Submitted by आद्या on 21 March, 2012 - 07:59
सहन मी केले उन्हाला, चूक झाली
सावली झालो तुम्हाला, चूक झाली.
झेलताना गार वारे आणि गारा
पाजले पाणी तुम्हाला, चूक झाली
बंद करुनी वेदनांना खोल गात्री
'हासरा' दिसलो जगाला चूक झाली
खंत ना कुठली उराशी ना अपेक्षा
कोरडे केले मनाला, चूक झाली
घातले पोटी चुकांना रोज तुमच्या
दोष मी दिधले स्वत:ला, चूक झाली
भान ओवाळून उरलो देहमात्रे
पारखा झालो जिवाला, चूक झाली
एकटा मी जागलो माझ्या प्रतिज्ञा
देवही ऐसे म्हणाला 'चूक झाली'
तोंड वेंगाडून आला काळ जेव्हा
वाटले जगलो कशाला, चूक झाली.
आद्या
गुलमोहर:
शेअर करा
करीत मजल दर मजल समजून घेतली
करीत मजल दर मजल
समजून घेतली आपली गझल
उशीर झाला प्रतिसादाला चूक झाली
खरच मनापासून आवडली.
पारखा झालो जिवाला वाह!!
पारखा झालो जिवाला
वाह!!
व्वा ! छान
व्वा ! छान