चांदणे ह्रदयात माझ्या...

Submitted by सुप्रिया जाधव. on 28 February, 2012 - 11:57

स्वर्ग जर आईचपाशी...
का फिरु काबा नि काशी ?

चांदणे ह्रदयात माझ्या...
सख्य ना तारांगणाशी

पार केले शिखर,..कळले..
सौख्य होते पायथ्याशी

'कोण तो, मी कोण त्याची?'
प्रश्न अडतो उत्तराशी

पेटता वैशाख-वणवा..
बहरतो गुलमोहराशी

मी तुझी अन तूच माझा...
काय घेणे या जगाशी ?

मनगटावर भिस्त ठेवू...
दैव पडते तोंडघाशी

गझल अंकुरते ’प्रिया’ पण...
झगडल्यावर वास्तवाशी

-सुप्रिया.

गुलमोहर: 
मराठी गझल
शेअर करा

पार केले शिखर,..कळले..
सौख्य होते पायथ्याशी>> कोणते सौख्य? पांढरे व गुलाबी आईसक्रीम का? Lol (दिवा)

सर्व शेर आवडले, चांगली गझल

Submitted by बेफ़िकीर on 28 February, 2012 - 19:17

सुप्रिया
'कोण तो, मी कोण त्याची?'
प्रश्न अडतो उत्तराशी
गझल अंकुरते ’प्रिया’ पण...
झगडल्यावर वास्तवाशी ....या सह संपूर्ण गझल आवडली.

Submitted by किंकर on 28 February, 2012 - 19:32

छान

Submitted by अरविंद चौधरी on 29 February, 2012 - 00:29