ठरेन या जगात मी महान एकदा तरी

Submitted by छाया देसाई on 24 February, 2011 - 02:48

हरेन आज भूक अन तहान एकदा तरी
ठरेन या जगात मी महान एकदा तरी

उगाच सोस लागतो इथे तिथे फिरायचा
सजेल का तसेच घर जहान एकदा तरी

मनास जिंकणे मला जमेल का जमेल का
जमेल का मला पिणे चहा न एकदा तरी

बघून ह्रदय उघडणे ,तयास त्यात कोंडणे
अता मुळी न बिघडते पहा न एकदा तरी

मनास ध्यास प्यास ती ,तिथेच जायचे मला
कशास काळजी फुले वहा न एकदा तरी

गुलमोहर: 
मराठी गझल
शेअर करा

मनास जिंकणे मला जमेल का जमेल का
जमेल का मला पिणे चहा न एकदा तरी..:खोखो:

हजलिश अंगाने असलेली रचना. तहान्,महान्,लहान सम पक्के काफिये नसल्याने आशयात व शब्दांत ओढाताण होते.... पण तरीही फार चांगली रचना. Happy

Submitted by डॉ.कैलास गायकवाड on 24 February, 2011 - 02:53

क्रान्तिशी सहमत! त्याच शेरातील पहिली ओळ मस्त!

आपण तंत्रावर पकड घेत आहातच! आता शेरही धारदार यायला लागतील असे वाटत आहे.

चुभुद्याघ्या

-'बेफिकीर'!

Submitted by बेफ़िकीर on 24 February, 2011 - 06:59