स्तोत्रे, श्लोक, प्रार्थना यांचा संग्रह

"सेवा करवीर निवासिनी श्रीमहालक्ष्मी कोल्हापूर", वाचा प्रतिलिपि वर :,

https://pratilipi.page.link/atD62ixG4XQte9fk8

भारतीय भाषेतील अमर्याद साहित्य वाचा, लिहा आणि ऐका अगदी विनाशुल्क!

श्री गणेश करुणाश्लोक १
घोर हा नको फार कष्टलो |
निजहितास मी व्यर्थ गुंतलो |
वारि शीघ्र संसार यातना |
दे दयानिधे श्री गजानना || १ ||

विषय गोड हे लागले मला |
यामुळे असे घात आपुला |
कळूनीया असें भ्रांति जाईना |
हे दयानिधे श्री गजानना || २ ||

त्रिविध ताप हा जाळितो अती |
काम क्रोध हे जाण पीडती |
चित्त सर्वथा स्वस्थ राहिना |
हे दयानिधे श्री गजानना || ३ ||

स्त्री धनादि हे आठवे मनी |
छंद हाच रे दिवसयामिनी |
विसरलो तुला दिनपालना |
हे दयानिधे श्री गजानना || ४ ||

माउली पिता बंधू सोयरा |
तूंचि आमुचा निश्चये खरा |
शरण तुंज मी विघ्नभंजना |
हे दयानिधे श्री गजानना || ५ ||

म्हणवितो तुझा दास या जनी |
सकळ व्यापका जाणशी मनी |
भुक्ती मुक्ती दे भक्तपालना |
हे दयानिधे श्री गजानना || ६ ||

काय काय रे साधनें करू |
मी असे तुझे मुर्ख लेकरु |
विटंबिती मला द्वेत्तभावना |
हे दयानिधे श्री गजानना || ७ ||

विषयचिंतनें शोक पावलों |
देह बुध्दीने व्यर्थ नाडलों |
भालचंद्रजी तोड़ी बंधना |
हे दयानिधे श्री गजानना || ८ ||

गजमुखा तुझी वाट पहातां |
नेत्र शीणले जाण तत्वतां |
भेटसी कधी भ्रमनिवारणा |
हे दयानिधे श्री गजानन || ९ ||

प्रभु समर्थे तू आमुचे शिरी |
वेष्टिलों असे विषयपामरीं |
नवल हेंचि रे वाटते मना |
हे दयानिधे श्री गजानना || १० ||

अगुण अद्वया तू परात्परा |
पार नेणवे विधि हरीहरां |
अचल निर्मला नित्य निर्गुणा |
हे दयानिधे श्री गजानना || ११ ||

जिवन व्यर्थ हे तुज वेगळे |
स्वहित आपुले काम साधिले |
सुख नसे सदा मोहयातना |
हे दयानिधे श्री गजानना || १२ ||

फारसे मला बोलता न ये |
पाउले तुझे देखिलीं स्वये |
मांडिली असे बहुत वल्गना |
हे दयानिधे श्री गजानना || १३ ||

दीनबंधू हे ब्रीद आपुले |
साच तूं करीं दाविं पाउले |
मंगलालया विश्वजीवना |
हे दयानिधे श्री गजानना || १४ ||

नाशिवंत रे सर्व संपदा |
हे नको मला पाव एकदा |
क्षेम देउनी चित्तरंजना |
हे दयानिधे श्री गजानना || १५ ||

जातसे घडी पल युगापरी |
लागली तुझी खंती अंतरी |
स्वामी आपुला विरह साहिना |
हे दयानिधे श्री गजानना || १६ ||

कळेल तें करी विनविणे किती |
तारी अथवा मारीं गणपती |
सकलदोष अन संकष्टनाशना |
हे दयानिधे श्री गजानना || १७ ||

आवडे मला त्रिभुवनाकृती |
पूजुनी बरी करीन आरती |
धांव पांव रे मोदकाशना |
हे दयानिधे श्री गजानना || १८ ||

हृदय कठीण तूं न करि सर्वथा |
अंत आमुचा बघसी पुरता |
सिध्दी वल्लभा मूषकवाहना |
हे दयानिधे श्री गजानना || १९ ||

कल्पवृक्ष तू कामधेनु वा |
लाविजे स्तनीं जिविंच्या जिवा |
हाचि हेत रे शेष भुषणा |
हे दयानिधे श्री गजानना || २० ||

