जुना वासोटा

यो रॉक्स तुझ्या ब्लॉग वरील वासोट्याच्या ट्रेक चा लेख वाचला,प्रची आणि वर्णन अप्रतीम ..... जुन्या वासोट्या वर जाताच येत नाही हे वाचले आणि आम्ही केलेल्या वेड्या धाडसाची माहिती द्यावीच म्हणून लिहिण्यास घेतले ...

प्रथम आम्ही सह्याद्री ट्रेकर्स च्या मावळ्यांनी नवीन वासोटा - नागेश्वर गुहा हा ट्रेक जानेवारी 2010 मध्ये केला होता . आता उत्सुकता होती ती जुन्या वासोट्याची...

हा जुना वासोटा , नवीन वासोटा काय भानगड आहे हे आज पर्यंत कळले नाही, इतिहास माहित आहे

पण सध्या ट्रेकर्स तिथे का जात नाहीत हे कळण्यास कांहीच मार्ग नाही. जवळपास च्या गावात विचारले तर ते पण म्हणाले कि आम्ही पण जुन्या वासोट्या वर फिरकत नाही .
त्यामुळे जुन्या वासोत्याची माहिती मिळवण्यास खूप अडचणी आल्या . बऱ्याच ट्रेकर्स ग्रुप ला भेटलो , पुस्तके चाळली ,मायबोली करांची( यो, रोहीत एक मावळा , आनंदयात्री, इंद्रधनुष्य ) भेट घेण्यासाठी "हा भारत माझा" हा चित्रपट पाहिला.

बोट मधल्या नावाड्याला फितूर करण्याचा प्रयत्न केला पण व्यर्थ . बरेच जन म्हणाले असले वेडे धाडस करू नका .पण मन सांगत होते कि जायचेच . ऒफ़ बीट च्या राहुल खोत ने आप्पांशी contact करून दिला त्यांनी सांगितले "गडावर तुम्ही जाऊ शकता फक्त वाट तुम्हा स्वतास शोधावी लागेल " आप्पांचे हे लाख मोलाचे शब्द आठवून
मनाशी पक्के केले आणि मी आणि आमचा वाटाड्या (मावळा) प्रविण गेलो ना बाबुकड्या पर्यंत , पुढे रस्ताच नव्हता .
"इच्छा असेल तिथे मार्ग दिसेल " त्याप्रमाणे मार्ग काढत (करत ) निघालो . जंगल खूप दाट होते . पार केलेला रस्ता पण कळत नव्हता मग झाडावर रेडियम च्या खुणा करण्यास सुरुवात केली .
एक कातळ चढून एकदाचे गडावर चढलो .

या कातळा जवळ आमचे
बाकीचे मावळे आम्हास दुसरया रस्त्याने येऊन भेटले आम्ही 5 जन जुन्या वासोट्या वर बाकी 5 जन नवीन वासोट्या वर गेले . गडावर ची ती भयाण शांतता घनदाट जंगल नानाविध पावलांची ठसे (ठसे ओळखता यायला हवे होते राव ..), गडावर रस्ता पाऊल वाट किंवा गडाचे स्वताचे असे कांहीच अस्तित्व आम्हाला दिसले नाही खूप प्रयत्न केला . गडावर सर्वात उंचावर एक 20 फूट खडा कातळ आहे आम्हास दुरून ती तट बंदी वगैरे असेल
असे वाटले होते त्याच्याच ओढीने आम्ही निघालो होतो . पण जसे जसे जवळ जाऊ तसे कळले कि ती तट बंदी नसून कातळ आहे .

तिथेच ३:०० pm वाजले होते आम्ही गडावर इतके फिरलो होतो कि, आता परत जाण्याचा रस्ता शोधण्यास वेळ लागेल म्हणून वापस जाण्याचा निर्णय घेतला . जंगल इतके घनदाट आहे कि आम्हीच आमच्या सोयी साठी केलेल्या खुणा आम्हास सापडत नव्हत्या, शेवटी तासाभरात नवीन वासोट्याच्या पायथ्याशी आलो नवीन वासोट्या वर धावती नजर टाकली आणि मुक्कामी नागेश्वर गुहेत गेलो . तिथे देखील मुक्काम करण्यास आता परवानगी नाही.

शेवटी जुना वासोटा फत्ते केल्याचे समाधान मिळाले . जंगलाची भयानकता अनुभवावी तर जुन्या वासोट्या वरच......

जुन्या वासोट्या वरून नवीन वासोट्या चा फोटो (जो मला नेट वर कोठेच बघायला मिळाला नव्हता).