हॅशटॅग True Image
Submitted by कविन on 18 April, 2021 - 09:23
“स्मोकिंग झोनमधे भेट ५ मिनिटात” व्हॉट्स ॲपवर अभ्याचा मेसेज फ्लॅश झाला तेव्हा नेमका आमचा मास्तर माझ्या बाजूलाच होता. त्याने एक शेलका लूक दिला आणि परत लाल शाईने गोल केलेल्या कंटेन्टकडे लक्ष वेधून घेत “Mr Pratik correct it and send it back in next five minutes” असं ऐकवून आणि फाईल माझ्या डेस्कवर जवळजवळ आपटून तो निघून गेला. या दोघांनाही पाच मिनिटाचं काय ऑब्सेशन आहे देव जाणे!
“मास्तर पेटलाय. आग विझवून आलोच.” अभ्याला असा रिप्लाय पाठवून मी कामाला लागलो.
त्यात आमच्या बॉसचा चेहरा पाहीला तरी कोणीही सांगेल 'आग्यावेताळ' का काय म्हणतात तो हाच आणि आम्ही पडलो गरीब बिचारे वेठबिगारी.
शब्दखुणा: