माझेही धन्यावाद. ऍडमिन, ईलिनॉय मधला "इ" र्‍हस्व कराल का प्लीज?

CRY Walk 2008 मधे सहभागी होऊ इच्छिणार्‍यांनी कृपया www.crychicago.org या पत्त्यावर जाऊन नोंदणी करावी. Walk १३ सप्टेंबरला पॅलेटाईनच्या फॉरेस्ट प्रिजर्व मधे आहे. अधिक माहिती वर दिलेल्या पत्त्यावर मिळेल.

ज्यांना Walk ला येता येणार नाही, पण Pledge मधे भाग घ्यायची इच्छा आहे त्यांना खाली देत असलेल्या पत्त्यावर आपल्या प्लेजेस ऑनलाईन डोनेट करता येतील. तिथे एखादी टीम निवडून त्या टीमसाठी प्लेज करता येईल. धन्यवाद.

http://www.active.com/donate/chicry

मंडळी,
गणेशोत्सवात मतदान केले की नाही?
२७ सप्टेंबर पर्यंत मतदान चालु आहे, शेवटचे ४ दिवस बाकी आहेत, केले नसेल तर पटपट मतदान करुन टाका.
कुठे करायचे काय विचारता? हे बघा
गणेशोत्सव मतदान

नमस्कार मंडळी.

दिवाळीची चाहूल कशी अगदी आसमंतात भरून राहिली आहे नाही?
वर्षातल्या सर्वात मोठ्या या उत्सवात लक्ष्मीच्या स्वागतासाठी तुमची लगबग सुरू झाली असेल. घरातली अडगळ काढून साफसफाई करायची आहे. घर रंगवायचे आहे. नवीन खरेदी करायला दोन-तीन दिवस तरी पाहिजेत. प्रियजनांच्या गाठी आणि त्यांच्यासाठी भेटी घ्यायच्या आहेत. नोकरी-धंद्यातल्या संबंधांना यानिमित्ताने उजाळा द्यायचा आहे. बर्‍याच नातेवाई़कांकडे जायचे नियोजन करायचे आहे.. हे ना ते. अनंत विषय मनात असतील, अन् कमी वेळेत कसे कसे होईल हा प्रश्नही!

या गडबडीत आपल्या दिवाळी अंकाला मात्र विसरू नका, म्हणजे झाले.

दिवाळी अंकाची घोषणा होऊनच आता आठवडा उलटून गेला आहे. दिवाळी अंकातला आपला सहभाग निश्चित करण्याच्या दृष्टीने हीच वेळ आहे घाई करण्याची.
आपल्या लाडक्या मायबोलीचा हा नववा 'हितगुज दिवाळी अंक', "मायबोली-मायमराठी- गेले तप आणि येणारे तप" असा विषय घेऊन महाजालावर आपणा सर्वांसमोर येतो आहे, हे दिवाळी अंक घोषणेत सांगून झालेच आहे. या वर्षी आपला दिवाळी अंक मूर्त रूप घेणार आहे तो फक्त शब्दरूपाने नव्हे, तर दृक्-श्राव्य रूपाने सुध्दा. यामध्ये कथा, कविता, ललित, हलकेफुलके लेख, प्रवासवर्णन, रसग्रहण यांबरोबरच बाल साहित्य व आपल्या गुणप्रदर्शनांचे स्वागत आहे..

आपण अजूनही विचार करत असाल, विषय ठरले झाले नसतील तर आपण घाई करायला हवी. ऐनवेळी तुमची धांदल नको, म्हणून ही आगाऊ सूचना!
तेव्हा, लागा बघू तयारीला..!!

आपले साहित्य तयार असेल तर दिवाळी अंकाची घोषणा व त्यातील सूचना पुन्हा एकदा वाचून, कृपया आपले साहित्य दिवाळी अंक लेखनाच्या खालील दुव्यावर पाठवावे.
http://vishesh.maayboli.com/node/add/v-article1

काही शंका असल्यास, आपल्या प्रश्नांचे स्वागत आहे..

--
संपादक मंडळ
हितगुज दिवाळी अंक २००८

आयला ईकडे फक्त संयोजक किंवा संपादक मंडळीच लिहीतात. लै भारी.

ते (संयोजक) परत आपल्याला "उर्वरित" मध्ये टाकणार. असो!
कल्पू

सगळे ईलिनॉयकर इतके व्यस्त आहेत की इथे कोणीच फिरकत नाही.

सगळे ईलिनॉयकर इतके व्यस्त आहेत की इथे कोणीच फिरकत नाही. >> दुखात आहेत... आता पांढरे मोजे बघुन काय करतात..

दुखा:त? अरे मी तर आनंदात आहे रे भो. गेल्या रविवारी जसराजजी, कालच्या रविवारी रवी शंकर.

वा.. मजा आहे.. आम्ही पण इकडे (पिओरीआत) एका प्रोग्राम ला गेलो होतो. सुरेश तळवळकर आणी त्यांच्या कन्येचे सोलो तबलावादन आणी कुमार मरदुर या तरुण कलाकाराचे गायन.. फारच अफलातुन गायला तो..

kedarjoshi / naatyaa - अशा कार्यक्रमांबद्दल कोणत्या आंतरजालावर माहिती मिळेल मला?

http://cities.sulekha.com/united-states/illinois/chicago/default.htm
मध्ये ईव्हेंटस बघा. तसेच www.cso.org ईथेही. सिम्फनी ऑर्केस्ट्रा मध्ये फक्त ईन्स्टृंमेटल्स होतात तुम्ही मराठी मंडळाच्या सदस्य आहात का? त्यांचा मेल लिस्ट मध्येही भरपुर कार्य्क्रम असतात. नसाल तर मला तुमचा ई मेल सांगा मी लिस्ट मध्ये टाकन्यास सांगेन.

केदार धन्यवाद!
मी नाहीये मराठी मंडळाची सदस्य. मी तुम्हाला इमेल केलाय माझा आय डी.

हो मिळाला. मी सेक्रेटरींना पाठवून देईन तुझा आयडी. शिवाय मी ही कार्यक्रम ई मेल करेन. तू म्हणलेस तरी चालेल.

त्वरा करा! त्वरा करा!! मायबोलीच्या दिवाळी अंकाकरता साहित्य पाठवायची आजची शेवटची तारीख.

सर्व लिखाण स्क्रीनच्या एकाच बाजूला, सुवाच्य अक्षरात लिहिलेले असावे. दोन ओळींमधे जागा, समास पुरेसे असले पाहिजेत

लिहिताय ना लवकर!

'गेले तप, आले तप
आले गेले टपटपाटप'
"हे काय ?"
" हितगुज दिवाळी अंकाच्या 'गेले तप, आले तप' या मध्यवर्ती संकल्पनेवर केलेली कविता."

"अस्सं होय ! अहो, पण ती कविता यमकवालीच पाहिजे असे नाही. "

अन् कविताच पाहिजे असे मुळीच नाही... या संकल्पनेवर लिहिलेल्या कविता, ललित, लेख, कथा अशा सर्वांचे स्वागत आहे ! खरे तर, कुठल्याही विषयावर लिहिलेल्या सर्व प्रकारच्या साहित्याचे हार्दिक स्वागत आहे. मग लिहून पाठवताय ना दिवाळी अंकाला ?

रविवार काही फार दूर नाही, सप्ताहांत सत्कारणी लावा !

दिवाळीच्या हार्दिक शुभेच्छा!! ही दिवाळी सर्वांना आनंदाची, सुखसमाधानाची आणि भरभराटीची जावो!