लिहित रहा राणी...पल्ली

लिहित रहा लिहित रहा राणी
जोवर आहेत ओठांवर शब्द आणि गाणी...
हळव्या शब्दांना गाणं मिळेल
गाण्याला शब्दांचं नव घर मिळेल!
प्रसन्न राहिल जोवर तुजवर सरस्वती
उधळीत रहा असेच देखणे शब्दांचे मोती.
लिहित रहा जोवर आठवतंय सारं
कोण जाणे उद्या मनाचं पान होईल कोरं.....
विस्मृतीचा शाप घेउन सोबत करेल विस्मरण,
शब्दाविना एकटेपण............
वाट पहात राहिल विनम्र मरण !
--
(माझी आई हळुहळु विस्मृतीत गेली, अखेरीस तिची स्मृती परत आली पण वाचा गेली.....ती नजरेनं बोलायची.)