज्ञानाने पोटात असतानाच गर्भाचे आरोग्य कसे चेक करायचे याचा मार्ग खुला केला, माणसाने तो मार्ग वापरुन निसर्गावरच हल्ला चढवला.

कधीकधी मला विज्ञानाचा राग येतो ते या गोष्टीसाठीच. जे जे काही विज्ञानाने माणसाला उपलब्ध करुन दिले त्याचा वापर निसर्गाविरुद्ध केला गेला (मोठे उदाहरण अणुबाँब, आणि त्याहुनही मोठे फक्त मुलाचाच गर्भ पाहिजे असा हट्ट धरणे )

मामी- हे जरी खरे असले तरी याचीही दुसरी बाजूही फार भयानक आहे.
ज्या प्रमाणात बाळ मुलगी असले तर तिला टाकुन देण्यात येते, त्या प्रमाणात मुलगे असले तर त्यांना टाकण्यात येत नाही या देशात.
त्यामुळे adoption संस्थांमध्ये मुलीच जास्त दिसुन येतात.

साधना, माणसांचा राग येऊ दे.