गझल

रुंजी

Submitted by समीर चव्हाण on 8 January, 2013 - 01:24

किती रुंजी अशी तिथल्या तिथे घालत रहावे
नवी क्षितिजे, नवे आकाश धुंडाळत रहावे

कधी हे मौन पडते आपल्या पथ्यावरी पण
शहाण्याने मनाशी वाद नित घालत रहावे

तुझ्या गाण्यात विरघळती व्यथा अवघ्याच माझ्या
तुला ऐकत रहावे बस तुला ऐकत रहावे

तुझ्या डोळ्यांतले गाणे तुझ्या मौनातली धुन
तुला ऐकत रहावे की तुला पाहत रहावे

कधी देशील एखादीच पण परिपूर्ण रचना
किती सौंदर्य तुकड्यांतून न्याहाळत रहावे

(हौस संग्रहातून)

शब्दखुणा: 

पहिल्यासारखे

Submitted by समीर चव्हाण on 26 December, 2012 - 14:31

उरले न आता चांदणे हृदयात पहिल्यासारखे
ते क्षण-प्रहर, महिने-ऋतू, दिनरात पहिल्यासारखे

मधुमास सरला, बहरही, ते मीलनाचे प्रहरही
कोठे जिव्हाळा, प्रेमही अपुल्यात पहिल्यासारखे

गंमत न आता राहिली वाटा नव्या जोखायची
ठेचाळणे उरले कुठे रस्त्यात पहिल्यासारखे

झाल्या प्रसंगातून तू शिक नेमके विसरायचे
हल्ली कुठे मी ठेवतो लक्षात पहिल्यासारखे

कुठल्या प्रभावातून मी घडलो कळेना नेमक्या
मंजूर नाही राहणे त्याच्यात पहिल्यासारखे

समीर चव्हाण

(हौस संग्रहातून)

विषय: 
शब्दखुणा: 

काल चाखली तेव्हा मजला अर्थ कळाला डुलण्याचा!

Submitted by चैत रे चैत on 18 December, 2012 - 15:26

प्रोफेसरांच्या एका सुंदर गझलेतील अमृत आम्ही चाखले आणि आमच्या मनात आले की आपणही एखादी गझल करून पाहावी. पण दुर्दैवाने आम्हाला चढलेली धुंदी उतरलीच नाही. त्याच धुंदीत लिहिलेल्या काही लडबडत्या ओळी आहेत ह्या.

काल चाखली तेव्हा मजला अर्थ कळाला डुलण्याचा!
घोट घोट मी सारी प्यालो, स्वाद समजला चकण्याचा!!

सोबत करण्या तुला नेमका हवाच होता कुणी तरी;
सोस हिला ही रुसण्याचा अन् सोस तुला ही 'बसण्याचा'!!

द्रव्य मिळाले खोऱ्याने; पण...हाय, काल मी गमावले!
किंगफिशरच्या प्याल्यामध्ये शाप मिळाला हरण्याचा!!

शब्दखुणा: 

रात्रभर

Submitted by मिल्या on 26 November, 2012 - 01:59

मीच माझ्या झळा सोसतो रात्रभर
सूर्य माझ्यामधे तळपतो रात्रभर

केवढी वादळे कोंडली ह्या उरी
पण दिवाही तिथे तेवतो रात्रभर

सोबतीला सुनी शांतता घेउनी
आतल्याआत मी भटकतो रात्रभर

मी पहाटे पहाटे हरू लागतो
वेदनांशी लढा चालतो रात्रभर

काय केलीस माझी अवस्था सखे
स्वप्न जागेपणी पाहतो रात्रभर

आंधळी रात्र पण फक्त स्पर्शातुनी
तू मला, मी तुला, वाचतो रात्रभर

ठेवली सर्व स्वप्ने तिजोरीमधे
मी सुखाने अता झोपतो रात्रभर

'महफिल-ए-गझल'- पंकज उधास (पासेस उपलब्ध)

Submitted by माध्यम_प्रायोजक on 25 October, 2012 - 01:44

आंतरराष्ट्रीय ख्यातीचे गझलगायक म्हणून मान्यता पावलेले पद्मश्री श्री. पंकज उधास यांच्या मैफलीचा लाभ पुणेकरांना बर्‍याच वर्षांनी मिळणार आहे. २७ ऑक्टोबर २०१२ रोजी संध्याकाळी साडेसहा वाजता राजाराम पुलाजवळील 'महालक्ष्मी लॉन्स' (कर्वेनगर) येथे ही 'महफिल-ए-गझल' संपन्न होईल.

pankaj.jpg

'महफिल-ए-गझल' साठीचं आपलं तिकिट खालील पत्त्यावर संपर्क साधून मिळवता येईल.
एलिगंट शोबिझ प्रा. लि.
२१४८, विजयानगर कॉलनी,
हॉटेल कावेरीसमोर, सदाशिव पेठ, पुणे

किंवा

विषय: 

जितके जमते..