गणपति तुझे नाम चांगले |
आवड़ी बहू चित्त रंगले |
प्राथना तुझी गौरीनंदना |
हे दयानिधि श्री गजानना || २१ ||

तारिं मोरया दुःखसागरीं |
गोसावीनंदन प्रार्थना करी |
आत्मया मनी जाण चिदघना |
हे दयानिधे श्री गजानना || २२ ||

मध्यंतरी एक साईट सापडली ज्याच्यावर वेगवेगळ्या स्तोत्रांचे संधी विग्रह, व्याकरणदृष्ट्या केलेले अनुवाद आणि मग गोळाबेरीज अर्थ सांगते. प्रत्येक शब्दावर क्लिक केले कि विभक्ती प्रत्ययासहित मूळ शब्दाचा अर्थ दिला आहे.

ज्यांनी संस्कृत/संस्कृत व्याकरण शिकले नाही किंवा ज्यांना वाचताना आपसूक संधी विग्रह होत नसल्यामुळे उच्चारायला किंवा अर्थ समजायला कठीण जात असेल त्यांच्यासाठी ही फार उपयुक्त साईट आहे. लहान मुलांना शिकवायलाही उपयोगी ठरेल.

https://www.greenmesg.org/stotras/

हे आधी येऊन गेले आहे का माहीत नाही. पण यातील पदलालित्य मला फार आवडते. शिवाय नरसिंहाच्या उग्र रूपाची कल्पना पुरेपूर येईल अशी शब्दरचना आहे

॥ श्रीषोडशबाहुनृसिंहाष्टकम् ॥

भूखण्डं वारणाण्डं परवरविरटं डंपडंपोरुडंपं,
डिं डिं डिं डिं डिडिम्बं दहमपि दहमैः झम्पझम्पैश्चझम्पैः ।
तुल्यास्तुल्यास्तु तुल्याः धुमधुमधुमकैः कुङ्कुमाङ्कैः कुमाङ्कैः,
एतत्ते पूर्णयुक्तमहरहकरहः पातु मां नारसिंहः ॥ १॥

भूभृद्भूभृद्भुजङ्गं प्रलयरववरं प्रज्वलद्ज्वालमालं,
खर्जर्जं खर्जदुर्जं खिखचखचखचित्खर्जदुर्जर्जयन्तं ।
भूभागं भोगभागं गगगगगगनं गर्दमर्त्युग्रगण्डं,
स्वच्छं पुच्छं स्वगच्छं स्वजनजननुतः पातु मां नारसिंहः ॥ २॥

एनाभ्रं गर्जमानं लघुलघुमकरो बालचन्द्रार्कदंष्ट्रो,
हेमाम्भोजं सरोजं जटजटजटिलो जाड्यमानस्तुभीतिः ।
दन्तानां बाधमानां खगटखगटवो भोजजानुस्सुरेन्द्रो,
निष्प्रत्यूहं सराजा गहगहगहतः पातु मां नारसिंहः ॥ ३॥

शङ्खं चक्रं च चापं परशुमशमिषुं शूलपाशाङ्कुशास्त्रं,
बिभ्रन्तं वज्रखेटं हलमुसलगदाकुन्तमत्युग्रदंष्ट्रं ।
ज्वालाकेशं त्रिनेत्रं ज्वलदनलनिभं हारकेयूरभूषं,
वन्दे प्रत्येकरूपं परपदनिवसः पातु मां नारसिंहः ॥ ४॥

पादद्वन्द्वं धरित्रीकटिविपुलतरो मेरुमध्यूढ्वमूरुं,
नाभिं ब्रह्माण्डसिन्धुः हृदयमपि भवो भूतविद्वत्समेतः ।
दुश्चक्राङ्कं स्वबाहुं कुलिशनखमुखं चन्द्रसूर्याग्निनेत्रं,
वक्त्रं वह्निस्सुविद्युत्सुरगणविजयः पातु मां नारसिंहः ॥ ५॥

नासाग्रं पीनगण्डं परबलमथनं बद्धकेयूरहारं,
रौद्रं दंष्ट्राकरालं अमितगुणगणं कोटिसूर्याग्निनेत्रं ।
गाम्भीर्यं पिङ्गलाक्षं भ्रुकुटितविमुखं षोडशाधार्धबाहुं,
वन्दे भीमाट्टहासं त्रिभुवनविजयः पातु मां नारसिंहः ॥ ६॥

