काव्यलेखन

वणवा

Submitted by @गजानन बाठे on 30 September, 2019 - 11:31

वणवा

फुलली जी बाग होती,
सगळी लयास गेली,
माझ्याच भावनांना,
ज्यांचीच आस होती.
वारा सुसाट होता,
पाने गळीत होती,
मन काय थोर होते,
नाती जळीत होती.
दाहि दिशांस वणवा,
गुरे पळीत होती,
तृण शूद्र काय होते,
शरीरं मलिन होती.
माझीच माणसे तव,
काया पोळीत होती,
लोकांस काय त्याचे,
वाह!वाह! करीत होती..

गजानन बाठे

शब्दखुणा: 

शहाणी किती...

Submitted by sanjay vitekar on 30 September, 2019 - 06:55

विचारु कसे, तू शहाणी किती
पुन्हा तीच ऐकू कहाणी किती

कितीदा तुला दुःख सांगू असे……
तुझ्या दोन डोळयात पाणी किती

नको प्रश्न आता करु कोणता…..
तुला गाव म्ह‍णते दिवाणी किती

जिथे थांबलो मी, तिथे आजही..
तुला शोधतो त्या ठिकाणी किती

इथे लोक सगळेच राजे म्हणे….
घरी तू तुझ्या सांग राणी किती

किती जण गळे फाडती बघ इथे
तुझ्या कुंकवाचीच गाणी किती

_______ संजय विटेकर

शब्दखुणा: 

विडंबन

Submitted by Aditiii on 30 September, 2019 - 02:58

विडंबन

बहिणाबाईंची क्षमा मागून

माझं दुःख माझं दुःख
व्हाट्सअँप स्टेटस ला लावलं

माझं सुख माझं सुख
एफबी इन्स्टा वर मांडलं

चहू कडून लाईक्स येता
मन माझं सुखावलं

कुणी पुसे काय झालं
कुणी देतसे रिप्लाय

एक क्षण का होईना
पण लक्ष मी वेधलं

गरज पडे रोज रोज
लोकांच्या अप्रूव्हल ची

सुख असो दुःख असो
सवय वेशीवर टांगायची !!!!

या शेकोटिसवे तुझी आठवण ही जळते आहे..

Submitted by Happyanand on 29 September, 2019 - 23:12

ही रात्र मिठीतुन माझ्या
हळुहळु निसटते आहे.
शुभ्र शुभ्र धूक्यांची
मैफील सजते आहे..
या शेकोटिसवे तुझी आठवण ही जळते आहे.......!
पहाट ही हळवी मजसवे
अश्रु ढाळते आहे.
हे अश्रु सारे डोळ्यातुन
ओघळून गेले.
हिरव्यागार पानांवर
दवबिंदू जमा झाले.
बकुळा नि प्राजक्ताच्या गंधासवे
ही पहाट दर्वळते आहे..
या शेकोटिसवे तुझी आठवण ही जळते आहे.......!
मन पुन्हा नव्याने
प्रेमात पडते आहे.
तुजला सोडुन जग हे सारे
सुंदर सुंदर भासते आहे.
हळवी ही पहाट जरी
निरागस मजसवे बोलते आहे.

शब्दखुणा: 

म्हातारा

Submitted by डॉ.विक्रांत प्र... on 29 September, 2019 - 13:08

म्हातारा
******

भयान राती
उजाड पथी
टाळून वस्ती
जाई म्हातारा

कंदील हाती
लाकूड काठी
देहावर ती
घट्ट कांबळी

खोल डोळे
गुहे मधले
ओठावरले
जंगल मोठे

कुठे चालला
या वेळेला
भय सांडला
नच कळे

झपझप झाले
कंदील हले
खडखड बोले
पायी वाहाण

वाट तयाची
जणू रोजची
युगायुगांची
असावी ती

डोळे चिमुकले
खिडकी मधले
होते जुळले
त्यास कधी

गूढ आकृती
कंदील स्मृती
अजून मना ती
रुंजी घाले

शब्दखुणा: 

