नकार आहे!

Submitted by क्रांति on 20 January, 2011 - 02:44

तरहीचा माझाही प्रयत्न!

तुला न मी पाहिले तरीही मनात श्रद्धा अपार आहे
तुझ्याविना या जगात माझा जगावयाला नकार आहे

सदैव काट्यांत गुंतलेल्या, उजाडलेल्या विराण बागा
अजाणता मोहरून आल्या, तुझ्यामुळे ही बहार आहे!

तुझ्या मनाच्या जुन्या व्रणांनी कसे भरावे? कसे सुकावे?
अजून तो बोलतोच, त्याच्या हरेक शब्दास धार आहे

मुक्या कळ्यांचा दबून गेला अखेरचा श्वास एकदाचा,
लुटायचे तेवढे लुटू या, नवीन अत्तर तयार आहे!

मला जराही कळू न देता लुटून नेलेस गाव माझे,
पिसाट दैवा, तुझ्या छडीचा अखेरचा हा प्रहार आहे

कसे, किती शोधले, कुठेही तपास ज्याचा नसे कुणाला,
असा निराकार सावळा श्रीहरी मला भेटणार आहे!

गुलमोहर: 
मराठी गझल
शेअर करा

क्या बात है, क्रांती
तुझ्या मनाच्या जुन्या व्रणांनी कसे भरावे? कसे सुकावे?
अजून तो बोलतोच, त्याच्या हरेक शब्दास धार आहे

मुक्या कळ्यांचा दबून गेला अखेरचा श्वास एकदाचा,
लुटायचे तेवढे लुटू या, नवीन अत्तर तयार आहे! >>>>काय बोलायलाच नको...

Submitted by श्यामली on 20 January, 2011 - 03:17

क्रांति, बर्‍याच दिवसांनंतर तुझा प्रवेश आणि तोसुद्धा इतक्या सफाईदारपणे! वा वा! मस्त गजल. एकेक द्वीपदी कातिल! आवडत्या दहात सामिल! Happy

Submitted by शरद on 20 January, 2011 - 04:21

मुक्या कळ्यांचा दबून गेला अखेरचा श्वास एकदाचा,
लुटायचे तेवढे लुटू या, नवीन अत्तर तयार आहे!

खूप आवडला हा शेर!

Submitted by शैलजा on 20 January, 2011 - 04:23

क्या बात है...... एकदम ''तोडू'' गझल.... प्रत्येक द्विपदी भन्नाट... खणखणीत.

मुक्या कळ्यांचा दबून गेला अखेरचा श्वास एकदाचा,
लुटायचे तेवढे लुटू या, नवीन अत्तर तयार आहे!

हा शेर फार आवडला. Happy

माझ्याही आवडत्या दहात. Happy

Submitted by डॉ.कैलास गायकवाड on 20 January, 2011 - 04:27

तुझ्या मनाच्या जुन्या व्रणांनी कसे भरावे? कसे सुकावे?
अजून तो बोलतोच, त्याच्या हरेक शब्दास धार आहे

मुक्या कळ्यांचा दबून गेला अखेरचा श्वास एकदाचा,
लुटायचे तेवढे लुटू या, नवीन अत्तर तयार आहे!

मला जराही कळू न देता लुटून नेलेस गाव माझे,
पिसाट दैवा, तुझ्या छडीचा अखेरचा हा प्रहार आहे

संपूर्ण गझलच उत्तम त्यातही हे तीन शेर प्रचंड आवडले

Submitted by विजय दिनकर पाटील on 20 January, 2011 - 22:21

सदैव काट्यांत गुंतलेल्या, उजाडलेल्या विराण बागा
अजाणता मोहरून आल्या, तुझ्यामुळे ही बहार आहे!

मुक्या कळ्यांचा दबून गेला अखेरचा श्वास एकदाचा,
लुटायचे तेवढे लुटू या, नवीन अत्तर तयार आहे!

अप्रतिम.

Submitted by नादखुळा on 20 January, 2011 - 22:27

मुक्या कळ्यांचा दबून गेला अखेरचा श्वास एकदाचा,
लुटायचे तेवढे लुटू या, नवीन अत्तर तयार आहे!>>>> नि:शब्द!!!

सुपर्ब गझल! मस्तच!

Submitted by सुमेधा आदवडे on 20 January, 2011 - 23:50

अप्रतिम गझल...
सॉल्ल्लिड!!
अभिनंदन क्रांतिजी.. Happy

Submitted by आनंदयात्री on 21 January, 2011 - 01:01