के के नृसिंहाष्टके नरवरसदृशं देवभीत्वं गृहीत्वा,
देवन्द्यो विप्रदण्डं प्रतिवचन पयायाम्यनप्रत्यनैषीः ।
शापं चापं च खड्गं प्रहसितवदनं चक्रचक्रीचकेन,
ओमित्ये दैत्यनादं प्रकचविविदुषा पातु मां नारसिंहः ॥ ७॥

झं झं झं झं झकारं झषझषझषितं जानुदेशं झकारं,
हुं हुं हुं हुं हकारं हरित कहहसा यं दिशे वं वकारं ।
वं वं वं वं वकारं वदनदलिततं वामपक्षं सुपक्षं,
लं लं लं लं लकारं लघुवणविजयः पातु मां नारसिंहः ॥ ८॥

भूतप्रेतपिशाचयक्षगणशः देशान्तरोच्चाटना,
चोरव्याधिमहज्ज्वरं भयहरं शत्रुक्षयं निश्चयं ।
सन्ध्याकाले जपतमष्टकमिदं सद्भक्तिपूर्वादिभिः,
प्रह्लादेव वरो वरस्तु जयिता सत्पूजितां भूतये ॥ ९॥

॥ इति श्रीविजयीन्द्रयतिकृतं श्रीषोडशबाहुनृसिंहाष्टकं सम्पूर्णम् ॥

सिद्धकूंजिका स्तोत्रा च्या आधी एक स्तोत्र वाचायचे असते आणि नंतर एक याबाबत कोणाला माहिती आहे का?

नृसिंहसरस्वतीस्वामी महाराजांवरचे एक मराठी कवन |
(ह्याचा अनुप्रास अतिशयच उत्तम आहे)

|| गणेशदत्तगुरुभ्यो नमः ||
श्रीगुरु दत्तराजमूर्ती, ओवाळितो प्रेमे आरती |
श्रीगुरु दत्तराजमूर्ती ओवाळितो प्रेमे आरती |
ब्रह्मा-विष्णु-शंकराचा असे अवतार श्रीगुरुचा,
कराया उद्धार जगाचा जाहला बाळ अत्रि-ऋषिचा,
धरिला वेष असे यतिचा, मस्तकी मुकुट शोभे जटीचा |
कंठी रुद्राक्ष माळ धरुनी, हातामध्ये आयुध बहुत वरूनी
तेणे भक्तांचे क्लेश हरूनी
तयासी करुनी नमन , अघशमन होतसे रीपुदमन गमन त्रैलोक्यावरती
||१||
ओवाळितो प्रेमे आरती ||
गाणगापुरी वसति ज्याची, प्रीति अवदुंबर छायेची,
भीमा-अमरसंगमाची भक्ति असे बहुत सुशिष्यांची,
वाट दावुनिया योगाची, ठेव देतसे निजमुक्तीची,
काशीक्षेत्री स्नान करितो, करविरि भिक्षेला जातो
माहुरि निद्रेला वरितो -
देह तरतरित, छाटि झरझरित , नेत्र गरगरित
शोभतो त्रिशुळ जया हाती ॥२॥
अवधुत स्वामि सुखानंदा ओवाळितो सौखकंदा
तारि हा दास हृदयकंदा सोडवी विषयमोहछंदा
आलो शरण अत्रिनंदा, दावि सद्गुरु ब्रह्मानंदा,
चुकवी चौर्‍याएंशीचा फेरा, घालिति षड्रिपु मज घेरा,
गांजिति पुत्र-पौत्र दारा-
वदवी भजन मुखी तव पुजन
करितसे
सृजन जयाचे बलवंतावरती ||३||
ओवाळितो प्रेमे आरती ||

||सद्गुरुनाथार्पणमस्तु||

ही आरती श्री चैतन्य दीक्षित यांचे प्रतिसादात थोडा बदल करून प्रतिसाद दिला आहे
पृष्ठ क्रमांक १२

https://youtu.be/-J2QlEHUfns?si=KaGAZo8x4N_B7tnp

इथे ऑडिओ नाहीये पण मराठीत अर्थ आहे . या स्तोत्राचा मराठीतला अर्थ नेटवर दुसरीकडे सापडला नाही मला .

