कथाशंभरी-२

कथाशंभरी-२- (अप)घात

अंगणात येऊन रघूने गेले सहा महिने बंद असलेल्या शेजारच्या घराकडे सवयीने पाहिले आणि..

साहेब आणी मॅडम अचानक कार अपघातात गेले, तेव्हा पासून बंदच होतं ते घर.

परदेशात असलेला त्या घरातला मुलगा परत येईपर्यंत तरी ते घर कुणी उघडायची शक्यताच नव्हती. तो त्याच्या आऊटहाऊसच्या पायरीवर बसला.

नेहमी रघूच चालवायचा ती कार. आदल्या दिवशी त्याने ती मेकॅनिक कडे नेऊनही आणली होती. पण त्याच्या अचानकच्या प्रचंड सर्दीमुळे तो गेला नाही कारवर...

नवीनच लागलेल्या तपकिरीच्या सवईने, त्याचा हात खिशाकडे गेला..