Submitted by ज्ञानेश on 11 July, 2012 - 01:24

=======================

संवादाचा ढळतो आहे तोल, तरीही-
जितके जमते, तू माझ्याशी बोल तरीही

तुझ्या कृपेची वर्षा झाली.. निरभ्र झाले
अजून शिल्लक भिंतीमधली ओल तरीही

काठावरती बसणे बहुधा रम्य असावे
आपण जावे जमते तितके खोल तरीही

भेटत नाही मित्र अचानक रस्त्यावरती
म्हणावयाला पृथ्वी असते गोल, तरीही !

आपण आता येथे असणे सुंदर आहे
बदलू शकतो हा सगळा माहोल, तरीही !

पानांमध्ये पिंपळजाळी जपत रहावी,
असल्या संदर्भांना नसते मोल, तरीही...

-ज्ञानेश.
========================

गुलमोहर: 

तुला कधी मिशा फुटणार?

Submitted by अभय आर्वीकर on 19 June, 2012 - 11:27

तुला कधी मिशा फुटणार?

पाखरेही एकी करतात जरासे पंख फुटल्यावर
पण तुला कधी मिशा फुटणार? सांग माणूस म्हटल्यावर

पंचम स्वरात बोलणे तुझे, गैरवाजवी नसेलही
पण; मुजोरीची किंमत काय? पुरेसे नाक कटल्यावर

काही औषध उरले नाही, मित्रा तुझ्या स्वभावाला
मिळणार केव्हा शांती तुला! माझे डोळे मिटल्यावर?

राखेशिवाय दुसरे आता अन्य काय उरले येथे?
अवश्य धावून तू आलास खरा; पण आग विझल्यावर

तुझ्याशी वाद घालणे असा माझा उद्देश नसतोच

गुलमोहर: 

~ शराबी शराबी ~

Submitted by Ramesh Thombre on 1 June, 2012 - 01:36

असा धुंद वारा, शराबी शराबी.
तुझा स्पर्श न्यारा, शराबी शराबी.

कशाला भुलावे, उगी त्या नशेला
तुझा ओठ प्यारा, शराबी शराबी.

जगावे कळेना, मरावे कळेना
तुझा दोष सारा, शराबी शराबी

उद्याला करावा, तुझा त्याग थोडा
असे फक्त नारा, शराबी शराबी

तुझे शब्द राणी, कसे सावरावे
सुरांचा पसारा, शराबी शराबी.

नको पावसाळा, नको चिंब होणे
नशेच्याच धारा, शराबी शराबी.

मनाची कवाडे, मनाच्याच भिंती
मनाचा पिसारा, शराबी शराबी

कसा रे रमेशा, कुणी घात केला
नशेने बिचारा, शराबी शराबी.

- रमेश ठोंबरे

गुलमोहर: 

~ विठ्ठला ~

Submitted by Ramesh Thombre on 29 May, 2012 - 11:57

पांगले का विश्व सारे, सांग बा रे विठ्ठला
सावरावे या मनाने, आज का रे विठ्ठला

जिंकलेले खेळ सारे, आज आहे हारलो
मागतो का सांग मी रे, चांद तारे विठ्ठला

पाहिले मी आज काही, जे न होते पाहिले
हे बरे की अंध होतो, तेधवा रे विठ्ठला

काय केले काम त्यांनी, भाषणेची ठोकली
नाम नाही श्रीहरीचे, फक्त नारे विठ्ठला

राम नाही देखिला मी, भांडतो त्याला जरी
देव तोची आज हृदयी, थाटला रे विठ्ठला

- रमेश ठोंबरे
(विठूच्या गझला)

गुलमोहर: 

~ फेसबुकावर ~

Submitted by Ramesh Thombre on 29 May, 2012 - 03:59

कितीक सारे मित्र 'च्याटले' फेसबुकावर
तुझे नि माझे नित्य 'फाटले' फेसबुकावर.

गल्लीमधली पुसती सारी 'कोण पाहुणा ?'
'विश्वची माझे सगे' वाटले फेसबुकावर.

सोशल त्याचा श्वाश जाहला, जगणे झाले
झुकरबर्ग ने द्रव्य लाटले फेसबुकावर.

अण्णा, बाबा सांगत सुटले 'देश वाचवा'
दुकान त्यांनी नवे थाटले फेसबुकावर.

प्रकांड ज्ञानी सवे बैसुनी चर्चा करती
कसे कुणाचे नाक छाटले फेसबुकावर.

आम्हास अमुचे पुस्तक प्यारे, छापुन घेऊ !
कसे रमेशा शब्द बाटले फेसबुकावर ?

- रमेश ठोंबरे

गुलमोहर: 

Pages

Subscribe to RSS - गझल