पार्वतीवल्लभनीलकण्ठाष्टकम्

नमो भूतनाथं नमो देवदेवं
नमः कालकालं नमो दिव्यतेजम् ।
नमः कामभस्मं नमश्शान्तशीलं
भजे पार्वतीवल्लभं नीलकण्ठम् ॥ १॥

सदा तीर्थसिद्धं सदा भक्तरक्षं
सदा शैवपूज्यं सदा शुभ्रभस्मम् ।
सदा ध्यानयुक्तं सदा ज्ञानतल्पं
भजे पार्वतीवल्लभं नीलकण्ठम् ॥ २॥

श्मशाने शयानं महास्थानवासं
शरीरं गजानं सदा चर्मवेष्टम् ।
पिशाचं निशोचं पशूनां प्रतिष्ठं
भजे पार्वतीवल्लभं नीलकण्ठम् ॥ ३॥

फणीनाग कण्ठे भुजङ्गाद्यनेकं
गले रुण्डमालं महावीर शूरम् ।
कटिं व्याघ्रचर्मं चिताभस्मलेपं
भजे पार्वतीवल्लभं नीलकण्ठम् ॥ ४॥

शिरश्शुद्धगङ्गा शिवा वामभागं
बृहद्दिव्यकेशं सदा मां त्रिनेत्रम् । var बहूदीर्घ मां?
फणी नागकर्णं सदा भालचन्द्रं var बालचन्द्रं
भजे पार्वतीवल्लभं नीलकण्ठम् ॥ ५॥

करे शूलधारं महाकष्टनाशं
सुरेशं वरेशं महेशं जनेशम् ।
धनेशस्तुतेशं ध्वजेशं गिरीशं var धने चारु ईशं
भजे पार्वतीवल्लभं नीलकण्ठम् ॥ ६॥

उदानं सुदासं सुकैलासवासं var उदासं
धरा निर्धरं संस्थितं ह्यादिदेवम् ।
अजा हेमकल्पद्रुमं कल्पसेव्यं
भजे पार्वतीवल्लभं नीलकण्ठम् ॥ ७॥

मुनीनां वरेण्यं गुणं रूपवर्णं
द्विजानं पठन्तं शिवं वेदशास्त्रम् ।
अहो दीनवत्सं कृपालुं शिवं हि
भजे पार्वतीवल्लभं नीलकण्ठम् ॥ ८॥

सदा भावनाथं सदा सेव्यमानं
सदा भक्तिदेवं सदा पूज्यमानम् ।
मया तीर्थवासं सदा सेव्यमेकं
भजे पार्वतीवल्लभं नीलकण्ठम् ॥ ९॥

इति पार्वतीवल्लभ नीलकण्ठाष्टकं सम्पूर्णम् ।

https://youtu.be/ehd2G7x3EwU?si=i-E_gB1C18fTzADC

छान आहे स्तोत्र.

हो , छान आहे .

ऑडिओच्या बाबतीत गायिकेचं कौशल्य आहे आणि ज्या कोणी संगीतबद्ध केलं त्यांचं . पांडुरंगाष्टकमही गायलं आहे , वरच्या स्तोत्राएवढी कॅची ट्यून नाही पण 2 - 4 वेळा शांतपणे ऐकलं तर आवडेल आणखी असं वाटलं . या चॅनेलवरची चंद्रशेखर अष्टक आणि उमा महेश्वर स्तोत्र ही पण कालच ऐकली , छान आहेत .. सोबतच अर्थ लिहिला असल्यामुळे जास्त बरं वाटतं ऐकायला ..

उठा उठा साधू जन साधा आपुले स्वहित | जाईल जाईल हा नरदेह मग कैंचा भगवंत ||

कुंडलिनीचा वेढा काढुनि काकडा केला । सत्रावीचें धृत घेउनी पूर्ण भिजवीला

सद्‌गुरु वाक्याचा चिन्मय प्रकाश पडला । निश्चय काकडा नेऊनि तेथें पेटविला

निरंजन ओवाळूं जातां तद्रूप झाला । सद्‌गुरुप्रसादें अहंभाव निमाला

माया अविद्या एकत्र वळुनी काकडा केला । स्वरुपानुस्मरणें स्नेहामाजी भिजवीला ॥१॥

विवेकज्ञानाग्नि ज्वाळेवरि सहसा पाजळिला । पेटुनियां झगझगीत उजेड हा पडला ॥२॥

हे ज्या कोणी लिहिलं आहे , अशक्य सुंदर लिहिलं आहे .. काहीतरी अनुभव आलेल्या व्यक्तीनेच लिहिल्यासारखं वाटतं . पहाटे सहज गायल्या जाणाऱ्या आरतीत एवढ्या खोल अनुभवाचं वर्णन करून कवी मोकळा झाला आहे .

