शब्दांची मजार
Submitted by निखिल मोडक on 22 January, 2021 - 12:34
**शब्दांची मजार**
चालताना संगती तुझ्या
तू बोललीस जे सखे
त्यातील शब्दास काही
सौख्य अर्थाचे लाभले
सांडले अन्यथा शब्द जे
मागे रेंगाळले अंगणी
आयुष्य क्षणीक त्यावरी
चादर चांदण देखणी
मौक्तिके दो आसवांची
त्या मजारीवर सांडली
तुझिया भावचंद्राची
त्यावरी बिरुदावली
उमगले तेव्हाच मजला
शब्द जे सांडले सखे
तेच अर्थाची खरे तर
होती जरतार ल्यायले
©निखिल मोडक
विषय:
शब्दखुणा: