नको

शोधू नकोस, मिळणार नाही
तुझ्यात मी, असणार नाही..!
आता तुच बहरून जा
आता मी, फुलणार नाही ..!
डोके टेक, हात जोड
फत्तर तो, द्रवणार नाही ..!
तुला मी, मला तू
कधीच का कळणार नाही ..?
आधी मन मारून टाक
तर डोळे, झरणार नाही ..!
रामालाच तोंडे दहा
सीता काही करणार नाही ..!
जिंकायचे नाही मला
म्हणून तू हरणार नाही ..!
तुझा मी, माझी तू
असे काही होणार नाही ..!
फायदा हाच मरण्याचा
नवे दु:ख छळणार नाही ..!
अश्वत्थामा, पुरे आता
मला तेल उरणार नाही ..!