चांगलं संगीत देऊन कोणीतरी यांचं ऑडिओ मुद्रण करायला हवं , चांगल्या गायकांनी ... संस्कृत स्तोत्रं खूप लोकप्रिय होत आहेत , त्यामानाने मराठी अभंग , गवळणी आणि विपुल साहित्य दुर्लक्षित राहतं आहे , संगीतक्षेत्रातल्या लोकांना त्यातलं पोटेन्शल दिसत नाहीये . काही आहेत आणि त्यांना लोकांनी पसंती दिलेलीही दिसून येते , उदा . सांगावे कवण्या ठाया जावे , जुनं गीत आहे , त्याचं नवीन रेकॉर्डिंग खूप लोकप्रिय झालं .. बाकी मोठ्या प्रमाणात पोटेन्शल आहे पण मराठी संगीतक्षेत्रातील मान्यवर सध्या लाखात व्यूज मिळवण्याचं एकमेव ध्येय समोर ठेवून बोअर गाणी बनवत आहेत की काय असं वाटतं , जी एकदा ऐकून झाल्यावर पुन्हा 2 - 3 वेळा ऐकावी अशीही वाटू नयेत .. की लोकांना खरोखर तशीच गाणी आवडत आहेत , परमेश्वर जाणे ।

छान काकडारती आहे. शेजारती, काकडारती खूप काव्यमय, उपमांच्या लडी लडींनी लिहीलेल्या असतात.

आतां स्वामी सुखे निद्रा करा अवधूता, करा अवधूता ।
चिन्मय सुखधामा जाउनि पहुडा एकांता ॥ धृ. ॥

वैराग्याचा कुंचा घेउनि चौक झाडीला, स्वामी चौक झाडीला ॥
तयावरी सुप्रेमाचा शिडकावा दिधला ॥ आतां. ॥ १ ॥

पायघड्या घातल्या सुंदर नवविधाभक्ती, स्वामी नवविधाभक्ती ।
ज्ञानाच्या समया उजळूनी लावियल्या ज्योती ॥ आतां ॥ २ ॥

आशातृष्णा कल्पनांचा सांडुनि गलबला, स्वामी सांडुनि गलबला ।
दया क्षमा शांती दासी उभ्या सेवेला ॥ आतां. ॥ ३॥

दैत्याचें कपाट लाउनी एकत्र केलें, स्वामी एकत्र केलें ।
दुर्बुद्धीच्या गांठी सोडुनि पडदे सोडीले ॥ आतां. ॥ ४ ॥

भावार्थाचा मंचक ह्रुदयाकाशीं टांगीला, ह्रुदयाकाशी टांगीला ।
मनाची सुमनें जोडुनी केलें शेजेला ॥ आतां. ॥ ५ ॥

अलक्ष्य उन्मनि नाजूक दूशेला, स्वामी नाजुक दूशेला ।
निरंजनी सद्‌गुरू माझा निजी निजेला ॥ आतां. ॥ ६ ॥

ही देखील फार सुंदर आहे ..

ही शेजारती लहानपणी ऐकली आहे, म्हटली आहे. आवडती आहे.
द्वैताचे कपाट असावे.

जालावर फिरता फिरता अनेक सद्गुरुस्तोत्रे वाचनात येतात. काही कळतात बरीचशी कळत नाहीत. काही संस्कृत स्तोत्रांची गोडी भाषांतरात हरवते. पण बरेचदा योग जुळून येतो आणि एखादं अप्रतिम, अनवट स्तोत्र समोर येतं जे की जे मन उजळून टाकतं, एक दिव्य आनंदानुभव देऊन जातं. असं स्तोत्र वाचून वाटतं - अरे हेच वाचण्यासाठी आपण मराठी मातीत जन्माला आलो. हेच ते सर्वोच्च, सर्वांगसुंदर स्तोत्र. आता याहून अधिक पाहणे उरले नाही. हा अनुभव मला "विसरू कसा मी गुरुपादुकाला" वाचताना आला. हाच देजा वू अनुभव "गुरु।गुणालया।परापराधिनाथ सुंदरा।" हे स्तोत्र वाचताना आला. पण दर वेळेस परत दैवी कृपा होते आणि मी परत एखाद्या दिव्य स्तोत्रापाशी येऊन अडखळते.

