इथून निघून जाताना.....
Submitted by पुरंदरे शशांक on 19 May, 2022 - 02:03
इथून निघून जाताना...
होतील पाय जड, का जाईन तरंगत
धरुन ठेवीन सारे, का निघेन वार्यागत !
आठवतील का क्षण सुखद आणि स्वर्गवत
राहील काही मनात दुःख तेच खदखदत !
तोच द्वेष, तीच माया तीच ती साथसंगत
ठेवीन सारे ह्रदयात का वाटेल विसंगत !
साखळ्यांचे ओझे मनात खळखळत
निघेन का मी तेव्हा जरा अडखळत ?
कोडेच सारे काही, का वाटेल स्वप्नवत
क्षणात होईन पार, का जरा थांबत थांबत !
दृष्य सारे मावळेल, विचार सारे अस्तंगत
अदृष्यही असेल का ते असेच काही क्षणासोबत !