माझ्या अंगणात आले .....

कुण्या देशीचे पाखरु, माझ्या अंगणात आले
त्याचे पंख परदेसी, परि ओळखीचे डोळे

माती कोठल्या धरेची, त्याच्या नखांना लागली
माया हिरवी कोणती, त्याच्या उरात साठली
आणि कोठले आकाश, त्याने सर्वांगा माखले
माझ्या अंगणात आले.......

कुठे पिऊन घेतले, त्याने मेघातले जळ
दिली वार्‍याने कोठल्या, त्याला चोचीतली शीळ
त्याच्या लकेरीत गाणे, कुण्या जन्मीचे भेटले
माझ्या अंगणात आले.......

माझ्या ओंजळीचे झाले मऊ घरटे राजस
त्याला न्हाऊ घालावया ओला काजळ पाऊस
माझे मन त्याच्यासाठी फांदी होऊनिया झूले
माझ्या अंगणात आले.......
(शब्दः सुधीर मोघे, स्वरः अनुराधा पौडवाल)

आमच्या घरासमोरच पिंपळाचे आणि शेवग्याचे झाड आहे. सध्या पिंपळावर फळे आणि शेवग्याच्या झाडावर भरपूर फुले आली आहेत. पिंपळावरची फळे खाण्यासाठी आणि शेवग्याच्या फुलातील मधुरस पिण्याकरीता तांबट, बुलबुल आणि सूर्यपक्षी रोजच येत आहेत, अर्थात आपले नेहमीच्या चिमण्या कावळे आहेतच :-). यांचे फोटो टिपण्यासाठी मला जास्त मेहनत नाही करावी लागत फक्त भल्या पहाटे सात वाजता उठुन कॅमेरा घेऊन गॅलरीत जाऊन यांना टिपावे लागते. फोटो काढुन झाल्यावर मस्तपैकी चहाचा कप घेऊन गॅलरीत उभा राहून पिंपळ/शेवग्याच्या झाडांवरचा यांचा ब्रेकफास्ट पहात उभे राहणे हाच काही दिवसांपासुन माझा सकाळचा कार्यक्रम ठरला आहे. आज २ किंगफिशर आणि अजुन एक वेगळा पक्षी दिसला पण फोटो काढता आला नाही. बघु उद्या सकाळी परत दिसतात का ......
=======================================================================
=======================================================================
तांबट
तांबट (शास्त्रीय नावः Megalaima haemacephala indica) हा महाराष्ट्रात प्रामुख्याने मोठ्या प्रमाणावर आढळणारा पक्षी आहे. याला इंग्रजीत कॉपरस्मिथ किंवा क्रिमसनब्रेस्टेड बार्बेट तर हिंदीत छोटा बसंत असे म्हणतात. हा तांबूस रंगाचा असून साधारणपणे चिमणीच्या आकाराचा असतो. अतिशय दाट झाडीत याचे वास्तव्य असल्याने सहजपणे दिसत नाही. परंतु उन्हाळ्याच्या दिवसात यांचे तांब्यावर घण घालताना जसा आवाज येतो तसा दिवसभर आवाज काढत रहातो. त्यामुळे याचे अस्तित्व लक्षात येते. याचे पुकपुक्या असे स्थानिक नावही काही ठिकाणी आढळते.
या पक्ष्याच्या कपाळ आणि छातीवर किरमिजी रंग असतो. डोळ्यांच्या वर व खाली अर्धवर्तुळाकार पिवळे पट्टे असतात पिवळाधम्मक कंठ दिसून येतो तर हिरव्या-पांढऱ्या रंगाचा आरीयुक्त अंतर्भाग असतो. पक्ष्याच्या नर-मादीत फारसा फरक नसतो. तांबट पक्ष्याचे पिल्लू हे हिरव्या रंगाचे असते, परंतु त्याच्या डोक्यावर व छातीवर लाल रंग नसतो. शुष्क वाळंवटी प्रदेशात मात्र हा पक्षी आढळत नाही. मृत झाडांवर वा झाडांच्या मृत खोडांवर हे पक्षी पोकळी करून राहतात. अशा खोडाची निवड करण्यामागचे प्रमुख कारण म्हणजे या खोडांवर लाकूड पोखरणे त्यांना सोपे जाते. तांबट पक्षी या पोकळीचे घरटे म्हणून वापर करतो. तांबट पक्षी शक्यतो एकटा किंवा जोडीने आढळतो. वड, पिंपळ, अंजीर, जांभूळ अशा झाडांवर हा पक्षी आढळून येतो. या पक्ष्याच्या आहारात प्रामुख्याने फळांचा समावेश असतो. त्यातही वड-पिंपळाची फळे तो आवडीने खातो. त्याला रसयुक्त फळे आवडतात. तसेच ठराविक फुलांच्या पाकळ्याही खातो. प्रथिनांची गरज भागवण्यासाठी तांबट पक्षी काही ठराविक कीटकही खातो. तांबट आपल्या शरीराच्या दीड ते तीन पट फलाहार करतो असे आढळून येते.
(मराठी विकिवरून साभार)

प्रचि ०१

प्रचि ०२

प्रचि ०३

प्रचि ०४

प्रचि ०५

प्रचि ०६

प्रचि ०७

प्रचि ०८

प्रचि ०९

प्रचि १०

=======================================================================
=======================================================================
रेड व्हिस्कर्ड बुलबुल

प्रचि ११

प्रचि १२

प्रचि १३

प्रचि १४

प्रचि १५

=======================================================================
=======================================================================
सनबर्ड (सूर्यपक्षी)

प्रचि १६

प्रचि १७

प्रचि १८

प्रचि १९

प्रचि २०

प्रचि २१

=======================================================================
=======================================================================
चिमणा/चिमणी

प्रचि २२

प्रचि २३

=======================================================================
=======================================================================