यावेळेसही तेच झालं. जालावर फिरता फिरता हे अनवट सद्गुरू स्तोत्र वाचनात आलं. थोडसं मानसपूजा या प्रकारात हे स्तोत्र मोडतं. गुरुस भक्तीभावे अर्पण करावयाच्या त्रयोदशगुणी विड्याचे अत्यंत रसाळ वर्णन करणारे, सात्त्विक असे हे स्तोत्र आहे. त्रयोदशगुणीविड्यामध्ये पुढील १३ जिनसा वापरल्या जातात - चुना, कात, सुपारी, वेलदोडा, लवंग, बडीशोप, खोबरे, जायपत्री, ज्येष्ठमध, कापूर, कंकोळ, केशर, खसखस. साक्षात आपल्या सद्गुरुला विडा भक्तीभावाने अर्पण करायचा तर तो कशा प्रकारच्या अष्टसात्विक गुणांनी युक्त असावा याचे अत्यंत काव्यात्मक दर्शन या स्तोत्रामधून घडते.

शिष्याचा स्वतःचा देह हेच जणू विड्याचे पान आहे. या पानामध्ये विवेकाची सुगंधी केशर-कस्तुरी, वैराग्याची कात, भक्तीरूपी चुना-सुपारी, भूतदयेची पत्री, शांतीरूपी वेलदोडा, आणि सत्क्रिया-क्षमारूपी बदाम, खोबरं, कंकोळ आदी जिनसा घालून मोठ्या प्रेमाने अर्पण करण्यात येणार आहे.राजस पदार्थ हे सात्त्विक गुणांबरोबर कल्पिल्याने अतिशय आगळंवेगळं सौंदर्य लेवून हा विडा आपल्या समोर येतो.

विडा घ्या हो स्वामी गुरुराया| तूची विश्रांतीची छाया||
अर्पितसे स्वीकार कराया|समर्थ तू योगीराया||धृ||
देह हे पिकले पान|त्यात घालोनी सामान||
त्रयोदशगुणीपूर्ण|विडा झाला प्रेमळ भजन||१||
केशर कस्तुरी विवेक|वैराग्याचा त्यात कात||
चुना भक्ती ही सुपारी|पत्री ही भूतदया||२||
शांती ही वेलदोडा|समाधान जायफळा||
बदाम खोबरे कंकोळ|क्षमा लवंग सत्क्रिया||३||
बालक दासाचा हा दास|प्रसादाची करी आस||४॥

विडासेवन झाल्यानंतर सद्गुरुंच्या विश्रांतीचा समय भक्त कल्पितो. त्यांची शेज निगुतीने, अष्टसात्विक भावाने आणि अत्यंत प्रेमाने तो तयार करतो. सर्वात प्रथम वैराग्याचा कुंचा घेऊन चौक झाडून काढतो. त्यावर सत्प्रेमाचा शिडकाव करून नवविध भक्तीच्या पायघड्या घालतो. मंद अशा ज्ञानज्योतीच्या समया लावून, शेजेवर सुमनांची (श्लेष) पखरण करतो. कुठे दुर्बुद्धीच्या गाठींचे पडदे सोडून देतो तर कुठे साक्षात दया, क्षमा, शांती सामींची सेवा करण्यास तत्पर आहेत असे कल्पीतो. अशा रीतीने उन्मनी असे त्याचे स्वामी त्याने विणलेला अलक्ष भक्तीरूपी नाजूक शेला घेऊन निजले आहेत असे तो चिंततो.

Parvati Vallabh Ashtakam मस्तच वाटले . शंकरस्तोत्रांना एक मस्त लय असते.

शंकरस्तोत्रांना एक मस्त लय असते >> +१. साहित्यात ज्याला पदलालित्य म्हणतात, ते भन्नाट आहे शंकराचार्यांचं.

