Submitted by विशाल कुलकर्णी on 29 March, 2011 - 06:12
परक्यास ना कधीही कळतात माणसे ही
अपुलीच आपल्याला छळतात माणसे ही...
आसू न ढाळतो जो असतोच का सुखी तो?
हसतो तयावरी का जळतात माणसे ही?
चंद्रास का मिळावे हो श्रेय चांदण्यांचे
पाहून चांदणीला चळतात माणसे ही...
लाचार मानवाला लालूच देत माया
मायेस भाळुनीया ढळतात माणसे ही
दु:खात का करावी पर्वा कुणी सुखाची?
आसू बघून मागे वळतात माणसे ही
त्या सर्वव्यापकाची आहे कलाकृती ना?
त्याला तरी ’विशाला’ कळतात माणसे ही?
विशाल...
गुलमोहर:
शेअर करा
मतला आवडला दुसरा शेर ही छान
मतला आवडला
दुसरा शेर ही छान आहे फक्त पहिल्या मिसर्‍यातला 'हो' भरतीचा वाटतो. शक्यतो असे शब्द टाळावेत.
चु. भू. द्या घ्या
आशय छान आहे.
आशय छान आहे.
विशाल, मस्त जमलीय गजल. सर्वच
विशाल, मस्त जमलीय गजल. सर्वच शेर आवडले.
कणखर्जीनी हळूवारपणे भरतीच्या शब्दाची चर्चा केली आहे. मला वाटते हो ऐवजी "तो" घातला तर तो भरतीचा वाटणार नाही कारण मिस-याच्या पहिल्या भागात "जो" आला आहे. सहज सुचलं म्हणून. पुलेशु
धन्यवाद सगळ्यांचे निशिकांतजी
धन्यवाद सगळ्यांचे
निशिकांतजी आपल्या सुचनेनुसार बदल केला आहे. धन्यवाद
आसू न ढाळतो जो असतोच का सुखी
आसू न ढाळतो जो असतोच का सुखी तो?
हसतो तयावरी का जळतात माणसे ही?
मस्तच!! सगळीच गझल एकदम सुपर्ब!!
गझल मस्त!
गझल मस्त!
आई थोर तूझे उपकार च्या
आई थोर तूझे उपकार च्या धर्तीवर...
'क्रांति'ताई थोर तूझे उपकार !!
मस्त गझल.. आवडली..
मस्त गझल.. आवडली..
मस्तच
मस्तच