कालीचा अवतार

Submitted by Asu on 29 September, 2019 - 05:24

स्त्री ही अबला नसून प्रसंगी कालीचा अवतार धारण करू शकते. नवरात्रोत्सवाच्या निमित्ताने अशी ताकीद देणारी कविता-

*कालीचा अवतार*

उपमा सीता सावित्रीच्या
आम्हांस तू देऊ नकोस
जुन्या झाल्या त्या प्रतिमा
पुन्हा पुन्हा फसवू नकोस

देऊन दागिना लज्जेचा
निर्लज्ज होऊन लुटू नकोस
मायावी तू वस्त्रे पांघरून
निर्वस्त्र करून भोगू नकोस

मायबहिणींची अब्रू लुटुनि
बेअब्रू पावित्र्यां करू नकोस
सबला आहोत आता आम्ही
अबला आम्हां समजू नकोस

शब्दखुणा: 

दागिना

Submitted by शब्दवेडा on 29 September, 2019 - 02:41

दागिना

पाहिले जेव्हा तुला तेव्हाच झालो मी कवी
शब्द होते ओठांवरी नव्हती जवळ पण लेखणी
पाहिल्या कित्येक ललना नाही तुझ्यासम एकही
पक्षीही पाहून तुजला गीत गाऊ लागले
अन अशा या शांत वेळी मेघ बरसू लागले
ऐक तू आता जरा माझ्या मनातील भावना
पण गोठले ओठात शब्द पाहून गळ्यातील दागिना

शब्दखुणा: 

कॅनव्हास आयुष्याचा

Submitted by @गजानन बाठे on 28 September, 2019 - 23:13

कॅनव्हास आयुष्याचा

पाटीवर गिरवलेली अक्षरे ती,
चुकली की पुसता यायची.
बोल बोबडे भीती नव्हती,
माय तेवढी सावरून घ्यायची.

वाटलं थोडं मोठं व्हावं,
बालपण मागे सुटत होतं.
किशोर स्वप्ने मनही वेडं,
वादळा सम वाहवत नेतं.

काळ मग खडतर तारुण्याचा,
चुकण्याची का सोय होती?
कॅनव्हास रंगीत अपेक्षांचा,
रेखाटनाची ही मुभा नव्हती.

कॅनव्हास एक अन स्वप्नं भारी,
हो!वार्धक्याची पुसट तयारी,
रंग मोजके पण हौसच सारी,
मग उरते ती जवाबदारी..

@गजानन बाठे

शब्दखुणा: 

लतादीदी

Submitted by Asu on 28 September, 2019 - 11:44

स्वरसम्राज्ञी लतादीदींच्या ९० व्या वाढदिवसानिमित्त लतादीदींना काव्यमय शुभेच्छा, माझे चित्रकार मित्र श्री.लीलाधर कोल्हे यांनी केलेल्या सुंदर रेखाटनासह-

लतादीदी

सरस्वतीच्या कंठी झुलतो
सुंदर मौक्तिक हार
लतादीदींच्या गळ्यातला
जणू संगीत सूरबहार

कोकीळकंठी मृदुभाषी
जगताची तू शान
प्रत्येकाच्या हृदयी वसली
घेऊन अढळ स्थान

आम्ही पोसलो तुझ्या सुरांवर
केलेस जीवन छान
कसे फेडावे उपकार तुझे
गाऊ किती गुणगान

शब्दखुणा: 

काजवा

Submitted by निरंजन कुलकर्णी on 28 September, 2019 - 11:27

काजवा

डोळ्यात तुझ्या दिसतात मजला चंद्र आणि चांदण्या

अजूनही न कळे मला तू सत्य की मनातील कल्पना

कल्पनांच्या या जगातील चंद्राळलेली रात्र तू

अन तुझ्यातच चमकतो मी स्वप्रकाशी काजवा

Pages

Subscribe to RSS - काव्यलेखन