अरे हेच वाचण्यासाठी आपण मराठी मातीत जन्माला आलो. हेच ते सर्वोच्च, सर्वांगसुंदर स्तोत्र. आता याहून अधिक पाहणे उरले नाही >> same here .
सुरेख लिहिलं आहे .

गोंदवलेकर महाराजांची ऑडिओ स्वरुपातील प्रवचन - https://archive.org/details/lksjdoirukjbq3b230897512/apr01.mp3
स्पष्ट, योग्य वेगात आणि खूप छान, अस्खलित वाचन.
जिममध्ये रोज ऐकते आहे. फार फार आवडतायत. 'व्लॅल्युएबल ट्रेजर' - खजिना आहे.

सामो , या बाईंचे व्हिडिओ आधी पाहिले नसतील तर ट्राय द्या .. सेम खजिना फिलिंग झालं आहे माझं .. 10 - 20 च ऐकले आहेत अजुन ..

https://youtu.be/1AyPiG9P0jQ?si=TYHHkve-olO1LYdW

ही मनाच्या श्लोकांची प्ले लिस्ट

https://youtube.com/playlist?list=PLVzYNIuz0yQQJDaA0LtHCkLurAWZZTtMg&si=...

हे महाशय पण सुरेख बोलतात - अलीकडेच चालू केलं आहे वर्षभरापूर्वी वाटतं . 30 - 35 व्हिडीओ असतील , ऐकले सगळे .. खरं तर डोक्यात आत काही पोचायला अजून प्रत्येक व्हिडीओ किमान 15 - 20 वेळा ऐकावा लागेल , नाहीतर सगळं विसरून जात राहतं .. पण बोलण्याची शैली खुसखुशीत आणि गोड आहे , त्यामुळे ऐकले ...

https://youtube.com/playlist?list=PLMnWsWlpPZLMXnTVZdCEa7PppAhNOCp3M&si=...

मस्त आहेत गं प्लेलिस्टस. ऐकेनच.

>>>>>>सामो , या बाईंचे व्हिडिओ आधी पाहिले नसतील तर ट्राय द्या .. सेम खजिना फिलिंग झालं आहे माझं .. 10 - 20 च ऐकले आहेत अजुन ..

अगं काय सुरेख बोलतायत. मी ऐकते आहे.

ओहो.
वाटवे ताई
मस्तच.
अनेक वर्षांपूर्वीचे आहेत ते.
_/\_

https://samarthramdas400.in/content-type/?cat=145&sub_cat=110
इथेही आहेत, सुषमाताईंचे ऑडीओ. कल्याणी नामजोशी यांचे सुद्धा आहेत.

गोंदवलेकर महाराजांच्या गोड गोष्टी ऐकायच्या असतील तर इथे आहेत.
https://shrimaharajstories.blogspot.com/
आमची एक मैत्रीणच सांगते ते

धन्यवाद आर्या.

सामो, ही शेजारती - काकडआरती उठा उठा, right?
भारी आहे!

होय नानबा ही शेजारती आहे. फार पूर्वी मला नेटवरती सापडलेली. आता सहज सापडते. काकड आरती - ऊठा ऊठा बरोबर.

गोंदवलेकर महाराजांची ऑडिओ स्वरुपातील प्रवचन >> मायबोलीकर किरू च पण चॅनल आहे युट्यूब. मस्त वाचतो तो ही..
अस वाटत महाराज असच बोलत असतील

खालील स्तोत्र मला कुठेही मिळालेले नाहीय जालावर आणि या वरच्या लिस्टीतही. कुणाला माहीती असल्यास संपूर्ण स्तोत्र इथे डकवाल का प्लीज? युट्यूब वर असेल तरीही चालेल, मी घेइन ते उतरवून.
माझी आजी हे म्हणायची आणि मला अंधूक अंधूक असं आठवतंय.

पायाचा मी दास दत्ता अर्जी ऐकावी, दयाळा अर्जी ऐकावी
म्हणोनी पायापाशी दत्ता अर्जी म्या केली
म्लेंच्छ राजा हीन जातीचा, नामे उद्धरीला, दयाळा नामे उद्धरीला इ. इ.

https://mr.m.wikibooks.org/wiki/%E0%A4%8F%E0%A4%95%E0%A4%A8%E0%A4%BE%E0%...

सोप्या मराठीत अर्थही आहे .. म्हणजे मुळात तसा काही कठीण नाही पण तोही आणखी सोपा करून दिला आहे ..